عهدنا من يام وهشام وعجيم ووعيل

[البركان الثائر]

الاخ فهد بن محسن
لا هنت يا القرم وبيض الله وجهك

[البركان الثائر]

الرجاء تعديل هذا اضافة( الحكم)
التطوّر بان فيها عسي عمـرك طويـل
وقبل من قصـرالحكم ليـن أبـو مخروقهـا

[ضيدان بن مترك]

السلام عليكم ورحمة الله وبركاته

صح لسانك واعتلا شانك ولاهنت على كتابة هذه الرائعه يالبركان الثائر...

[ عهدنا من يام وهشام وعجيم ووعيل ]

--------------------------------------------------------------------------------

قصيده في صاحب السمو الملكي الأمير سلمان بن عبدالعزيز.هداج تيماْ
حفظه الله امييييييين.............




الحيا والوسم والخير في مقـدم سهيـل
شمس نجد اليوم بيّن شعـاع شروقهـا
أشرقت شمس الجزيره بعد ستيـن ليـل
والسحايب مع قدومـه تلـوح بروقهـا
ما علي رب المخاليق شئ(ن)مستحيـل
والقبايل مـن مطرهـا تبـل عروقهـا
وسم يلقي راعي الذود في الفيضه مقيـل
والزبيدي فـي طرفهـا وري رقروقهـا
سيدي سلمان يا الليث يا الحـر الأصيـل
ظل شعب المملكـة كلّهـا مـن فوقهـا
والقبايل والنعم مـا بهـم واحـد ذليـل
طيبـات افعالهـا وطيب(ن)منطوقـهـا
سيدي لامن تبرّي عميل(ن)مـن عميـل
سيـدي حنّـا لهـا والعمـار نسوقهـا
دام حكم الشرع يقضي مع السيف الصقيل
عزّكـم والحنظليلـه تمـوت عروقهـا
بيض الله وجه من هوّن الحمـل الثقيـل
ما نقص الأجـواد مقدارهـا وحقوقهـا
أنتم أهل الحكم والجود والقـدر الجليـل
والأمانـه مالهـا ألا صـدر صندوقهـا
وأنتم أهل الحلم والعرف كلّـه والجميـل
ترفع البيضاء لمثلـك علـي شاهوقهـا
وأنت يا سلمان مالك مع العالـم مثيـل
والقصايد فيـك يفخـر بهـا طاروقهـا
وأنت غيث(ن)للجزيـره وطب(ن)للعليـل
وكم شعوب(ن)من يمينك تبـل حلوقهـا
كل وادي مـن هماليـل همالـه يسيـل
لين يصفق في محيط البحـر صافوقهـا
وأنت يا سلمان للكـود والكايـد تشيـل
وأنت حاكم نجد منـك العـدل فاروقهـا
طال صبر طويق يا أمير والليل الطويـل
ونجد ترسل مع نسيم الهبايـب شوقهـا
أنـت بعـد الله للـدار والعالـم وكيـل
فوق روس أهل الكرم من جميلك طوقها
أشقر(ن)لا هد للجـول صيّـاد الجزيـل
لأقبلـت نطّاحهـا ولأدبـرت لا حوقهـا
وأنت قصرك للمسايير مـا يبغـي دليـل
كل طرق(ن)تاصله ما تضيـع طروقهـا
صاحب الحاجه يدلّه مـع عابـر سبيـل
وكم نفوس(ن)فكّهـا الله مـن معتوقهـا
المعادي مـن يديّنـك يـذوق الحنظليـل
وأنت للصاحب عـذوق النخيـل يذوقهـا
وأنت حلال الصعيبات يـا الظـل الظليـل
وكم كبود(ن) راح يا أبو فهـد حاروقهـا
والرياض اليوم يا سيـدي ورد ونخيـل
روضة(ن)يـزوم نوارهـا وزملوقـهـا
التطوّر بان فيها عسي عمـرك طويـل
وقبل من قصـر ليـن أبـو مخروقهـا
وعهدنا من يام وهشام وعجيم ووعيـل
حافظينه لـو تفـك الصقـور اسبوقهـا
دون دين الله ودون الوطن لا مـا نميـل
أن رقص شيطانها وأن وقـف زاروقهـا
ننطح الهيجاء وحنّا هل اليـوم المهيـل
والقلـوب الخايفـه ينقطـع معلوقـهـا
وأنت زيزوم الشجاعه ليّا هـاب الذليـل
عشقتك والمرجلهـا سيـدي معشوقهـا
حاتميّ الكف يـا أميـر يفـداك البخيـل
ويخزي الله من عهود الرجـال يبوقهـا
في المواقيف الصعيبه لكم حيلـه وحيـل
ولأجلكم نبيع الأنفـس لغالـي سوقهـا
ودلّة الرسـلان يعبالهـا بن(ن)وهيـل
والخلايق خالق الكـون هـو مرزوقهـا
والله الباقـي وكـل الخلايـق للنثـيـل
وكم دفن في باطن الأرض من مخلوقهـا
وفيك نظم القيل ينظم من الوزن الثقيـل
والقريحـه فتّحـت مبهمـات اغلوقهـا
وأحمد الله سيدي ما بعد جبـت الهزيـل
والمثايـل سبّلـت طيبـات اعموقـهـا
وللرسول أزكي التحيّه عدد وبل المخيـل

[الابجر]

السلام عليكم ورحمة الله وبركاته
الاخ البركان الثائر صح لسانك على هذه القصيدةالرائعه في الامير الانسان الاكثر من رائع ويستاهل ابو فهد

[البركان الثائر]

الاخ غالب لا هنت وبيض الله وجهك

[البركان الثائر]

الابجر لا هنت وبيض الله وجهك

[السنجاري]

الله لا يهينك على ذا القصيده الجزله
اللي من شاعرها الجزل

وحافظك الله

اخيك

(((السنجــــــــــــــاري)))

[البركان الثائر]

السنجاري لا هنت وبيض الله وجهك