مجالس العجمان الرسمي

العودة   مجالس العجمان الرسمي > ~*¤ô ws ô¤*~ المجالس الـخـاصـة ~*¤ô ws ô¤*~ > مجلس اللقاءات والانجازات

مجلس اللقاءات والانجازات يعنى هذا المجلس باللقاءات والانجازت التي اجرتها ادارة المنتدى مع الشخصيات البارزة في قبيلة العجمان

رد
 
أدوات الموضوع طرق مشاهدة الموضوع
  #1  
قديم 12-08-2007, 10:51 AM
مجالس العجمان مجالس العجمان غير متصل
 
تاريخ التسجيل: Dec 2004
الدولة: kuwait
المشاركات: 2,229
معدل تقييم المستوى: 10
مجالس العجمان قام بتعطيل التقييم
لقاء مع شيخ الشجاعة والنخوة والكرم .. الشيخ فهد بن قروش

تقدم ادارة مجالس قبيلة العجمان هذا اللقاء مع شيخ الشجاعة والنخوة والكرم ... شيخ قول وفعل شيخ المراجل والطيب ... الشيخ فهد بن عبد الهادي بن قَرْوَش آل خضير ال شامر ( ابو راكان )... جسَّد الشجاعة والكرم والعلوم الطيبة بشخصيته وفعله ، وهذا ليس بكلامي فقط بل بكلام من عاصره وعاشره.. شهد له القاصي والداني من شمال شبه الجزيرة العربية الى جنوبها ومن شرقها الى غربها ، قصد فيه الشعراء كثيرا لما رأوا من فعل الطيب يعجز أن يفعله الكثير الا فهد بن قروش... ولقد فك الكثير من الرقاب وأخرج الكثير من المساجين المعسرين وساعد الكثير من المحتاجين واستحق الشيخه بفعل يمناه ويستاهلها ابو راكان.
وشهد له جميع الشعراء الكبار قاطبة ومنهم الشاعر الكبير رحمه الله راشد بن خر الذيب وشاعر يام علي بن بلال والمسردي وغيرهم كثير...
ولقد جمع ضيفنا جميع القصائد في مؤلف وتجاوزت 400 قصيدة أسماه ( شهود المواقف ).
وهذا الكتاب سيصدر قريبا وفيه قصائد جميع الشعراء الذين عرفوا وعايشوا الشيخ فهد بن قروش عن قرب وجادت قرائحهم بالقصائد الطيبة.
وكان لقاءنا مع الشيخ فهد بن قروش بمناسبة فوزه بالمراكز الاولى في ميزان نوفا لعام 1428هـ .
ونشكر ابو راكان على حسن ضيافته لنا ونترككم مع اللقاء
أخوكم / فالح محمد العمره


الشيخ فهد بن قروش

س1/ في البدايه نرحب فيك يابو راكان في مجالس العجمان ؟

ج/ مرحبا ومسهلا ويسعدني تواجدكم والله يحييكم في اي وقت.

س2/ متى بدأت في اقتناء الابل يابو راكان ؟

ج/ من صغري وانا اعشق الابل واجدادي اهل ابل وانا اقتني الابل اكثر من 30 عام .

س3/ كم عدد الابل الموجوده عندك ؟

ج/ عدد الابل اكثر من 600 ناقه .

س4/ كم رعيه عندك يابو راكان ؟

ج/ عندي 4 رعايا المجاهيم ، الوضح ، الشعل ، الصفر وكل رعيه لحالها.

س5/ انت شاركت في مزاين نوفا الاخير ماهو المركز الذي حزت عليه؟ وهل كان حسب التطلعات؟

ج/ مزاين نوفا الاخير مزاين لا بأس فيه تنظيم ممتاز والامير سلطان بن محمد قدم الشي الذي يفعله وهو كفو ..

لكن اللجنه ما كانت اللي في الخاطر لا على ابن قروش ولا على الناس الاخرين ..

