قصيدتي التي تفاعل معها سيدي الامير احمد , بوجود العجمان

[فهد بن حنس]

هذه القصيده قلتها بناء على طلب بعض شيوخ القبيله واعيانها في حدث حصل لها قصه طويله وتشرفت في نفس الوقت ان القيتها في مناسبه خاااصه جدا امام سيدي الامير احمدبن عبد العزيز وابنه الامير فيصل
وقد سبقت من خلالها لاالاعلام الديني والارشادي من التحذير من الفئات الضاله ولن انسى تفاعل سمو الامير معي حفظه الله وكان بصحبته في تلك المناسبه مرافقي سموه المقربين والخاصين من قبيله العجمان ( آل جمعه )
وبما اني في منتدى العجمان الكرام اشرت لهذه الجزئيه

على وضح النقا. صغت القصيد وشرفوني به = وهجوسي بالمحافل والمواقف مانشح بها
نصوغ القاف من قاصي صميم القلب ونجيبه= وعلى صفحة شرف ربعي هل العادات نكتبها
تجمعنا على عز وعلى قدر وعلى هيبه = وعلى كار وعلى شار وعلى دار نعيش بها
وقبيلتنا عتيبه ياهل الميقاف ..... ياعتيبه = ياحي اسم ينومس ساير اللابه ويطربها
وان مانلام في مدح القبيله يوم اماريبه = اماريبه واجاريبه هل الزوده وازيد ابها
عسى من لامني في ....حبها ماينفعه صيبه = خسيتي يارجال حزت الوقفه تجنبها
ولا يامرحبا في مرحبا مليار ترحيبه = انيابه عن شباب اعتيبه الهيلا وشايبها
ارحب بالملوك اللي حموا نجد وحموا طيبه = حموها واحتموها وامنوها من مصايبها
املوك تدرك الطولات والماجوب تحريبه = املوك بيضوا وجه العرب من طيب مذهبها
املوك منهج القران تحكم به وتمشي به = املوك مقتضى سنة محمد تستعز ابها
املوك في البلد نصبح ببيرقهم ونمسي به = املوك من غلاهم نرخص الانفس ونجلبها
املوك حبهم في القلب ياحلوه وياطيبه = املوك ودهم بالروح شاربنا وشاربها
املوك عدوا بسمعة بلدنا في مراقيبه =املوك في لحها الطايلات وفي شواربها
نحبك ياملوك الدين ياقادة مواجيبه = نحبك وا لمحبه بالضماير مانقلبها
نحب الدار وأهل الدار واللي بار ياعيبه =حذاري من هل التنظيم !!! وانحش لا تقربها !!!!!!! !!!!!!!
ترى من لا حما في موطنه يالبيض ردي به = هذا وقت الحمايا ياهل العاده ومطلبها
وترى والله لو درنا بعالمنا واجانيبه = فلا نلقا مثل حكام موطنا نطول ابها
وترى حب الوطن واجب على الشبان والشيبه = وأنا من لابة طاعة ولي الامر واجبها
وترى حب الوطن عز وترى غدر الوطن خيبه = وغدرها التاجر !! اللي يركب الفتنه ويشعبها !!!!!!!!!!!
يحسب الدين قتل النفس هرجه يوم يهذيبه ! = وهو في جوف غارن مايحسب وش عواقبها
يشب النار واهل الدار هذا العار تدريبه = يلاعب في عواطف سائر الامه ويندبها
وراء ماشبها في (تل ابيب ) وفي تلابيبه = اليا كانت شجاعة راعي العوجاء يحس بها
يقول المصطفى باخر زمان الناس تغريبه = وترى هذي هي الفتنه عسى ربي يغيبها
وعسى ربي يحفظ الدين ويصفي مشاريبه = وعسى الله يحفظه من دبرة الاشرار وأخطبها
يقوله من يحكم القاف من فيضه ومن جيبه = وليا مدوا له اليمنى النشاما مايعقبها

اخوكم فهد بن حنس العتيبي

[عبدالله آل عامر]

ولا يامرحـبـا فــي مـرحـبـا مـلـيـار ترحـيـبـه = انيابـه عــن شـبـاب اعتيـبـه الهـيـلا وشايبـهـا
ارحـب بالملـوك اللـي حمـوا نجـد وحـمـوا طيـبـه = حمـوهـا واحتمـوهـا وامنـوهـا مــن مصايـبـهـا
امـلـوك تــدرك الـطـولات والمـاجـوب تحـريـبـه = املـوك بيضـوا وجـه العـرب مـن طـيـب مذهبـهـا
املـوك منهـج القـران تحـكـم بــه وتمـشـي بــه = امـلـوك مقتـضـى سـنـة محـمـد تستـعـز ابـهـا

صح لسانك وبيض الله وجهك يالعتيبي على القصيدة الجزلة ويستاهلون حكام الجزيرة
تقبل تحياتي واحترامي؛؛؛؛؛؛؛؛؛؛؛

[فهد بن حنس]

الاخ الكريم العزيز عبد الله ال عامر
ووجهك ابيض ,, وذوقك اجمل
والقصيده مني وتخص كل محب لمعزيبنا الكرام

اخوك فهد العتيبي

[فهد بن محسن]

يامرحبا يافهد بن حنس

وصح الله لسانك ولا هنت على هذه الرائعه


تحياتي لك

[بندر العجمي]

صح الله لسانك

واعتلا شانك

وافي يالوافي

والله لايشينك يافهد