دعاء و رثاء للوالد : شاجع بن لويف

[سارس]

دعاء و رثاء للوالد شاجع بن فهيد بن لويف

يالله اللي من ترجاه في الليل البهيم=يلتفت له لو بعد حين و يحقق رجاه
ما يرجع من ترجاه مكسور هضيم=يدخر له او ينجيه او أنه عطاه
أسألك يا الله يالله با لأسم العظيم=اسمك اللي ينفرجهم هم من ضاق ودعاه
عبدك اللي ينتظر منك لطفك يا كريم =شاجع بن لويف ..يالله تغفر له خطاه
يا الله انك اتثبته يوم ينشده الخصيم =لين قبره ينقلب روضة فيها طراه
والله إنا قد عرفناه في وقته عديم =ما نقوله من محبته .يشهد له اعداه
يشهدون انه دوا الضد و نحاز الغريم=كل جبار ايتكفا...ولا يقرب احماه
وللضعيف وللقرابه أهش من الهشيم = وأصل فيهم .بكلمه وتاخذ ما معاه
ولا غدى في بعض الايام به يوم يضيم = كلنا لاكلح الوقت ...لذنا في ذراه
ويوم عاد الوقت يفرق كريم من لئيم= يشهدون ان مجلسه مدهل للي بغاه
كم تسبب في بيوت وجناسي من قديم=دايم ماله وجاهه لمن حوله اوقاه
ويشهدون انه على كل عاداته امقيم =العطا والجود طبعه وهو غاية مناه
الأخر ايامه....سؤالين ما عنها يهيم= معك خرده للمساكين؟هو حن في صلاة؟
أسألك يا لله يا لله با لاسم العظيم=يسكن الفردوس الاعلى ورحمتك اتغطاه

للشاعر : سعد بن شاجع بن لويف 3 - 9 - 2008

[خالد ركيان]

الله ام امـــــــــــــــــيـــــــــــــــــــــــــن 00

والله يرحم ابو فهيد 00 عزالله انه فقيده جعله في الجنه 00 كعام العدا

هاضني قافن سمعته وانا قلبي سقيم =لا سمعته راس شرياني التااجي كواه
اتوجد و التوجاد ماينفع محيم = دايمن راعي التوجاد ما يلحق هواه
ليت غيره في مكانه وهو يبقى سليم =واحدن ماينعرف ويش وجهه من قفاه
يفتدي من يرهق الخصم يوم الجو غيم =راسين في موقفه كنه جبال السراه
ليث غابن يوم غيره للقاح الحريم =من فعل فعله تجمل ولا يلحق جزاه
يالله انك ترحمه يا سميع و يا عليم =و حوض اخير الخلق تسقيه منه وتحماه
مايموت اللي على جرته ذيبن هميم =و الذياب اخوانه اللي تجاوب له عواه

هذي مجاراه بسيطه ولا تفي بالغرظ لو نكتب دواوين 00 والسلاااااااااااااااام
والله يسكنه الجنه ابو فهيد

[محمد آل سالم]

الله يرحم ابو فهيد برحمته الواسعه

ويسكنه فسيح جناته

وصح لسانك يا سعد

ومهما كتبتوا قليل في حق ابو فهيد

[الغروب]

الاخ / ســـارس

لاهنت على طرح هالقصيدة الجزله وصح لسان شاعرها سعدبن شاجع

وربي يرحم الفقيد ويسكنه جنان الخلد واموات المسلمين

وننتظـــر عطاءات اخرى

[سارس]

خالد صح السانك ولاهنت على المرور طال عمرك والله يرحم ابوفهيد والله انه فقيده على العجمان ويام كافه والله يسكنه الجنه يارب

محمد لاهنت على المرور والله لوشنسوي ما وفينا حق ابوفهيد ........

الغروب شكرا على المرور الرائع والله يسكنه الجنه يارب..............

[على دروب الغانمين]

لاهنت على القصيده الطيبه والله يرحم ابو فهيد ويسكنه فسيح جناته
والله يطول عمر عياله ويحفظهم

الأخر ايامه....سؤالين ما عنها يهيم=معك خرده للمساكين؟هو حن في صلاة؟
أسألك يا لله يا لله با لاسم العظيم=يسكن الفردوس الاعلى ورحمتك اتغطاه

الله يرحمه ان شاء الله ويرحم جميع المسلمين,,وعسى الجنه مثواه الاخير ان شاء الله ..أمين يارب العالمين

وصح لسان الشاعر سعد بن شاجع بن لويف

تقبلوا مرور اخيكم

[سارس]

لليمين در صح بدنك ولاهنت على المرور طال عمرك..........

[ابونايف الوعيلي]

الله يرحمــه ويسكنه الجنــة ونعم والله يابوفهيــد


وصح لســان سعد


اخوووووك



ابونايف الوعيلي.....

[طبعي عنيد]

الله يغفر لة ويرحمة برحمتة
وجعل مثواه الجنة
وصح لسانك
اللهم اغفر لي جميع اموات المسلمين

[تــــــــــلاب]

الله يرحم ابو فهيد و يسكنه الجنة .. ولا مات من خلّف له عيال و سمعة طيبة ..