حمد بن منصور الدوسري ظلموه في هذا المزاين وناصر بن قريع الدوسري ظلموه ايضاً وانا ظلموني في هذا المزاين لان بعيري معروف في الخليج انه الاول ولا انا اقول الكلام هذا الجماهير تقوله والجماهير كانت حاضره وعددها فوق 10000 آلاف واللجنه ظلمتنا في هذا المزاين وحنا ملاك الابل اذا ما نعرف اللجنه انها منصفه وعلى حق ما ندخل المزاينات ..
وانا اخذت المركز الثاني في المجاهيم ..

س6/ سمعنا ان بعيرك الذي فاز في المزاين مسيوم بـ 10 مليون ؟

ج/ نعم صحيح شراه مني ناصر بن محمد المسيعيد بـ 10 مليون ودفع 3 مليون عربون وقال 7 مليون ارسلها لك بشيك مصدق وقام الامير عبدالرحمن بن خالد بن مساعد ال سعود ورفض ودفع لـ ناصر المسيعيد 3 مليون وقال البعير يرجع لراعيه ...

ولو ابغى ابيعه بالقيمه هذي او اكثر بعته ..

س7/ هل شاركت يابو راكان في مزاينات اخرى ؟

نعم شاركت في مزاين نوفا الاول قبل ثلاث سنوات واخذت المركز الثاني في الشعل والثالث في المجاهيم وظلموني في هذا المزاين وكان الامير / فهد بن عبدالله بن محمد ال سعود رئيس البحريه موجود في المزاين وهو رجل فاضل وقدوه وفاهم في الابل وصاحب نظر وقالوا له الجماهير ما تطلع من المزاين الا وتعلمنا من الاول قال الامير فهد بن عبدالله الاول في الشعل بعير ابن قروش والاول في المجاهيم بعير ابن قروش وهذي اللجنه ما خلتنا ندافع من دونها وطلع الامير من المزاين ...

س8/ هل تنوي في اقامة مزاين ؟

ج/ نعم ناوي اسوي مزاين باسم ال شامر وهو خاص للمجاهيم فقط وانا انتظر الترخيص من امير المنطقة الشرقيه ..

س9/ هل المزاين محصور على ال شامر والعجمان فقط ؟

ج/ المزاين مفتوح لاهل الخليج كافه ولكنه باسم ال شامر والعجمان..

س10/ اين يقع مكان المزاين بالتحديد ؟

ج/ راح يكون على طريق خريص عند المحطه تحت القصيبيه ..

س11/ هل المزاين راح يكون فردي مثل مزاين نوفا ؟

المزاين راح يكون على 40 ناقة (( جمل )) وليس (( فردي )) ..

س12/ لماذا يابو راكان لم تشارك في مزاين ام رقيبه ؟

لم اشارك بسبب انشغالي ولكن السنه الجايه راح اشارك ان شاء الله ..

س13/ ما هي المشاكل التي تواجه ملاك الابل ؟

ج/ من المشاكل الي تواجه ملاك الابل ارتفاع سعر الاعلاف ويجب ان تدعم الاعلاف ويخفض من سعرها ويجب ان يوفر رعيان لملاك الابل ..



هذا فحل الشيخ فهد بن قروش الشامري الفائز في مزاين نوفا ومسيوم بـ 10 مليون ريال وقابل للزيادة الله يبارك لابو راكان في بعيره.
تحميل

مصوعه بنت بعير الشيخ فهد بن قروش :

تحميل


حواره بنت بعير الشيخ فهد بن قروش:

تحميل



س14/ لاحظنا يابو راكان اثناء اللقاء ان لديك موهبة الشعر فما هي افضل قصيده او اقربها اليك ؟

ج/ اقرب قصيده وافضلها قصيده في صاحب السمو الملكي الامير/ سلمان بن عبدالعزيز ال سعود حفظه الله وسبب القصيده كان احد عيالي مسجون وانا طلبت منه يعفو عنه والامير سلمان الله يطول في عمره عفى عن ولدي واخرجه من السجن وانا كتبت فيه قصيده واقول :


