في شـاعر الملـيون اذهلـنا الجـمع..*..في (نسبتً) ما شاهـدتها عيـوني

[بن دارم التميمي]

السلام عليكم ورحمة الله وبركاته

ما عاد فيها شاعرً فرعوني=بحظور شاعر لابته كالكوني
هامة مضر شعّارها بأشعارهم=لو هم على الساحه فقط يكفوني
اهل البيارق والبيارق كارنا=بطعون تاتي او بدون طعوني
وفي شاعر المليون اذهلنا الجمع=في نسبتً ما شاهدتها عيوني
فيها من الرهبه وفيها مجد قوم=متعليً ما قد هفا بالدوني
لا يا تميم استبشرو في شاعرً=قادم كطوفانً سبقه سكوني
متسندً بالله ثم هامة مضر =وواصل وما عود وهو مغبوني
والناقه اللي درهمت ما همته=حنا عقرناها قبل يعدوني
وان كان فيها تحالفتً ضدنا=حنا هل الفزعات منذ قروني
ولو صفو صفوفن ما يحصى عدها=صفوفنا قد طافت المليوني
بالمختصر ما فيه والله قدنا=واترك مهابيل العرب يحكوني

[/align]


الشاعر سليمان الراسي التميمي
’’

[الاحرش]

لاهنت


على النقل الجميل وبيض الله وجهك

[مسعطر]

بن دارم التميمي ..

صح لسااانك و لسااان الشاعر ,..

و يستاااااهل الفوز الشبرمي شاعر اثبت وجوده و قوة نصوصه ..



ولكن !!

ما عاد فيهـا شاعـرً فرعونـي=بحظور شاعـر لابتـه كالكونـي

^
^
هل إذا فاز شاعر بالمليون ,,, ينعدم وجود شعراء غيره !!!

لاتعليق !!!




تقبل مروري ,,
أستودعك الله ,,

[بن دارم التميمي]

مرحبا

الاحرش ولا انت وجهك ابيض

مسعطر

انا اوافقك الراي

لاهنت

وبيض الله وجيهكم

[@صدى الاهات@]

تسلم ولاهنت على ذا النقل الرائع ويستاهل الشبرمي

تقبل مني خالص التحيه

[فلاح بن ملبز]

صح لسانك

ولاهنت

[الفرس]

صح لسان التميمي ..

ويستاهل الشبرمي ..

[بن دارم التميمي]

مرحبا بكم

بيض الله وجيهكم

[سعيّد ابوجعشه]

لاهنت


على النقل الجميل وبيض الله وجهك