(( سجـل حـضورك ببيت قصـيدة أو حـكمة ))

[المطنوخة]

فهد العجمي

وعليكم السلام

.
يآرب سآمحني على الكذب يآرب
و آغفرلي ذنوبي على كثر مآ آخطيت
.
.
يآكثر مآ آكتب في قصيدي عن الحب
و آنت تعرفني مآبعد يوم حبيت

[ليــه يازمـــن]

الزمـــــــان أحـــكام والدنيـــــا تــــــدور

[يوران]

يا صاحبي دام العرب عرف وحقوق = ما هدرت حق الحب يا بارقٍ ضـــيّ
لك خاطري ينساق ويجيك مشفوق = لو هو بكيفي ؟ قلت يا خاطري عيّ
ميــــر المحبه .. كايده .. وكلها عوق = ودايم عواقبها ومردودها ســـــيّ
لو حـــــن رعّاد السما ولاحت بروق = وغيم الوله مروي غصون الوصل ريّ
ما شفت عيني بالعـنا ساقها الموق = ولا جيت لك ظامي .. وانا بيدي الميّ

مساءكم انا

[someone]

مانويتك بلجفأأأء بس الضروره.....توجـــب ألنسيأأأأن في بعض الضرووووف

[البندري القحطاني]

يامدور الهين ترى الكايد أحلى
اسأل مغنّـي كايـدات الطـروق
الزين غالي لكن الأزين أغلـى
ولكل شـرايٍ بضاعـة وسـوقِ

[فهـد العجمي]

يارب قوم والدي بالسلامه = واشفه ومتعني بشوفه على خير

[عـسـاه خـيـر]

كل عام وانتم بخير
مبارك عليكم الشهر
فهد العجمي
جعله مايشوف شر , أجر وعافيه
تواجد

[حـــوران]

فهد
الله يقوّم والدك بالسلامه



يابو حمـد خـل امنياتـك جميلـه
( الفقري ) اغلا مالديه ( امنياته )

اللي يعانـي مثلنـا ؟ عزتـي لـه
( حياته ) اكبر مشكله في ( حياته )

[فهـد العجمي]

عساه خير ، حوران

الله يقبل دعاكم ويجزاكم خير


:

يافهيد من جور الزمن شفت ماعفت = واللي مثل شرواي واعزتي له
من جور بقعاء شاب راسي وشيبت = يقطعك ياوقت ٍ قليل ٍ حصيله

[تــــــــــلاب]

صباح الخير و رمضان كريم

ما أتفه الشعر كانه هالحكي اللي نقول =لا تعدى المديح ولا تعدى الغزل
إن لثمت الزهور وصاحبتني الحقول =ماهقيت ان صافي الشهد عيب النحل
مابقى في ضلوعي كود ريح معمول =وثوب شاشٍ عليه من الندامه وحل
ألتفت للطريق وما عبر منه زول =في جفوني تزاحم عبرتي والوجل
طلت يالعمر والا قلعتك لا تطول =طاولتنا الليالي بالسهر والملل
إن تعبنا نحب ولا لقينا قبول =ما تسر الاماني .. ولا يفيد العذل
لكن .. الله كريم وكل همٍ يزول =ما على الله بعيد .. ولا جفاك المحل
كل أرضٍ تشيلك .. يا ثقيل الحمول=وكل وقتٍ كريمٍ بالرضا والزعل