الفــــــــــــية &&& قـــــــــــوم لإبن نهايه
الف اولف عد ماهو عددها = يوم المعاني تعتليها جددها
قلته وانا بآقول وهذا جهدها = سيري مع الطاروق بالأبجديه
والباء بديت القول بإسم الإلهي = رب السماء والارض آمر وناهي
في خاطري قولٍ ولاني بساهي = أشهد بأن الله رب البريه
والتاء تحيه للرسول وصلاتي = بإعداد مانحيا الين المماتي
أدى الرساله من قديم وآتي = ولاّه بالتوحيد والله وليه
والثاء ثلاث سنين سر دعاها = اجهر بسبع ٍ لين بانت عداها
وضّح معانيها وبيّن خطاها = والرابح اللي دل درب الوصيه
والجيم جبت بجعبتي كل ماقيل = والباقي ابقى والأقاويل تفصيل
آمنت بك يارب ياعادل الميل = تعفو على من داس درب الخطيه
والحاء حكيت بكل ماهو طرالي = والباقي اعظم من حمول ٍ ثقالي
يالله تجملني وهي راس مالي = ويالله تعطي من نوى بالعطيه
والخاء خدعني فيه وين الجماله = هذا الخوي اللي تقصّر حباله
مثل الحويج اللي غدوبه عياله = ضاموه في دنياه قبل المنيه
والدا دعيت اللي مشى درب الأدناس = ليت مع درب المقفين نوماس
والأ ترى دنياك تهديلك اتعاس = غيرك مشى والموت جاله هديه
والذاء ذليل ٍ ياعديم المعاريف = مارحت مع من راح فوق المشاريف
تقلط ولا لك بالتراحيب تشريف = وان رحت قطعى يارفيق المطيه
والراء ربحت ونعم ياراعي الجود = مالك مع هرج الرجاجيل منقود
نعم اليمين اللي عطت بيدها زود = عز ٍ لراعيها وعز ٍ لخويه
والزاء زمان كملت فيه الأعذار = ماعاد به جيره ولى عادبه جار
صارت عوايدهم على صبغة جدار = مايلتقون الأ في عيد الضحيه
والسين سلم عد مايجري الدم = لأهل الشهامه والوفاء من بني عم
اولاد يام ٍ لا بدى الشان تلتم = كسّابة الطولات في كل هيه
والشين شفنا للخوي وين ماراح = من يام والأ من حدى الناس سواح
محزم في صدر اللي يدور له سلاح = في حزة المضيوم عجل ٍ مجيه
والصاء صحيح ان المراجل صعيبه = كم واحد ٍ ذالوقت جابت طبيبه
وماكل رجل ٍ بالمواقف حريبه = وماكل رجل ضاع بالمهمهيه
والضاء ضعيف ٍ ياقليل المروه = ياللي تعيب الخلق ولا فيك خوه
ضو النميمه زاد في شب ضوه = يلعب على الحبلين قصده اذيه
والطاء طموحي بالعلا عند ربعي = في ديرة هي شرعها مثل شرعي
ولاني بمنهو يحسب الناس تبعي = قدامي رجال ٍ لهم مقدريه
والظاء ظفرنا يوم حنا تبعهم = نرضى برضاهم وان زعلنا بزعلهم
ومن زل فيهم شرط ماهو ولدهم = وان كان منهم عندنا له شظيه
والعين عفت الراس راس النعامه = ياصاحب ٍ توضح عليه العلامه
عيبٍ على الرجال يجرح عمامه = ليته تعلم من رجال الحميه
والغين غابت غيمة الود عنا = والقلب من شكواه لاما تهنا
ربع ورفاقه ثم صرنا وكنا = يالله ترد ايامنا الأوليه
والفاء فلاني مرتكب لي جريمه = امشي على النيه دروب سليمه
قلت الحقيقه دون كذب ونميمه = في قافي اللي تسمعونه سويه
والقاف قول العرف مني بدعته = واللي بدى من خافقي مامنعته
حول من الله جيتكم قد جمعته = وجهت فكري للعقول الذكيه
والكاف كني من قريب خلاوي = وماني من اللي في مماشيه غاوي
واللي هقيته ماخذل بالهقاوي = كم واحد ٍ جيته معلق طليه
واللام لو ان الخطاء فيه مسموح = ماكان قلنا يابن الاجواد مسموح
نبغى الستيره لو على سكة جروح = ونبغى الكلام اللي مجنب رديه
والميم مني للخوي وقفتي له = في ساعة ضاقت عليه الطويله
يقبل عليه القوم مثل المخيله = لا شرفت بالصيف في جرهديه
والنون نادى خافقي هاجس البال = اطرد ورى الاحوال من حال في حال
واقول ياربعي لي العم والخال = واعتز مادام الطلاقه هويه
والهاء هويت الشعر لاجل المطاليق = صفيت قافه لا تهيض من الضيق
ماقلت ابكتب وارتجي منه تسويق = في شيخة العربان والأ الرعيه
والوا ودعت الحكي عند الأخوان = وماني بخص فلان وفلا ن وفلا ن
جاكم كلام الصدق من يام عدنان = من لابة بالضيق زبن السريه
والياء ياعل الدرب صوب الغنايم = يبقى على ممشاه والحظ قايم
لاجل الخطيه ماتردى العزايم = ولاجل الصواب نقول مابه ( خطيه )
التعديل الأخير تم بواسطة : علي ابن نهايه بتاريخ 24-04-2006 الساعة 02:34 AM.
السبب: الخط
|