مقتطفات من اشعار ابو منصور..

[بنت السلاطين..؟؟]

بسم الله الرحمن الرحيم ..


انا ماابي اطول عليكم هذي قصايد للشاعر الكبير والرائع ..بشهادة تاريخه العظيم في الشعر ..من مقتطفاتي اخترت لكم هذه القصائد من ذاقتي

اتمنى ان تعجبكم اترككم مع القصائد,,


هبايب نجد

ذعذعي ياهبايب نجد لاطاب نوم السالي
وانعشيني بريح من ربى نجد للشرقيه

رحمة الله نسناسك على غترتي وعقالي
كأنه الوصل والبيد شهباء والدير محميه

مرحبا ياهبايب ياهلا وانخطر في بالي
صاحب ٍ مانساني مرحبا بابه على طاريه

يحسبني نسيته وانجلى همي وغربالي
واثرني مانسيت الي سبأ بالهوى عانيه

وكل ماهب نسناس الغلا من ديار الغالي
هب في القلب من ريح الصبا عبرة نجديه

وانجحدت الدموع من الملأ آه وعزالي
وان غشتني دموعي نعنب الحب والحنيه

والله اني صبور والبلاء ياصرايم حالي
لاتذكرت دمع ماغبا لو جحدت راعيه

واحدماجحد حبه ولا شمت العذالي
جاهر بالغلا حلوالنبأ من صفاة النيه

كان ماله سوى تاج الحلا واسم جد وخالي
وصار بلقيس وفي وادي سبأ والحشى واديه

وله جموع تنادي بالولاء من تخدته والي
وله خفوق حماه من الظماء واحرمه وسميه

ولي عيون تحدى وتخلى من كراه حالي
كأنه تقول للنوم تهبا منت كفؤ ليه

غلق الصبر والصدر امتلاء بالغلا وامالي
شتتها رياح الاقرباء والسنين معيه

علتي علتي والمبتلاء لاجفاه البالي
ماله الا حصانه لو كباه في نهاره

سامح الله خبلي لو سلا عن ربيع وصالي
وسامح الله قلبي يوم اباء يندفن في حيه

ووسامح الله هبوب بالغلا من ديار الغالي
ذعذعت لين ذعذعت الصبا عبرة نجديه



القصيده استماع
http://www.dwaihi.com/poem/36dhidan31.ram

القصيده تحميل
http://www.dwaihi.com/poem/36dhidan31.ra

---

البارحه

البارحه راسي تصافق طواريه
والنوم ماله يمة العين حروه

يلعب راسي صوت صلف المشاريه
ذيب عوى يبغى عشى امه الجروه

وانا على الدنيا من الهاه للهيه
ماهمني شهرة ولا جمع ثروه

همي وغمي واحد يوم القيه
كني عليل وشوفته محو قروه

تل قلبي في الهوى من عروايه
رشاد الون ثلاثين عروه

يتله الي حامي القيض حاديه
يسقيه هبل مارعاه كروه

عشر شريده كثرها من غواليه
اقفن كما يقفى مع الجمع مروه

والي يبقى عشر وصاته من ابيه
من دونه لو يصيح الصدر ثروه

قلته وكلي ماء ينضح بما فيه
وفي العمر يوم لو يبلغ العز ذروه

واليوم هذا يا اوله وين تاليه
والنوم ماله يمة العين حروه


القصيده استماع
http://www.dwaihi.com/poem/36dhidan20.ram

القصيده تحميل
http://www.dwaihi.com/poem/36dhidan20.ra



ااتمنى ان تحوز على اعجابكم..
بنت السلاطين..؟؟

[الغروب]

مبنت السلاطين

مشكورة على هالمقتطفات الجميله

تقبلي مروري

[بنت السلاطين..؟؟]

شاكره مرورك خيتووو...

[تــــــــــلاب]

علتي علتي والمبتلاء لاجفاه البالي
ماله الا حصانه لو كباه في نهاره
و الصحيح
(لو كبا في نهار الهية ..)
الله الله الله ابو منصور شاعر جزل و عملاق مهما ابتعد عن الساحة الشعرية ..
لاهنتي يا بنت السلاطين على القصيد و الروابط .. تقبلي تحياتي ..

[بنت السلاطين..؟؟]

المشاركة الأصلية كتبت بواسطة تــــــــــلاب

علتي علتي والمبتلاء لاجفاه البالي
ماله الا حصانه لو كباه في نهاره
و الصحيح
(لو كبا في نهار الهية ..)
الله الله الله ابو منصور شاعر جزل و عملاق مهما ابتعد عن الساحة الشعرية ..
لاهنتي يا بنت السلاطين على القصيد و الروابط .. تقبلي تحياتي ..

تسلم الايادي خيوووو شاكره لك تصحيحك>> هذا دليل على تركك في متصفحي بصمه متواضعه انك من من هم يقراون لكي يزيد من رصيد ثقافته الشعريه,,وليس لكي تزيد رصيد نقاط مشاركتك ..من كل قلبي سلمت يا الغلا..
دمت بود..

[&آهــــات الحــــزن&]

يــــــــعطيك العاااااااااافيه بنت الســـــلاااااااااااااطين

ولاهــــــنتي على هــــــالمقتطفــاااااااات الجــــميله