يكفي تحملت الشقى وافراح قلبـي صمتهـا=يكفي بكيـت لحبهـا والهـم عيـا ينجلـي
قولـوا لهـا ماهمتهـا لا والله الا همتهـا=لعيونها حتى دموعي مـن غلاهـا تنزلـي
ان نامت بعيني ثواني كـل ابويـه نمتهـا=النومه اللي ماتعـرف الشافعـي والحنبلـي
وان قامت بعيني ثواني كـل ابويـه قمتهـا=القومه اللي تحتويني وامتلـي منهـا ملـي
هذيـك بسـم الله عليهـا كـل ماكلمتـهـا=اذوب انا لعيونها من جبهتي ليـن اسفلـي
وش عاد لامن علمتنـي شـي ماعلمتهـا=يفوح صدري فوحة الدلـه ويقلانـي قلـي
المشكله ماهيب كلمـه بالهـوى خاصمتهـا=المشكله لاجيت اسولف واستحيـت اكملـي
ضحكاتهـا قاومتهـا كـذاب ماقاومتـهـا=وشلون اقاوم والهوى يغلي وسط قلبي غلي
اكذب وانا حتـى مفاتيحـي لهـا سلمتهـا=مادامها تملك عروش الحسن مدري تنقلـي
ياظلهـا يافرحتـك لامــرت ولازمتـهـا=يحق لك من قربها حتى الشنب لـه تفتلـي
غيرك تمنى بحرها ياللـي بقربـك عمتهـا=لا واهني من تعشقه ياظلهـا لـو تجفلـي
لبى محاجـر عينهـا والله يقطـع صمتهـا=اللي تركني للبكى والنـار فينـي تصطلـي
احبها واموت فيهـا مااذكـر انـي لمتهـا=وان لمتها يقلعنـي الله والله الوالـي ولـي
احبها وان بعتهـا للنـاس يعنـي سمتهـا=مانيب انا احمد والله اني لااعتبر نفسي طلي
ماغيرها اللي قبل روحـي للهنـا قدمتهـا=يالله عساها من نصيبي والوعد في منزلـي
وسلامتكم
تقبلو خالص تحياتي وتقديري
اخوكم / احمد الحربي