السحاب اللي تزبر من المنشا عصير=ساقها الغربي وعانق مشاريف الجبال
وشكلّت شمس العصر والسحب منظر يثير=يبعث النشوه ويدفن سبابيح الخيال
واستجابت للندى عبر موجات الاثير=واشتغل ريموت فكري على نغمة تعال
وإبتدت شاشاتها تعرض الشي الكثير=والتحكم برمج العذب فيها والجزال
بالحفاوه والمعزه نصيتك يالامير=الشجاع اللي يقدر صناديد الرجال
اعرف انك عزوة تنطح الحد الشطير= ثابت برهانها بحكمه بساحات القتال
ولاغرابه لو يجي من سموك كل خير=يا ولد من عمم الطيب شيّال الثقال
العطايا منك جزلات وتفك الاسير= والشجاعه فيك من حميدات الخصال
من شعايب راس ابو تركي البطن الكبير=الموحد والمكمل ولله الكمال
ساقها من ديرة ال الصباح وجاي سير=همة فوق التصوّر ولا عنده محال
في النهار يقيم والليل يشعبها تغير=مرخي ارسانها يوم ولد اللاش ذال
صبّح المصمك ونوّه على الناس البشير=فيصلي عاد حكمه بمرهبة السلال
وبعدها روضة مهنا قبس فيها السعير=قاد جمع يجعل الشره يمشي بالعدال
والحجاز ارسل عليهم قبل ياتي النذير= والحسا حوّل على الترك في روس الحبال
حوّل الاحلام واقع ونام وهو قرير= واستبد الامن من بعد فوضه وانهزال
وانت حر ما تخلي شرايدها اطير=تلطم الجزلات ماتبغي الصيد الهزال
انت سلمان العروبه وسلمان الشهير=وكل من يعرف سمّوك يصدق ما يقال
انت ابو نجد وابونا وابو الطفل الصغير=وبيض الله وجه ابونا على روس الطوال
حن تحت راية سمّوك على شر وخير=ترخص الارقاب دونك ونفدي بالعيال

بعض القصائد التي قيلت في الشيخ فهد بن قروش

هذه القصيدة قالها الشاعر الكبير راشد بن حسن بن خر الذيب العجمي في الشيخ فهد بن عبد الهادي بن قروش العجمي :

من شلعت النجمه من النوم محروم= لين أدبح المرزم وعيني تراعي
أخذ على ناري ملاحيظ وأقوم= وأشكي لربي ضيقتي وإلتياعي
وهاجوسي اللي بين يقظات وحلوم= وغيري رقد والطرف سهران واعي
وصدري من الضيقات والهم مزحوم=وهبوب تفكيري تصلفق شراعي
وخذيت من وقتي تجاريب وعلوم=من لوعت الدنيا وكثر اجتماعي
واللي وطاني قد وطى كل شغموم=شفق(ن) على شوفة طويل الذراعي
جنسه عديم الوصف من جيلنا اليوم= صنديد صارم صيرمي شجاعي
تلقى رفيقه دايم الدوم محشوم=ولا هو على جاره كثير الفزاعي
يصبر على عجفا ابن عمه عن اللوم= وعن كل هزله نظرته لارتفاعي
والخوف في صدره لك الله معدوم=وان كبرت القالات ماهو رعاعي
سيف(ن) سنين الحد للخصم مسموم= وصدوق وافي لا دعته الدواعي
وجه طليق وطيب الجد ويقوم= في فزعة اللي ينتخيبه بساعي
ياما رسى عند المهمات بعزوم=صلب(ن) كما الصوان يقدح ولاعي
وما يذبح الا كل ناب ومردوم=وله كرمة تملأ العيون الوساعي
هذاك ابو هادي به الطيب معلوم= العلم بان وطيب الذكر شاعي
شيخ(ن) على كسب النواميس مفطوم= بانت وهو توه بسن الرضاعي
لين أكتسبها غصب من خيرة القوم=وأصبح مكان الشيخ فوق الرفاعي
ودرب الرجولة لابلج الوجه مرسوم=واصل حبال العز دون انقطاعي
مسك نصيحة شايب(ن) مات مرحوم=وتوه صغير وصار للطيب داعي
وكل النشاما وقعوا له بالهموم=وقالوا فهد لامن ومرنا يطاعي

