الحبايب عشقهم مع بعدهم خلاني شايب =الصبر عيا يطيقه وادعو ربي كل ما اصلي
ويل حالي ويل حالي كل ما جات الهبايب = كن فؤادي من ضلوعي يبتعد عنها ويولي
يا صحيبي مالك الا هالصبر لا انته بطايب = والصبر كل ما يطوّل.. كل ما دمعك يهلي
الهجر لا جا كذيّا .. دون سبّات وسبايب = خل حبيبك في دروبه وانسى انك قلت : خلي
الظروف اقوى و اقوى من ارادات الحبايب = وكم فؤاد ٍ من ظروفه من عقب عزه يذلي
يا صحيبي لا تدّور لك علاج ولا طبايب = عالسهر الله يعينك والفجر كل ما يطلي
المعزه تمنعك ماتشتكي عند القرايب = واللهايب في ضلوعك لا تسيب ولا تخلي
والهواجس كل لحظه تنهب لعقلك نهايب = خاطرك مهموم ووالله ما هنا شي ٍ يسلي
لين ما يصبح شعورك ذايب ٍ والقلب ذايب = عقبها وضعك طبيعي ولا شعرته عاد قلي
تشعر بغيبة همومك .. تشعر ان الجرح غايب = ومن جديد تحس قلبك انه لدروبه يدلي
المراره ذقتها قبلك بكاسات النكايب = تل قلبي من ضلوعي تلّني واشواقي تلّي
دامني مجرب وهاذي من عظيمات المصايب = ذا كلامي لك هديه وانت له رحّب وهَلّي

المشاركة الأصلية كتبت بواسطة حياتها خساره (المشاركة 680600) ويل حالي ويل حالي كل ما جـات الهبايـب كن فؤادي من ضلوعي يبتعد عنهـا ويولـي الحمدالله علي السلامه ونور المجلس برجعتك :) ولاهنت علي ذا القصيده الجزله من شاعر جزل ويعطيك الف عافيه .... تقبــــــــل :: كل الاحترام والتقدير ,,,

المشاركة الأصلية كتبت بواسطة ( اموره ) (المشاركة 680950) صح لسانك وعلا شانك قصيده رائعه من كبارر شعراء المنتدى دائما متميزز باختيارك لاتحرمنا من جديدك تقبل مروري

المشاركة الأصلية كتبت بواسطة محمد الغيثاني (المشاركة 681291) صح الله السانك يا عبدالله ومرحبا بك ملاييييييييييين

المشاركة الأصلية كتبت بواسطة الخليفه (المشاركة 684229) صح لسانك يابوبندر وجزاك الله خير يالمبدع وبارك الله فيك