تصميم شركة سبيس زوون للأستضافة و التصميم و حلول الويب و دعم المواقع

عبدالله ال مجحود · #1 19-08-2007, 09:33 PM

لو انّ قلبي ما زال َ موجوداً لكانَ ثمّة املٌ كي تعودي إليه ,, ولكن ّ القلب ارتحل .. ولم

يبقى سوى الذكريات ِ والانين .. وكلاهما لا يريدك لانك ِ كنت ِ السبب في رحيل القلب

الماضي اللي قد تهاجرت وياه = ماقد طرى انه علي تالي يعود
ياما تسامرنا على الويل والآه = نبكي على قلب ٍ من الحب مفقود
قلب ٍ توفى وسط صدري وعزاه = بين الحنايا اندفن مابه لحود
قلب ٍ توفى ما كشف عن خفاياه = اقفى وهو ساكت ولا باحت سدود
قلب ٍ توفى والطعن في زواياه =انهارت اركانه وثم صار مهدود
يرجع لي الماضي وانا اقول مبغاه = بعيش بالحاضر لو الوقت محدود
ياللي قتلتي القلب تدرين وش جاه = لا تدّوري قلبي وهو موب موجود
زايف ودادك يوم بانت نواياه = هاجم على قلبي بلا سلاح وجنود
هاجم فؤادي بالغدر ثم تبلاه =يوم الهوى بالقلب كل لحظه يزود
ياما بغى قربك وياما تمناه = حتى اسرتي القلب بحبال وقيود
حتى بعذابك قد غدت به مخاواه = يوم استلذ الويل ويقول لك زُود
ياما تعذب من وداد ٍ ترجاه =لين المدامع جرّحت سطح الخدود
سحايب عيوني ورمش المعاناه =كان المطر دمعي وشهقاتي رعود
تروي الوله والشوق ترديد ويلاه =واسقت جفوني بالسهر طيلة السود
اسعد صُدف عمري من الحب مأساه =جُدتي بـ آهي والمآسي لها جود
روحي على دربك ولو طال ممشاك = في غيبتك راحه بك البعد محمود
ماعدت تعنيني وهالبعد باقواه = من بعد ما شفته ترا العزم معقود
مدامك الجاني وللحزن مجناه = وش يجعلك ترجع علي تالي تعود
لا لا تعودي ما بقى شي تلقاه = مشاعري بحداد والباب مسدود
لاتسهرين الليل نومي بظلماه = ولاتذرفي دمعك مع نغمة العود
منّي وعد بنساك والحب بنساه = ولا تقولي لي مواثيق وعهود
قلبي سبب عهدك توفى بدنياه = ويومه توفى بالامل كان موعود
عودي لصفحات المآسي وذكراه =والله يعظّم اجرك بقلب عبود
ترحمي للقلب مابي مواساه = والله يصبرني لو الصبر بحدود
عيشي حياتك وافرحي بلا مبالاه = ولا تذكريني ما مضى كان مشهود