وشاعر يام الشاعر الكبير علي بن سعيد بن بلال ال فطيح في مدح الشيخ فهد بن قروش هذه الابيات:
سلام للطيب اللي طيب من طيب مجناه= يا مطيب الطيب يأهل الطيب من طيب المجاني
مثل ابن قروش فهد لعل من يقفاه يفداه= أبو نغيمش جزيل المد في عسر ولياني
من الظفر والكرم والعرف كاملة مزاياه= عمد فنون المراجل واكتمل كل المعاني
وميدحتي له على ما جوبها ماهي مضاهاه= لاني مبالغ ولاني بالكلام مريبحاني
والحر ما هو يبين فعله الا فعل يمناه= والبوم لو جيت ابمجد فيه يعصاني لساني
أبو نغيمش مديح وحن بمفعوله مدحناه= ويشهد عليه الخوي والجار وبعيد العواني
معروف ريف الضيوف الى من أرض البعد تنصاه=هيف الهرافي مذاخير المربين السماني
ويذبح طوال النسانيس الغوالي ذبحة الشاه=ويسكب عليها أوزان السمن من فوق الصياني
صفر الدلال النظيفه دايم بالنار مركاه= صفر(ن) وشقر(ن) تغص بهيلها والزعفراني
يبرا لها مدخن العود ما تنقص وقاياه= يواصل العود الازرق بالدقايق والثواني
في مجلس يبعد الضيقه ويفرح صدر من جاه= وراعيه يضحك حجاجه للبشر قاصي وداني
طبيعته ما يحسب زود ولا نقص دنياه= يبحث خفايا المراجل عارف ان العمر فاني
وعلى رجال الكرم مبداه كن سهيل مبداه= بين النجوم الرقيبه سمي سهيل اليماني
ومن أهل المنصب الحساس له وجه وله جاه= الا غدا الشيخ عن حل المشاكل مروغاني
ويشهد له اللي زبن به عقب ما كثرت قضاياه=مشرد مثل الأجرب من مكان الى مكاني
ثم ارتكا له وشال وزال عنه الحمل وابراه= وخلاه يضحك بنيبانه صفيف والثماني
ما خاب راس مسميه الفهد جابه وسماه= خلف لنا اللي عمر بالمجد عالية المباني
من لابة تقصر العايل الا طالت نواياه= عجمان ترثة هشام عضودنا في كل شاني
وأنا من اللي فعايلهم تنومس في الملاقاه=ترثة وعيل هل الحدان مروين السناني
يا كم جهلنا على العايل ودسنا سير علباه= ما بين همدان وبدود الدوسر وقحطاني
يابو نغيمش عرفنا اللي عملته ثم نشرناه= يا شوق من عودها يشبه لعود الخيزراني
والعنق عنق الفريد اللي رماه العجل واخطاه= والعين عين الوحش لا بان في راس البياني
عديمة أوصاف تهيا لك ولا غيرك تمناه= بنت أبلج يمنع التالي الا اختف الهداني
وأرجو السموحه الا زليت في هرجي ومعناه= والكامل الله ما تكمل شروط المودماني

الشاعر فهد بن حمود المحيشير القحطاني في الشيخ فهد بن قروش:

