السلام عليكم ورحمة الله وبركاتة
يسعدني الانضمام الى هذا المنتدى الاغر
واليكم هذه المشاركة المتواضعة على امل ان ترقى الى مستوى اذواقكم
الغيـــــاب
الغياب اللى قهرني يمكن انك ما دريته = والغياب اللى ذبحني يمكــــن انـــــك فــيه داري
غبت من ليلي حسايف والعنا كله سريته = الوله دمي ونبضي وكــــل شوق جــاك ساري
ما بقى دمع بعيني في غيابك مابكيته = وروح تبكي في يميني وقلب يبكي فـــــــي يساري
ياعذابي من غيابك في غيابك ما قويته = ارتجف برد الوله واحترق و الشوق نـــــــــــاري
مات شعري في غيابك لا ولاحتى رثيته = ولا رثا فجري ظلامي ولارثـــــــــا ليلي نهــاري
الجفاف اللى بعمري ليت بطيوفك رويته = يا رذاذ العمر قلـــــي وش بــــقى غيرانكساري
كل شوكٍ في خريف البعد لعيونك وطيته = لين صار الشوك يبكيني وتبكيني صحاري
ما طويت اليأس منك لا ولاحتى طويته = ولو يفوت العمر فــــدوة بس يبقى فيـــــك شاري
أسقني شربة حروفك ولو تبي قلبي عطيته = بس يكفيني غيابــــك بس ياطـــــول انتظاري
انت يا مقصد حروفي وانت بس اللى عنيته = وانت يافرحه وجودي وانت يا زود افتخاري
ان كتبت الشعر لجلك كل عالي لك رقيته = وان قصدت الشعرغيرك ااه ياسهل انحداري
وان تغزلت بجنابك كل غالي لك جنيته = لك نزيف جروح قلبي ياوطن عمــــــري وداري
تقلبوا
اعذب
تحية