ويــ حــــالــي ـــل > تفضلوا :)

[عبدالله ال مجحود]

السلااام عليكم .. شلونكم يا الربع عقب البطا انشغلت عنكم

ورجعت لكم بهالقصيده .. كانت رد على احدى القصائد موجهه لي

ولكن القصيده مهيب عندي .. الزبده انه معنز علي وانا رديت بهالابيات

واتمنى تعجبكم :

الحبايب عشقهم مع بعدهم خلاني شايب =الصبر عيا يطيقه وادعو ربي كل ما اصلي
ويل حالي ويل حالي كل ما جات الهبايب = كن فؤادي من ضلوعي يبتعد عنها ويولي
يا صحيبي مالك الا هالصبر لا انته بطايب = والصبر كل ما يطوّل.. كل ما دمعك يهلي
الهجر لا جا كذيّا .. دون سبّات وسبايب = خل حبيبك في دروبه وانسى انك قلت : خلي
الظروف اقوى و اقوى من ارادات الحبايب = وكم فؤاد ٍ من ظروفه من عقب عزه يذلي
يا صحيبي لا تدّور لك علاج ولا طبايب = عالسهر الله يعينك والفجر كل ما يطلي
المعزه تمنعك ماتشتكي عند القرايب = واللهايب في ضلوعك لا تسيب ولا تخلي
والهواجس كل لحظه تنهب لعقلك نهايب = خاطرك مهموم ووالله ما هنا شي ٍ يسلي
لين ما يصبح شعورك ذايب ٍ والقلب ذايب = عقبها وضعك طبيعي ولا شعرته عاد قلي
تشعر بغيبة همومك .. تشعر ان الجرح غايب = ومن جديد تحس قلبك انه لدروبه يدلي
المراره ذقتها قبلك بكاسات النكايب = تل قلبي من ضلوعي تلّني واشواقي تلّي
دامني مجرب وهاذي من عظيمات المصايب = ذا كلامي لك هديه وانت له رحّب وهَلّي

وسلااااامتكم ..

[ناثرة الورد]

ويل حالي ويل حالي كل ما جـات الهبايـب
كن فؤادي من ضلوعي يبتعد عنهـا ويولـي

الحمدالله علي السلامه ونور المجلس برجعتك
ولاهنت علي ذا القصيده الجزله من شاعر جزل ويعطيك الف عافيه ....

تقبــــــــل ::
كل الاحترام والتقدير ,,,

[( اموره )]

صح لسانك وعلا شانك قصيده رائعه من كبارر شعراء المنتدى


دائما متميزز باختيارك

لاتحرمنا من جديدك

تقبل مروري

[محمد الغيثاني]

صح الله السانك يا عبدالله ومرحبا بك ملاييييييييييين

[الخليفه]

صح لسانك يابوبندر

وجزاك الله خير يالمبدع

وبارك الله فيك

[عبدالله ال مجحود]

المشاركة الأصلية كتبت بواسطة حياتها خساره

ويل حالي ويل حالي كل ما جـات الهبايـب
كن فؤادي من ضلوعي يبتعد عنهـا ويولـي

الحمدالله علي السلامه ونور المجلس برجعتك
ولاهنت علي ذا القصيده الجزله من شاعر جزل ويعطيك الف عافيه ....

تقبــــــــل ::
كل الاحترام والتقدير ,,,

صح بدنك .. هذا من ذووقك ..

يعطيك العافيه

[عبدالله ال مجحود]

المشاركة الأصلية كتبت بواسطة ( اموره )

صح لسانك وعلا شانك قصيده رائعه من كبارر شعراء المنتدى


دائما متميزز باختيارك

لاتحرمنا من جديدك

تقبل مروري

صح بدنك .. الله يطول لي بعمرك ماتقصرين

مشكووورة اختي ..

[عبدالله ال مجحود]

المشاركة الأصلية كتبت بواسطة محمد الغيثاني

صح الله السانك يا عبدالله ومرحبا بك ملاييييييييييين

والبقا بك يا السنافي .. صح بدنك ولاهنت على مرورك حبيبي

[عبدالله ال مجحود]

المشاركة الأصلية كتبت بواسطة الخليفه

صح لسانك يابوبندر

وجزاك الله خير يالمبدع

وبارك الله فيك

صح بدنك .. ولاهنت يبو خالد على المرور والرد ..

لاعدمتك يا الغالي

[محمد نادر سويد]

الاخ عبدالله صح لسانك

قصيده جزله من شاعر جزل

متمكن حرف ومعنا لاهنت

تحياتي اخوك