سيرت مسيار الشرف والكرامه= للطيب اللي من عريبين الانساب
بيت الشعر قدام بيته علامه= ماهوب يجعل له على الباب بواب
كم تاجر وتجارته له ندامه= ولا يزكي غالي المال بنصاب
ما شاف ابن قروش رفيع(ن) مقامه=وبيته مراد للقرابه والاجناب
بلاه والله طيب أبوه وعمامه= وطيب الخوال بزود والطيب غلاب
ما جابو امه من شواطي تهامه= أصله وفصله من حجا راس مرقاب
ما يلحقه من ساس جده ملامه=ولا دنسو مجناه رخوين الاطناب
أول كلامه للضيوف ابتسامه= وآخر كلامه يا هلا فالكم طاب
سعد الرفيق وسعد منهو حزامه= لا جا نهار فيه طالب وطلاب
كريم يمناً زودتها الشهامه= للحيل ذباحن وللمدح كساب
اللي يطيب الفعل زاد احترامه= لطام للعايل وللنار شباب
زعيم قوم يستحق الزعامه= الطيب في طبعه شمل كل الاصحاب
عساه يسلم شوق زاهي وسامه= عذرا يظلل خدها رمش الاهداب
درب الشرف والعز علق وسامه= وتذاكر وفعله طويلين الاشناب
من لابتن لا صار مثل الرغامه= زادت فعايلهم على زيد وذياب
عجمان لا جا الحرب عند الجهامه= كسابت العليا على كل حراب
أثبت وجوده يوم زعزع غرامه= وعوايده كسب الفضايل والاشباب
متعلمن المرجله من فطامه= تقول قاريها بتاريخ وكتاب
اصقه اليا من جاه راعي النمامه= وسمحن للذربين اليماني وعجاب
ذكره ظهر شرق الجزيرة وشامه= وغرب وجنوب له محبين وأحباب
هذا كلام اللي تخير كلامه= والهرج واجد وأحسن الهرج ما طاب

الشاعر محمد بن صقيع القباني السهلي يقول مادحا الشيخ فهد بن قروش:
يا هل الجموس اللي من الحد وطريف= اللي عليهن من غبار العسامي
متعومسين والنواظر تبي الكيف= تنحروا فهد رفيع المقامي
كنه على مشروع بنك التصاريف= وهو الوحيد اللي عليه الكلامي
ومعنز(ن) من راس فدغوش تعريف= ومعرب من طيب خال وأعمامي
ومشرع البيبان للجار والضيف= وكنه جبل هدلان معد الضوامي
تلقا الشحم مركون فوق المناسيف= ورد وصدير مثل وصف الحمامي
وفهد عشير اللي ثمانه مراهيف= وما صار مثله بالكرم بالكمامي
مطنوخ من الاجداد ما له تواصيف= مثل البحر يطمي على كل زامي
من روس ربع ما تجامل على الحيف=نطاحه اللي فوق كبده غوامي
عجمان لا من وقف العلم توقيف= تصادم الطابور لاجا الزحامي
سيوفهم بالراس تاخذ عواليف= تسطي بحد فاللحم والعظامي
كم واحد خلوه عنده المزاغيف= عليه طير الجو رفرف وحامي
وعقاير بالخيل مثل الخواصيف=لجت على العنات ورد كظامي
يوم الجهل وعصور ذيك السواليف=محزمين للقنازع ولامي
يمشون جوساً للمعادي زواحيف= ويرعون بالسرفات عشب الوسامي
وسبورهم بطوال روس المشاريف=ومركيهم بطراف عثو السنامي
تم الجواب اللي من الصدق مازيف=وما قلت فالمطنوخ مالي مرامي
وسجوبها في يمه سهيل والهيف= وغنوا بها في غروب شرقا وشامي

