عيدية العيد لشيخ الشجاعة والنخوة والكرم / الشيخ فهد بن قروش

[مجالس العجمان]

تتقدم ادارة مجالس قبيلة العجمان بهذه الهدية المتواضعة للشيخ فهد بن قروش بهذا العيد السعيد.
وهي عبارة عن قصيدة للشاعر مترك محمد ال عمرة والكلمات قليلة في حق الشيخ فهد ال قروش فهو شيخ الشجاعة والنخوة والكرم.
شيخ المراجل والطيب ... الشيخ فهد بن عبد الهادي بن قَرْوَش آل خضير ال شامر ( ابو راكان )... جسَّد الشجاعة والكرم والعلوم الطيبة بشخصيته وفعله ، وهذا ليس بكلامي فقط بل بكلام من عاصره وعاشره.. شهد له القاصي والداني من شمال شبه الجزيرة العربية الى جنوبها ومن شرقها الى غربها ، قصد فيه الشعراء كثيرا لما رأوا من فعل الطيب يعجز أن يفعله الكثير الا فهد بن قروش... ولقد فك الكثير من الرقاب وأخرج الكثير من المساجين المعسرين وساعد الكثير من المحتاجين واستحق الشيخه بفعل يمناه ويستاهلها ابو راكان.

وشهد له جميع الشعراء الكبار قاطبة ومنهم الشاعر الكبير رحمه الله راشد بن الذيب وشاعر يام علي بن بلال والمسردي وغيرهم كثير...
ولقد جمع ضيفنا جميع القصائد في مؤلف وتجاوزت 400 قصيدة أسماه ( شهود المواقف ).
وهذا الكتاب سيصدر قريبا وفيه قصائد جميع الشعراء الذين عرفوا وعايشوا الشيخ فهد بن قروش عن قرب وجادت قرائحهم بالقصائد الطيبة.
:
واليكم قصيدة الشاعر مترك ال عمرة بصوت حسين ال لبيد اليامي من إنتاج مجالس العجمان
:
التشغيل من موقع المجالس
اضغط هنا
:
للحفظ كلك يمين مع حفظ بالاسم
:
او التشغيل عن طريق اليوتيوب
:

:
( رابط لقاء المجالس مع شيخ الشجاعة والنخوة والكرم الشيخ فهد بن قروش )
:

	سلام للي ماحسب للمخاسير=على اربوعه بالأمور العسيره يضحك احجاجه لا لفوه المسايير=يمناه ماهي للعطايا قصيره في مجلسه تنساق صفرن مباهير=مدهال لصحاب الوجيه السفيره فهد ابن قروش سليل المناعير=من طيب فعله عم كل الجزيره من لابتن مضرابها بالبواتير=شوامرن اهل السيوف الشطيره شفهم على كسب المراجل طوابير=يردون حوض الموت عندالمغيره زبانة الجاني وستر الغنادير=عون الضعيف هم عزته هم نصيره لا جا نهار الكون يوم المناكير=ذخيرتن ياطيبها من ذخيره يامن على ذكره وطيبه مفاخير=حاز النعم عند الجموع الغفيره محدن مثيله بالشيوخ المشاهير=قليل جنسه في زمنا نظيره دنق عليه العز من غير تبرير =لنه مليك العز لنه اميره اتعب شيوخ الوقت بالجهد والسير=محدن على ساس المكارم خشيره يمناه في سوق العطايا شخاتير=في ذمتي الا ابحورن غزيره فيه الشجاعه فيه جن السعاطير=فيه الحميه وسط راسه تديره فيه الطناخه خيمت بالتفاكير=وفيه النعاره راسخه تستثيره عجاف السنين الكايده والمعاسير=تصبح في عينه خاضعه في كسيره امصخر العسرات بالهون تصخير=يطرب على خوض الامور الخطيره له عندنا قيمه وحشمه وتقدير=بعيوننا بين النجوم المنيره الشايقي غنابها تالي اعصير=مترك ابن عمره ابحزت سفيره

:
مع تحيات
إدارة مجالس قبيلة العجمان الرسمي

[راكان المحفوظي]

صح لسان الشاعر مترك ال عمره

وابو راكان غني عن التعريف ويستاهل المدح وشهادتي فيه مجروحه

بيض الله وجهك يا مترك على القصيده الجزله

[راكان اليامي]

ابو راكان لو نمدح فيه لين بكره مانوفيه
وصح الله لسان شاعرنا مترك بن عمره وحسين ال البيد
كلام وقصيد اجتمعو في مدح شيخ قروم

[البحار الكبير]

بارك الله فيك على القصيدة الرائعة

كل عام و انتم بخير

[(العقيد)]

صح لسان الشاعر مترك ال عمره
وابن قروش من الرجال الي يستاهلون ذا واكثر

[هادي بن فهاد]

صح لسان الشاعر مترك ال عمره

ابو راكان لو نمدح فيه لين بكره مانوفيه

وصح الله لسان شاعرنا مترك بن عمره وحسين ال البيد

[سمو الرووح]

يستاهل المدح هو ولي مثله من المشاكيل بيض الله وجهه

ولاهنتم يا شاعرنا مترك بن عمره وحسين ال البيد على الشعر الطيب والأداء الجميل


وفقكم اللجميع.

[محمد آل مفرح الضاعني]

صح السانك ابومحمد

وابن قروش يستاهل وعزالله غني عن التعريف

وعزالله شيلة رائعه بصوت حسين ال لبيد .

ودمتم بخير .

[vip-534]

	بارك الله فيك على القصيدة الرائعة كل عام و انتم بخير

[ammer shalash]

[جزاك الله خير

وكل عـــــــــــــــــام وانتم بخير