بدون مجاملة

[ابومحمد؟؟؟]

يالغالي يالي عليك الشوق يدفعني = ياكبر شوقي وروحي منك ملهوفه
تبي الصراحه بدون مجامله يعني =مشاعري منك مجروحه ومكشوفه
انت يحقلك تطعني وتوجعني= لاكن انا من غلب حبه على خوفه
وانا ترلي على حبك يشجعني= وقت مضى في خيلي دايم اشوفه
ارجع الحب والذكرى تراجعني= واقرا سجل الغلا واقبل احروفه
واخاطب الصبر بالحسنى ويخدعني= واقول ليتة قضى واشوف معروفه
الصبر ياغايتي معاد ينفعني= بعداصبحت رحلتي ماهي مخلوفه
وش ينفع الصبر كان الوقت ضيعني= واخطيت من يطعن الخفاق بسيوفه

( عسى ان تعجبكم هذي اول مره اشارك في قصيدة وماعرفة اشلون اسجلها - هذي القصيدة مع الاسف لااعرف من شاعرها )

[ابومحمد؟؟؟]

ارجو من الاخوان المشرفين تصحيح الاخطاء المطبعيه والتنسيق مع خالص الشكر والامتنان . ومنى يعرف شاعرها يفيدنا والسلام ختام .

[عبدالله آل عامر]

يالغالي اللي عليك الشـوق يدفعنـي=ياكبر شوقي وروحي منك ملهوفـة

تبي الصراحة بدون مجاملة يعنـي=مشاعري منك مجروحة ومكسوفة

أنته يحق إلك تطعنـي وتوجعنـي=لكن أنا من غلب حبه على خوفـه

وأنا ترى اللي على حبك يشجعنـي=وقتٍ مضى في خيالي دايم أشوفـه

أراجع الحب والذكـرى تراجعنـي=وأقرأ سجل الغلا وأقبّل حروفـه

وأستقبل الطيف والرؤيا توادعنـي=تلحق على الركب في مسراه وتطوفه

وأخاطب الصبر بالحسنا ويخدعني=وأقول ليته قضى وأشوف معروفـه

الصبر ياغايتـي ماعـاد ينفعنـي=عقب أصبحت لحيتي ماهي بمخلوفة

وش ينفع الصبر كان الوقت ضيعني؟=وأخطيت من يطعن الخفـّاق بسيوفه

:
لاهنت يابومحمد؟؟؟ وصح لسان الشاعر الكبير حبيّب العازمي على هذه القصيدة الرائعة
:
تقبل مروري
:

[ابومحمد؟؟؟]

مشكور اخ عبدالله ال عامر على المعلومة ولاهنت

[الغروب]

ابومحمد

تسلم على الاختيار الموفق وصح لسان شاعرها

كل التقدير

[تــــــــــلاب]

صح لسانك على القصيدة الجزلة اخوي ابومحمد؟؟؟ و صح لسان الشاعر حبيب العازمي
ولاهانو الاخوان على التعديل... تقبل تحياتي

[" مــــابه جديــــد "]

لاهنت يابو محمد بدعت فالذوق ولاهانو الاخوان الي عقبك وصح لسان شاعرها


سلام عليكم

[ابومحمد؟؟؟]

مشكورين على الردود الله لايهينكم وسامحون كان في اقصور هذي اول مره اشارك