الشاعر الكبير عيد بن هتيل المسعري الدوسري يقول مادحا الشيخ فهد بن قروش:
يعيش من وقف مثل وقفة الزير= مثله وقف بين القبايل وزادي
زعيم قوم وله على الضد تأثير= لا وقفوا له من مواقف عنادي
هو العنيد اللي به الشر والخير= هو الشجيع اللي علومه بعادي
الشيخ ابن قروش عشير المناعير= لاجوه ناصين بيوت ابو هادي
بالمجد يبني له بيوت ومقاصير= بيضاً تلحلح ما غشاها سوادي
يا ما نصاها من ربوع معاسير= الا حداها من ورا العسر حادي
ينصون شيخ(ن) ما يعرف المعاذير= من دونهم ياقف بقو الزنادي
شيخ ومن ربع شيوخ مصاطير= والشيخ ابو راكان زبن العوادي
وقف لعصمان الشوارب على البير= وقفت شجاع دون عزه معادي
هو الحصان اللي يذب الجناثير= يلحق ولا يلحق بعيد المعادي
له فزعة ما طاع فيها مشاوير= والا فزع ماهوب يسمع منادي
شيخ شهر يا جعلها له مسافير= له منزل بين الكواكب ينادي
وما يلحقونه كانزين الدنانير= اللي ذهبهم للفنا والنفادي
اللي بعيد من أهل الطيب والخير= سود الوجيه اللي عليها رمادي
في كل يوم وكل ليل(ن) خطاطير=وحيل(ن) تقلط والمنادي ينادي
عند ابن قروش قلطوا ياهل العير= ياللي تبون الكيف عند ابن هادي
في مجلسه تلقا الدلال المباهير= مبهرات وزودوها قنادي
وطيب(ن) من الطيب يعج الدواوير= يشمه اللي في جناح البلادي
كرامة(ن) لاهل الوجيه المسافير= عند ابن قروش محتظي كل قادي
[/size]

 

التوقيع

 

 
 

التعديل الأخير تم بواسطة : ابومحمد الشامري بتاريخ 09-09-2007 الساعة 11:00 AM.
رد مع اقتباس
  #2  
قديم 12-08-2007, 10:52 AM
مجالس العجمان مجالس العجمان غير متصل
 
تاريخ التسجيل: Dec 2004
الدولة: kuwait
المشاركات: 2,229
معدل تقييم المستوى: 10
مجالس العجمان قام بتعطيل التقييم
رد: لقاء مع شيخ الشجاعة والنخوة والكرم .. الشيخ فهد بن قروش


صور من اللقاء



صورة لضيف اللقاء وفالح العمره في مخيم الشيخ فهد بن قروش في الثمامة حيث كان هناك ثلاث بيوت شعر اثنين منها طولها 60 متر للضيافة والاستقبال والثالث 40 متر وكان لاعداد الولائم.


فالح العمره وضيف اللقاء في منزله في الرياض.


المراقب راكان المحفوظي والشيخ فهد بن قروش




درع شبكة مجالس العجمان المقدم من الرئيس العام فالح العمره الى الشيخ فهد بن قروش بمناسبة فوزه في مزاين نوفا.






قصيدة في الشيخ فهد بن قروش

مع تحيات
ادارة شبكة مجالس العجمان
رد مع اقتباس
  #3  
قديم 12-08-2007, 11:21 AM
ابن الأخيل ابن الأخيل غير متصل
 
تاريخ التسجيل: Aug 2007
المشاركات: 27
معدل تقييم المستوى: 0
ابن الأخيل is on a distinguished road
رد: لقاء مع شيخ الشجاعة والنخوة والكرم .. الشيخ فهد بن قروش


لاهنتوا ياادارة المجالس

ونعم ببن قروش ويستاهل النوماس
رد مع اقتباس
  #4  
قديم 12-08-2007, 12:45 PM
بدر بن زمله بدر بن زمله غير متصل
 
تاريخ التسجيل: Mar 2005
الدولة: kuwait
العمر: 34
المشاركات: 273
معدل تقييم المستوى: 10
بدر بن زمله is on a distinguished road
رد: لقاء مع شيخ الشجاعة والنخوة والكرم .. الشيخ فهد بن قروش

يستاهل بن قروش سيف مجرب مو على العجمان وبس الا على كل القبايل وعلمه غانم


تحياتي


التعديل الأخير تم بواسطة : ابومحمد الشامري بتاريخ 12-08-2007 الساعة 07:22 PM.
رد مع اقتباس
  #5  
قديم 12-08-2007, 12:57 PM
مهرة النسيان مهرة النسيان غير متصل
 
تاريخ التسجيل: Mar 2007
الدولة: قـطـر
المشاركات: 11,282
معدل تقييم المستوى: 19
مهرة النسيان is on a distinguished road
رد: لقاء مع شيخ الشجاعة والنخوة والكرم .. الشيخ فهد بن قروش

لاهنتوا ..

