.. ( الـرحـلـه الـثـانـيـة مـع .. الـكـابـتـن .. الـشـاعـر .. خالد وبس ) ..

[خالد بن رمثان]

يا حبيبي يا معيشني الغرام الناهي=والله إن كني عليك أموت ساعه و أحيا ...
العلاقه ناهيه والحب فينا ناهي=ماينافسنا الغرام إلا لميس و يحيى ...

[خالد بن رمثان]

ما جيت ادوّر مع هل الذود .. ناقه
ولا جيت ادرهم درهمه .. كني بعير
اعذب مفاهيـم الغـلا والصداقـه
احساسي اني غير .. وانك بعد غيـر
الحب سره .. فـي مـرارة مذاقـه
واثقل على قلب المولع .. من النيـر
لو ان عندي للمشاريـه .. طاقـه
يمديني من العالـم .. معيّـنٍ خيـر
شفني هنا بين البحـر واصطفاقـه
اقـاوم امواجـه واردّ البوابـيـر
امـا علاقـه مـا بعدهـا علاقـه
والا اعتبرني واحد .. من الجماهير..!

[خالد بن رمثان]

و اللي صوته حلو يغنيها بعد




الا يا الهبـوب اللـي مـن البـارح .. تهبّيـن
على صدر من شال الغـلا .. داخـل اعماقـه
جذبتي معك من ريحة الزيـن .. ريـحٍ زيـن
غـلاه .. وعطوراتـه .. وحنّـاه .. واشواقـه
امانه معك .. هبي علي .. والعـرب ممسيـن
انا العاشق اللـيّ .. غلّـف العشـق .. خفاقـه
وانا الهايم .. اللي يستحي .. من دموع العيـن
لو انّـه حزيـن .. تشوفـه .. بقمـة اخلاقـه
يا روح الشعور .. ونظرة عيونـي .. الثنتيـن
يا سحر الجنوب .. وغيمه .. ونـوض براقـه
ما جيتك عبث .. من شان .. ابي اكسر الروتين
لا والله .. ابـي تفسيـر حلمـي .. وحقّـاقـه
لو انيّ سوات الناس .. والعب علـى الحبليـن
ما جيت اكشف اوراقي .. من البـاب للطاقـه
ولو اني معك .. عايش .. على الظن والتخمين
مـا قدّمـت مـن ورد المشاعـر .. ولا باقـه
كسرت الشموخ .. الليّ اماريبه .. مـن سنيـن
وهزيت غصن الشـوق .. وانهـارت اوراقـه
وانا من بقايـا عـز .. راكـان بـن حثليـن
احبـه .. واتابـع سيرتـه .. ضمـن عشاقـه
عشقتـه مـن ايـام الطفولـه .. ليـا ذالحيـن
لو انْ مالـي عنـده .. لا بعيـرٍ .. ولا ناقـه!

[فلاح بن ملبز]

تــــم الـوصــــــــــــول


على خطوط مجالس الجويه


لقد أستمتعنا في هذي الرحله


ولكن لابد لكل رحله نهايه


وكانت رحلتنا الثانية مع الشاعر الجزل المبدع المتألق / خالد وبس


ولقد كانت رحله ومتابعه رائعه من أعضاء هذا الصرح الجميل ،


ونعدكم برحله جديده مع شاعر آخر


أخيكم ومغليكم



فلاح بن ملبز

[هادي بن فهاد]

بالتوفيق انشالله للاخ خالــد وبس