رســــــمـــــــتك
............................؟؟؟؟؟؟
رسمتك بالخيال اجمل من الواقع على لوحه
رسمتك تحتوين الحب واوفى من جميع الناس
رسمتك فانيه للحب وانك منه مذبوحه
وان الدمع في عينك سبايب رهفة الاحساس
رسمتك من خيال الشاعر اللي قاسمك روحه
تعمق بك واخذ يرسم ولكن للأسف وسواس
نعم وسواس والواقع انك سبة جروحه
جرحتي قلبه الطيب رصيده من غلاك افلاس
رسمتك بس في عيني وبعين الناس مفضوحه
يعرفونك من عيونك عيونك مابها احساس
عرفتك يا سحابة صيف عرفتك يا سبب نوحه
عرفتك جرح ما يبرى وغدرٍ ماجمعه قياس
عرفتك روعة الماضي جميلة حيل مملوحة
تشابهتي مع الأفعى رقيقة وسمها بالراس
عرفتك يوم كنتي في زمانه قمة صروحه
بناك وللأسف طحتي من القمه الين الساس
لأنك ماعرفتي انسان يعيش وياصل طموحه
أمل كنتي وطموحي يوم اهوجس بك مع الجلاس
عرفتك يا قسى وانسى كثير الجرح بوضوحه
لهذا جبت الواني رسمتك بالأمل والياس
تحياتي لكل من يقرأ
05-01-2006, 12:11 AM
رسم المشاعر...رسمتك وياليت مارسمتك!
العرض العادي