لقاء ممتع مع شيخ الشجاعه والكرم ..

اشكرر الدكتور بو بدر والمراقب بومحمد ..

والف شكر للادارة على بادرتها الطيبة ولقائها باأعيان القبيلة ..

 

التوقيع

 

 
 
رد مع اقتباس
  #6  
قديم 12-08-2007, 06:04 PM
ابومحمد الشامري ابومحمد الشامري غير متصل
ابوحمد الشامري ( سابقا )
 
تاريخ التسجيل: Dec 2004
الدولة: شـبـكـة مـجـالـس العجمـــــان
المشاركات: 19,121
معدل تقييم المستوى: 10
ابومحمد الشامري قام بتعطيل التقييم
رد: لقاء مع شيخ الشجاعة والنخوة والكرم .. الشيخ فهد بن قروش

اشكر جميع الاخوة والاخوات على التعليقات الطيبة وابو راكان يستاهل الناموس وقفاته مع بني عمه ومع جميع ابناء القبائل مشهودة والشيخ فهد بن قروش اشهر من نار على علم.

 

التوقيع

 


تِدفا على جال ضوه بارد إعظامي=والما يسوق بمعاليقي ويرويها
إلى صفا لك زمانك عِل يا ظامي=اشرب قبل لا يحوس الطين صافيها
 
 
رد مع اقتباس
  #7  
قديم 12-08-2007, 06:33 PM
الصورة الرمزية مسفر مبارك
مسفر مبارك مسفر مبارك غير متصل
 
تاريخ التسجيل: Feb 2007
الدولة: United Kingdom
المشاركات: 10,722
معدل تقييم المستوى: 18
مسفر مبارك is on a distinguished road
رد: لقاء مع شيخ الشجاعة والنخوة والكرم .. الشيخ فهد بن قروش

الله يعطيكم الف عافيه جميعا ونشكر ادارة منتدانا الشامخ في اثرائنا بمثل هذه اللقاءات البنائه والله لايهين الدكتور فالح على مجهوده الواضح وتقبلوا كل شكري لكــم

 

التوقيع

 

ياصاحبي مافادنا كثر الأحلام ، واللي في خاطرنا عجزنا نطوله
:
نمشي ورى والوقت يمشي لقـدام ، ضعنا وضيّعنا كلاماً نقولــه
:


::


 
 
رد مع اقتباس
  #8  
قديم 12-08-2007, 09:48 PM
الصورة الرمزية مسعطر
مسعطر مسعطر غير متصل
 
تاريخ التسجيل: Apr 2007
الدولة: صـــــدور الــطـــيـــبـــيــن
العمر: 99
المشاركات: 1,040
معدل تقييم المستوى: 9
مسعطر is on a distinguished road
رد: لقاء مع شيخ الشجاعة والنخوة والكرم .. الشيخ فهد بن قروش


عساه يسلم شـوق زاهـي وسامـه=عذرا يظلل خدها رمـش الاهـداب
درب الشرف والعز علـق وسامـه=وتذاكر وفعلـه طويليـن الاشنـاب
من لابتن لا صـار مثـل الرغامـه=زادت فعايلهم علـى زيـد وذيـاب
(عجمان لا جا الحرب عند الجهامـه=كسابت العليـا علـى كـل حـراب)
أثبت وجوده يـوم زعـزع غرامـه=وعوايده كسب الفضايل والأشبـاب




تلقا الشحم مركون فوق المناسيـف=ورد وصدير مثل وصـف الحمامـي
وفهد عشير اللـي ثمانـه مراهيـف=وما صار مثلـه بالكـرم بالكمامـي
مطنوخ من الاجداد ما له تواصيـف=مثل البحر يطمي علـى كـل زامـي
من روس ربع ما تجامل على الحيف=نطاحه اللـي فـوق كبـده غوامـي
(عجمان لا من وقف العلـم توقيـف=تصـادم الطابـور لاجـا الزحامـي)
سيوفهـم بالـراس تاخـذ عواليـف=تسطـي بحـد فاللحـم والعظـامـي
كم واحد خلـوه عنـده المزاغيـف=عليه طيـر الجـو رفـرف وحامـي
وعقاير بالخيـل مثـل الخواصيـف=لجـت علـى العنـات ورد كظامـي
يوم الجهل وعصور ذيك السواليـف=محزمـيـن للقـنـازع ولامـــي
يمشون جوسـاً للمعـادي زواحيـف=ويرعون بالسرفات عشب الوسامـي
وسبورهم بطوال روس المشاريـف=ومركيهم بطـراف عثـو السنامـي
تم الجواب اللي من الصدق مازيـف=وما قلت فالمطنـوخ مالـي مرامـي
وسجوبها في يمه سهيـل والهيـف=وغنوا بها في غروب شرقا وشامـي
يستاهل ابن قروش و ماعلى وجه محلف ومحمد السهلي زود على مدحهم لابو راكان
و للعجمان.. و أشكرك الأخوان الدكتور فالح و المراقب راكان
المحفوظي على اللقاء المميز و نطمع بالمزيد من اللقائات..

 

التوقيع

 






يكره الصيحات مربي النعم
 
 

التعديل الأخير تم بواسطة : مسعطر بتاريخ 12-08-2007 الساعة 09:52 PM.
رد مع اقتباس
  #9  
قديم 13-08-2007, 12:26 AM
ال خويطر ال خويطر غير متصل
Banned
 
تاريخ التسجيل: Jun 2007
المشاركات: 1
معدل تقييم المستوى: 0
ال خويطر is on a distinguished road
رد: لقاء مع شيخ الشجاعة والنخوة والكرم .. الشيخ فهد بن قروش

عساكم على القوة

رد مع اقتباس
  #10  
قديم 13-08-2007, 01:21 AM
al_king_202 al_king_202 غير متصل
 
تاريخ التسجيل: Mar 2007
المشاركات: 1
معدل تقييم المستوى: 0
al_king_202 is on a distinguished road
رد: لقاء مع شيخ الشجاعة والنخوة والكرم .. الشيخ فهد بن قروش

يزيد فيـني ضـلع ويـشوش راسي++لاشــفت ربعـي بـالفـعايـل مديـحه
عجمي وعيلي مذكري ياام ساسي++جمع الشجاعه لأعتلت كل صيحه

أولا هذي البيتين إهداء لكل من في المنتدى وأعذروني على القصور..

ثانيا أشكركم على اللقاالجميل مع الشيخ فهد ابن قروش وأنشهد أنه كفو ويستاهل المدح ..و أتمنى لكم التوفيق من الله عز وجل فيما يحب ويرضى
مع الشكر

 

التوقيع

 

إِذاْ الـمــرء أفشــى سِـــرُهُ بِلِســانه^^^ولاَمَ علــيْه غيْـرَهُ فــهو أحمـق
إذا ضاق صدر المرء عن سرّ نَفسه^^^فصدر الذي يستودع السّرْ أضيْق
 
 
رد مع اقتباس
رد


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
عجمان ( الرس ) : العلماء وطلبة العلم الجزء 3 ابومحمد الشامري مجلس أنسـاب قبيلة العجمـــــان 25 05-06-2013 07:34 PM
صفحات من حياتي ( قصة حياة الشيخ احمد القطان ) تسجيل صوتي من قناة المجد الفضائية جزء 2 سهيل الجنوب المجلس الإســــلامي 14 24-11-2011 01:30 PM
لقاء مع أم عبدالله زوجة فضيلة الشيخ محمد بن عثيمين رحمه الله ( النايفه) المجلس الإســــلامي 10 20-11-2011 09:42 AM
( أول فتاة سعودية ) تقود السيارة+ صور د.محمداليامي المجلس العــــــام 43 04-09-2009 06:42 PM
الــــــــ الجزء الثاني ـــــــرس ... ليال الحنين مجلس أنسـاب قبيلة العجمـــــان 16 13-02-2009 04:18 AM

 


الوقت في المنتدى حسب توقيت جرينتش +3 الساعة الآن 11:59 PM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع