لــو إن بــالــحــبــشــه عـــجـــمـــيٍ جـــــلاوي ,,؟؟؟؟؟؟

[@ مــتــعــب @]

من الأيام مدري ويش حشنا=على طاري ياقلبي ويش حشنا
أحاسيسي من اللهفه تغني=وحشنا الشعب والقايد وحشنا
سلام الله على رمز القياده=أميرٍ عمر الدار ونعشنا
تعرشنا الدول من كل ديره=لكن من يوم جا محدٍ عرشنا
بسط أفضال جنحانه علينا=مخاليبك عطيبه ياوحشنا
لكن ياسيدي والعلم الآخر=أنا عجمي من العجمان وأشنا
كلامٍ ينتقض قدري فعينك=خرش خبلان الأرض وماخرشنا
خبش الأجناب ماجبنا خبرهم=ولا جبنا خبركم ياحوشنا
لو إن بالحبشه عجميٍ جلاوي=كسر سوق النجاشي ياحبشنا
وانا أمثل قبيله من قبيله=يطفشنا الزمان وماطفشنا
قبل عبدالعزيز وحكم جدك=يوم إنا بدو نقطن في عششنا
مع الحاكم لا قدمنا يدينا=لو تكوش العرب قهرن ماكشنا
وإلى دقت طبول الحرب جينا=قبل ماتغبش الورقا غبشنا
ياكم ليله تعزوينا عرايا=لك الله سترنا خصله كششنا
بدا راكان ابن حثلين فينا=وناش من الفخر بيده ونشنا
وإلى من عنّها والدم فايض=ماكثرنا العلوم ولا ارتبشنا
ولا قلنا ياراكان اذكر الله=وردنا الجم وأروينا عطشنا
ولا نرضى من الحاكم مذله=نبادله العدل وإن طاش طشنا
لو إن بندقه مابين المحاجر=تثور من المعزه مارمشنا
وبنادقنا ما تقدح في خفاها=ومواترنا تصلّح في ورشنا
لكن الوقت ملعون الصلايب=بلشه الله ويدور بلشنا
يعيّرنا وحنا مانعير=رجالٍ ماحسبنا لا بطشنا
على سطح القمر نركز بيارق=وغصبٍ من على الحكام عشنا
وترى عقالنا وسط المجالس=على الشده جسيره ياخبشنا
وسلام الله على رمز القياده=أميرٍ عمر الدار ونعشنا