إلى خالد بن عبدالله الدامر

[محمد بن قيم]

إهداء إلى الشيخ / خالد بن عبدالله الدامر العجمي وأخواني عموم العجمان

قم يا نديبي ترحّل صنع الألماني=رزريز ودلوكس ما يتعبك سكّانه
مع طلعة النور تله قبل الإذاني=وأسحب له الليت قد صكيت بيبانه
وإذا أسفر الصبح لي ذاك المثل باني=سنحٍ يسارك تصلي الفجر بوزانه
ثم أعلق القار تو المشي لك زاني=والظهر وسط الرياض وبين عربانه
قبل العليّا يمينك خذ بحسباني=ملفاك بيتٍ هله تفرح بضيفانه
على دروب الوفا شادوا له أركاني=في واحة المجد شدّوا ساس بنيانه
ملفاك خالد كريمٍ يكرم العاني=ويشيل ضيم الدهر عنك مع أحزانه
أول كلامه هلا وإن جاه ضيفاني=والهيل والعود الأزرق غالي أثمانه
ويجيب من بعد ذا كبشٍ من الضاني=ويبين لك في كلامه صدق صفطانه
تبنى له البيض بأعلى كل ما باني=والجود هو معدنه والطيب نيشانه
خالد رباع المجنى طير حوراني=طيبه من أبيه وأجداده وعمانه
كل الدوامر صناديدٍ وفرساني=رواد في الحرب لما حمي ميدانه
رجال المعارك لمنه ثار دخاني=تغشى الوغى ما تهاب الرد وأكوانه
من منبع الجود من ذربين الأيماني=هم هيكل الجود هم ساسه وعلمانه
أولاد مرزوق فريّسٍ وشجعاني=وهم عزوة اللي يشوش بفعل جدانه
قد لقبوهم هل التاريخ بألماني=والسلة الفارية والرمح وسنانه
هواشم الأصل وأما اللقب عجماني=سعدٍ لمنهم بني عمه وصدقانه
لي جيتهم والصدر مثقل بالأحزاني=سرعان ما ينجلي همك مع أحزانه
سلم عليهم عدد ما هل وداني=وعداد من طاف بين البيت وأركانه
وعداد ما في النفود طعوس كثباني=وعداد ما غرد القمري بألحانه
مهما مدحت أو تغنّينا بالألحاني=ما وصل في حقهم مثقال ميزانه
يا الله عسى ما يجيهم ميل الأزماني=اللابة اللي نباهم عاليٍ شانه
صلوا على المصطفى من نسل عدناني=شفيعنا الهاشمي في يوم حسبانه

الشاعر / محمد بن قيم بن مبارك آل فطيح

[محمد بن ناصر الغفيلي]

أنعم وأكرم بآل دامر فخرٍ لربعهم ويستاهلون الخير
وصح لسانك اخي الغالي وبيض الله وجهك




لي جيتهم والصدر مثقل بالأحزاني
سرعان ماينجلي همك مع احزانه

أنا أشهد .. وعن اذنك بخليه هالبيت هنا لعزيز يقاله خالد بن عبدالمحسن الدامر

[‏سهام المحبه]

صح لسان الفطيحي وانشهد ان الدوامر كفوا ويقضون اللزوم

[تــــــــــلاب]

صح لسانك يا محمد وانشهد ان الدوامر كفوا ويقضون اللزوم

[سعود الضاعني]

صح لسانه ويستاهل المدح

[عساف ال محفوظي العجمي]

ال دامر جميعهم نعتز بتاريخهم كعجمان ولا يستغرب التبر من منبعه ((( الصيت يكفي الى قيل لك دامر اعطيك نبذه بصيته تكفي الحاله ))) وشاعرنا محمد الفطيحي ابيات جميله واهداء لاهل لهاه فانت بالجمله قد ابدعت

[بندر المري]

صح لسانك ويستاهلون الطيب ال دامر

[الحر الاشقر]

صح لسانه ويستاهل المدح

[عجمي النسب]

صح لسانك يا شنب

[تــــــــــلاب]

صح لسانك يامحمد من جديد و لازلنا نترقب قصائدك الاخرى لتروي عطش ذائقتنا بقريحتك

حياك الله