الساحة اللي تفقد ابن الذيب ماهي ساحة

[علي عبدالرحمن الأسمري]

الساحة اللي تفقد ابن الذيب ماهي ساحة=قلوب شعّاره..وجمهوره..كذا مجروحة
لكنّها وقفة..وتحسب له ركود وراحة=ولابيرضى به شيوخه من شموخ الدوحة
هذا لسان المجتمع..من لابةٍ نطّاحة=للخير والشر..وضميره ما يجامل بوحه
وابن لقطر..في كل سوق..وصاعدٍ بأرباحه=والى نزل غيره..رسى راسه وشامت روحه
جدّيّته في لحظة الموقف كذا تجتاحه=وتموت له نفسٍ تغيْر..وكنّها مذبوحة
والى تمادى في حراكاته..ووقته تاحه=كنّه وهو يلقي قصيده راسمٍ لك لوحة
حلّق سما الابداع بفنونه..ورفّ اجناحه=وارسل حمام القلب..وأطربنا وزوّد نوحه
واحنا جنوب المملكة من يام لين الباحة=معا وجيه القوم نطلب عفوكم وسْموحة
طاح الجمل ونشوفهم تكاثرو ذبّاحه=وإنْ قام كلٍ عوّدت جنبيته مطروحة
وافضالكم جمّة..وعادات العرب سمّاحة=وانتو يا بن ثاني لها..والمخْطِيَة مدموحة

وسلامتكم...

علي بن عبدالرحمن الأسمري

[سقام]

صح لسانك وجعلك سالم ووافي

[مسعطر]

صح لسانك يا ابو عبدالرحمن و الله يبيض وجهك

و الله يفك عوق ابن الذيب


تقديري

[علي عبدالرحمن الأسمري]

سقام
صح بدنك
تشرفت بمرورك الكريم
دمت بخير

[‏جاك العلم]

صح لسانك يا الغالي

[تــــــــــلاب]

صح لسانك يا الاسمري

و الله يخرج ابن الذيب لاجل اهله و عشاقه و متابعينه


صح لسانك والله يلهم شيوخ قطر للعفو يا رب

[علي عبدالرحمن الأسمري]

مسعطر
صح بدنك ياغالي
تشرفت بمرورك العاطر

[علي عبدالرحمن الأسمري]

جاك العلم
صح بدنك ياغالي

[عجمي النسب]

الله الله جزل

[علي عبدالرحمن الأسمري]

تلاب
صح بدنك ياغالي
وكل عام وانت بخير