يا كبتن ارجوك للشاعر عبدالرحمن ابالجيش

[العجمي الراسي]

اتمنى ان تحوز على رضى الجميع قصيدة الشاعر عبدالرحمن ابالجيش

ياكابتن أرجوك رجعني على السوده
فقدت شي(ن) مهم وبرجع أجيبه
وأن كان منت معجلني على ألعوده
يمكن أني أرجع لها وأطول ألغيبه
اعروق قلبي ترى ماهيب بموجوده
والقلب موجود لكن ويش أسوي به
ماهو على عهدها الأول ولا عهوده
قلبي وأنا أبخص وأعرفه زين وأدريبه
كمل نشاطه ونبضه كل مجهوده
كني به مغمض(ن) ويون كني به
من شاعرن توها بالمهد مولودة
تومي بقلبي وتأتي به وتقفي به
تلعب على كيفها ماهيب بمنشودة
القلب مابين أصابعها وتومي به
لو كان ماهيب على ذبحي بمحدودة
مرخص لها اللي تسوي به تسوي به
كني لها راهبن في دير شنودة
مملوك لو ي ملكت العز والهيبة
الوصف في زينها مايو صل حدوده
ياليتني شفت شي(ن) من عذاريبه
أن أقبلت مثل مزناً حنت رعـــوده
يرقص لها الورع ويغني لها الشيبة
وأن دبرت مثل شيخن ودع وفوده
ترحيبه أن جأ وأن راح ترحيبـــه
والعمر حفنه من الأيـــــام معدودة
يمر مثل البصر محدن بيد ريبه


الشاعر / عبد الرحمن أبالجيش

[SIZE[/B]="6"][/SIZE]

[ناثرة الورد]

{{ العجمي الراسـي }}

/
\
/

مشكور على هالقصيــده الرائـ ع ـه

الله يـ ع ـطيك الـ ع ـافيه

وعساك على القوه

ننتظر جديدك المميز

/
\
/

كل التحـــيهـ

[العجمي الراسي]

ناثرة الورد مشكوره على المرور
تقبلي تحياتي
الراسي

[@صدى الاهات@]

كني لها راهبن في دير شنودة
مملوك لو ي ملكت العز والهيبة
الوصف في زينها مايو صل حدوده
ياليتني شفت شي(ن) من عذاريبه
أن أقبلت مثل مزناً حنت رعـــوده
يرقص لها الورع ويغني لها الشيبة
وأن دبرت مثل شيخن ودع وفوده
ترحيبه أن جأ وأن راح ترحيبـــه
والعمر حفنه من الأيـــــام معدودة
يمر مثل البصر محدن بيد ريبه



الاخ عجمي الراسي


لاهنت على ذا الاختيار وصح الله اللسان شاعرها ابا الجيش


تقبل مني خالص التحيه:

[ابوعبدالرحمـن]

العجمي الراسي
إختيار موفق ؛ لاهنت

[ليــه يازمـــن]

مشكور وقصيده جميله

الله يعطيك العافيه ماقصرت

تقبل تحياتي

[بنت عز ومعزه]

لباااااااااااااااااا القصيد الزين من شاعرن جزل
من شاعرن توها بالمهد مولودة
تومي بقلبي وتأتي به وتقفي به
تلعب على كيفها ماهيب بمنشودة
القلب مابين أصابعها وتومي به
لو كان ماهيب على ذبحي بمحدودة
مرخص لها اللي تسوي به تسوي به

صح لسان الشاعر عبدالرحمن اباالجيش
ولاهنت اخوي العجمي الراسي
على تقديمك لنا هذه القصيده والتي اشبهها بالاحجار الكريمه

تقبل مروري

بنت عز ومعزه