الاصوات المشتركة في الدائرة (22 ) ( الرقة وهدية )

[فراشة الكويت]

الله يعطيكم العافيه

أنا ماني عارفه ليش تحاملتوا على الدستوري

هالجدول موجود بكل الجرايد موبس الوطن

وندري ان عكاش قطع على الكندرى

لأن الكندري في الانتخابات السابقه كان قاطع عليه 500 صوت

يعني وحده وبوحده

وأخوي مراقب ليش متضايق من الجدول

عشان 196 صوت مقطوع لابن شرفان

عادي ماصار شيء وكل الناس قرأت الجرايد

والانتخابات خلصت خلاص انتهى الموضوع

فراشة الكويت

[قرم وخوالي العجمان]

والله حرام ولد برغش تمنيته يفوز والله انه وليده لواني كويتي صوت له بس الله المستعان والله وصيت الربع هنا في الكويت بس مافي فايده المفروض السعودي يصوت بعد بعدها تزين لعلوم صدق

[الجزيره]

ابو مهدى اكبر من انه يقطع الصووووووت
ابو مهدى معرووووف للجميع والاصوت الى حصل عليهااااا مقطوووع كانت اغلبها من الشيعه فى المنطقه الى كانوا رافظين يعطوووون عكاش والكندرى وبرغش
ولا تكثرووون الكلام هذا احنى اكبر منه ولاتجمعنا مصلحه اكثر من انه يجمعنا اسم يام

[مراقب]

فراشة الكويت.... والجزيرة
الرأي الذي ذكرته الفراشة بخصوص قطع الأصوات .. ورد الجزيرة عليها.. هو ما يرديده الدستوري والله أعلم .. هذا النوع من الحديث والذي يحمل تشكيك وطعن في أخوانا النواب والمرشحين من سقط منهم ومن نجح هو ما يريده كل شخص يعيد نشر الجداول غير الصحيحة على مثل موقعنا وهو ما حذرنا منه وهو السم الذي يدسه الدستوري مع عسل الذي يردده بأن الكندري وعكاش قطعوا أصواتهم عن بعض .. يأخي وبعدين وإذا قطعوا عن بعض فما فائدة هذا الكلام... ومع ذلك إذا انا غلطان في ظني فيما قصده الدستوري من النشر فأنا مستعد أعتذر له.. بس ليعتذر هو عن نشر الجدول ...اللهم لا حول ولاقوة الا بك

[الاسير اليماني]

صار فيه قطع 196 صوت وهذا مايعلمه الجميع فلا يتحجج البعض بالشيعه لان الشيعه حضورهم ماكان ذاك الزود فالانتخابات

[ولد الفيحاء]

بسم الله الرحمن الرحيم
السلام عليكم ورحمة الله وبركاته
اخواني الافاضل
في البدايه احب اشكر الاخ الفاضل مراقب على توضيحه لنوايا نشر مثل هذا الموضوع
ومن تتبع كتابات الاخ الدستوري وسياسي محنك
يعلم كيف انهم يعملون قصار جهدهم بالتشكيك والعبث في صفوف القبيله ونجد ان احدهم يكتب موضوع والآخر يرد بمشاركه وبتفقيم الموضوع بحيث يفعله على ماتهوى نفسه
ولاننسى موضوع سياسي على النائب المخضرم وليد الجري
وردود الاخ دستوري
لعبتكم صارة على المكشوف واستغلالكم لظروف قضى بات مسؤما
وبالنسبه للأخت فراشه انتي على النيه الطيبه ولو كشفتي حقيقة هذان الاذثنان لما يحملون بالحقد على ابناء القبيله
وسبق وان طلبت منهم كشف هوايتهم لتباين الحقيقه ولكن هييهات ان كشفو
لمايعتريهم من الجبن بان يكشفو الحقيقه
وبالنسبه للأخ الاسير اليماني
القطع لم يكون من العجمان لان عدد الاصواة المشتركه اكثر من عدد حضور العجمان وهذا دليل على ان الالتزام 100%100
واما اذا كان القطع من خارج العجمان
ترى اللي غير العجمان ماتلزمهم فيك مادام مافيه اتفاق مسبق مثلا سكرتير او غيره
فاذا حصل قطع امر طبيعي المهم صفك مايكون فيه قطع
ولاتنجرف مع اللي تلعب بذيلها
واحترس منهم
وتذكر ان العجمان يشرفون حاضره وباديه
تقبلو تحياتي

[alrasse]

	أرجوا من الأخوان عدم التطرق لموضوع يشب الفتنه بين أبناء القبيله والأمور كلها واضحه للجميع ولانريد أن ندخل في تفاصيلها لأن مايجمع العجمان أكبر من كرسي مجلس أمه 0وربعنا كلهم فيهم خير وكلنا أنشالله فايزين بحبنا لبعض 0000ونبارك لأخينا عبدالله مهدي ونبارك لأخينا عبدالله عكاش والله يعينهم على حمل الأمانه ونقول حق أبوفهد ااخينا عبدالله البرغش أبشربعوضها وانت والله ممن يستحقون تمثيل الأمه وشكرا للجميع

[~¤§ الـد ســـــتـوري §¤~]

مشكورين يا اخوان على الردود وهذي الصورة للاصوات المشتركة لان رابط الصور تعطل: