مجالس العجمان الرسمي


المجلس الانتخابي والسياسة المحلية يعني بالمواضيع الانتخابية في دول الخليج والسياسة المحلية في الكويت

رد
 
أدوات الموضوع طرق مشاهدة الموضوع
  #1  
قديم 07-07-2011, 08:32 PM
ConCoRDe ConCoRDe غير متصل
 
تاريخ التسجيل: Jul 2011
المشاركات: 2
معدل تقييم المستوى: 0
ConCoRDe is on a distinguished road
حملة شبابية ضد جميع شركات الانترنت في الكويت

السلام عليكم ورحمة الله وبركاته









هذه الحملة لجميع من يملك موقع أو مدونة أو حساب على تويتر أو الفيس بوك نعلن فيها عن امتعاضنا ورفضنا لهذه السياسة العوجاء ، فالعالم يتقدم نحو توفير الإنترنت في الشوراع والطرقات ونحن نرجع للخلف بسبب تخلّف التجار والشركات والعقليات البائسة التي يملكونها





قررنا انا و الاخوه والأخوات المدونين الكويتيين القيام بحملة ضد الانترنت المحدود , وبما انه زمن الثورات قررنا القيام بثورة انترنتية ضد الانترنت المحدود تحت حجة “الاستخدام العادل ” فنحن المدونين نرفض رفضا تاما القيام بمثل هذه الممارسات اللتي تسلب من المشترك او المستخدم حرية استخدام للانترنت بالشكل المتعارف عليه في كل دول العالم , نحن ندفع في الكويت اسعار خيالية من اجل توفير خدمة انترنت ذات استخدام عادل بكل ماتحمله الكلمة من معنى , فالأستخدام العادل معناه ان يكون الانترنت غير محدود وغيرد مقيد بحجم ما , ولايجب ان افوت الفرصه للحديث عن ارتفاع اسعار الانترنت في دولة الكويت , فالاسعار هنا فعلا خيالية ومبالغ فيها , والمقابل خدمة محدوده جدا وغير عادلة للاسف نحن في زمن الانترنت وفي عام ٢٠١١ لايكاد يوجد شخص في الكويت الا ويستخدم الانترنت , وقد دخل الانترنت في جميع الاشياء سواء الهواتف النقالة والكمبيوترات وحتى الاتصالات اليومية والمراسلات بين الاشخاص , فمن هنا نعلن نحن المدونين الكويتيين عن رفضنا القطعي والتام لما يسمى بالانترنت المحدود

لذلك …

نطالب كل من يملك القرار بالتدخل بأسرع وقت ممكن لوقف هذي المهزلة ، وبناء على كلام النائب الفاضل أحمد السعدون الذي أقر بأن شركات الإنترنت ( غير مرخصة ) فنطلبه و بقية الشرفاء بالإسراع في وقف هذا العبث



طبعاً تم مراسلة جهات عدة منهم أعضاء في مجلس الأمة، و منهم وكيد وزارة المواصلات و جميع هذي الجهات كانوا مستائين من هذي السياسة و من طريقة تطبيقها بل و من كل شي قاعدة تسويه شركات الانترنت بالكويت.

أولاً، طريقة تطبيق هذي السياسة الظالمة و ليست العادلة، واستخفاف الشركة بعقول المشتركين

1. تم تطبيق سياسة الاستخدام العادل في 1 - 6 - 2011 من دون سابق انذار، على جميع المشتركين سواء كانت عقودهم قديمة و قبل
هذا التاريخ، أو جديدة.

2. جميع مشتركين الدي اس ال، و خصوصاً الي اشتركوا في سرعات عالية، كانوا يشتكون للشركة ان هذا ما كان الكلام المتفق عليه، فقل توقيع العقد أتوقع ان 90% من اللي يشتركون اشتراكات سريعة سألوا نفس السؤال "نقدر نسوي داونلود على راحتنا؟ ولا بتنزلون علينا السرعة بسبة ليميت معين؟" و دايماً جواب الشركات كان انهم يشجعون المستخدم على انه يستخدم الانترنت كثر ما يقدر لأن هذا من حقه اشترك بالسرعة الفلانية للمدة الفلانية و محد يقدر يغير هالشي، "حتى لو تنزل الانترنت كله" على قولتهم. و شنو كان الجواب على هذي الشكاوي؟ "في بند بالعقد يقول ان لنا الحق نغير أو نضيف أو نلغي اي بند من بنود العقد لذلك القانون بصفنا، و اذا مو عاجبك تقدر تكنسل" و هذا الكلام مو تأليف ولا ترجمة للي قالوه، لأ، هذا كان رد موظفي الشركة حرفياً.

3. اتبعت هذي الشركات طريقة "التمسكن" للعميل يمكن يخف عليهم شوي، فقاموا يقولون ان عندهم ضغط، و انهم يشتكون دائما، و ان مو ملحقين، و هذي كلها شغلات انا كعميل مالي شغل فيها، ليش الشركات تسوي اعلانات 24 ساعة انهم الأفضل و انهم ما كانوا قدها؟ لما الشركة ما تقدر ، لازم تعوض العميل مادياً و يروح حق أي شركة ثانية و يرتاح، هذا أقل شي طبعاً. لكن عندنا لأ، كان الحل هو سياسة الاستخدام العادل. و على فكرة قبل تطبيقها ب 10 أيام فقط، انا و واحد يصيرلي كلمنا كواليتي نت، اللي يصيرلي كان على فيفا و قطع اشتراكه بسبة الليميت و حب يشترك دي اس ال، و سألهم عن الليميت و عن السرعة، و قالوله ان هذي الشغلات تسويها شركات الاتصالات مثل فيفا و الوطنية...الخ أما الدي اس ال مفتوح يقدر يسوي اللي يبي. يعني بالضبط كانه يقول عطني فلوسك وابتلش فيني. هذا كان مع شركة كواليتي نت، و بعد ما صار هذا القانون، اتصلت في شركة فاست تلكو و سألتهم عن أسعارهم، بعدين سألتهم عن موضوع الليميت و قالوا ان هذا الشي مو عندهم، بعدين لأني أدري انهم يستعبطون و يقولون ان "ما في ليميت كا شغال عندك ما انقطع، بس السرعة انزلت شوي" على اساس ان هذا ما يسمونه ليميت، فقلتله ان باقي الشركات سوت سياسة الاستخدام العادل و تنزل السرعة...الخ و قالي ان هذي الشركات هي الي تسوي هالطريقه و نحن مالنا شغل نحن نعطيك مفتوح بدون أي قيود، لكن خلال اسبوع طبقوا هذا القانون. في غش أكثر من هكذا؟ كلهم يحاولون يقصون عليك عشان تسجل بعدين تنصدم بالسياسة مالتهم.


ثانياً: سب المشتركين

1. قامت الشركات تعطي هذا العذر للشكاوي: عندنا 5% من المشتركين استخدامهم للانترنت مو طبيعي والكثير يسوون داونلود، و مخربين عال 95% الباقي. فوضعنا سياسة الاستخدام العادل عشان هال 5% ما يقدرون يسوون داونلود واجد و يخف الضغط. و طبعاً هذا عذر أقبح من ذنب لأن ال5% اللي مو عاجبينكم هذيل كلهم زباين عندكم وانتوا اللي عطيتوهم السرعة العالية، وانتوا اللي قلتولهم ينزلون على راحتهم. لما خذوا بكلامكم سويتوهم سبب في تردي خدمتكم؟ اذا انتوا مو قدهااغلقو افترئاتكم.

2. لما شافوا ان ماكو فايدة من العذر السابق، قامت الشركات بوضع عذر جديد و هو ان سياسة الاستعمال العادل توقف القرصنة. و طبعاً كلمة قرصان هي طريقة مؤدبة حق انها تقول عن المشتركين "حرامية"، هالشركات طبعأً ما فكرت بالكلام اللي قاعد تقوله لأن فوق انها سبت جميع مشتركيها، نست ان هذا عصر الانترنت، شنو في بالبيت؟ كمبيوتر؟ لابتوب؟ آي بود؟ آي باد؟ هواتف ذكية؟ و حتى التلفزيونات صار فيها انترنت. لما شخص يشترك ب 70 دينار بالشهر حق اشتراك 8 ام بي، يعني المفروض 88 جيجا باليوم، و تعطيه فقط 7 جيجا، شنو يمديه يسوي؟ و بعدها تطيح السرعة لي 2 ام بي، شنو راح يسوي بال2 ام بي؟ ثاني شي، وايد ناس تشتري من آي تونز، و من ستيم، و تأجر من يو تيوب، هذا ما يعتبر قرصنة، شلون نسوي داونلود حق الشغلات اللي نشتريها؟

ثالثاً: زيادة الأسعار


1. في معرض انفو كونكت، شهر 2 الماضي، قامت شركات الانترنت برفع الأسعار و توحيدها. (طبعاً هذي تعتبر جريمة بس اللي عندنا ويوهم عريضة و للأسف ماكو رقابة عليهم) والزيادة كانت بنسبة 90%، يعني تقريباً الضعف. اشتراكي كان ب300 دينار بالسنة، دا اس ال 8 ام بي، صار سعره 575 دينار. فخذيت الموضوع بحسن ظن و سألتهم ليش؟ يعني شنو الشي اللي ظافوه على الاشتراك و شنو التحسينات اللي سووها على خدمتهم اللي خلت السعر يزيد جذي، و كان الرد "لا اهوا نفسه بس الشركات اتفقت عالسعر مع بعض، و لو تروح حق أي شركة ألحين بتلاقيه نفس الشي" و للأسف ماكو رقابة

2. في نص شهر 6 اللي طاف، مع انهم حطوا ليميت و طنشوا كل عملاؤهم اللي مو عاجبهم الموضوع، وارفعوا الأسعار بعد مرة. اشتراكي كان 24 ام بي لمدة 3 أشهر كانت قيمته 305 دنانير، صار ب 546 دينار، ليش؟ لأنهم يدرون ان الناس خلاص ماراح تاخذ اشتراك غالي عشان السرعة، ولكن عشان سعة الداونلود، الليميت اليومي ماله.

رابعاً: الكذب والاستخفاف بعقل المستخدم

1. في أول يوم حطوا هذي السياسة، انا رحت أشتكي عند كواليتي في مبنى الخليجية، اللي هو المبنى الرئيسي، طبعاً رحت اهناك لأن أدري ان خدمة العملاء كل واحد راح يألف على راحته و ماراح يفيدني بشي. و الموظف اللي اهناك اهوا اللي قالي ان بناءاً على العقد في بند يعطيهم حرية تغيير و تعديل اللي يبون فالقانون بصالحهم. و لما شافني مو عاجبني الكلام، (طبعاً اهني ما كنا ندري ان الليميت يومي العموم حاط في باله شهري) قالي ان متوسط استخدامي انا للداونلود هو 540 جيجا بالشهر، و ان الليميت مالي 600 جيجا بالشهر، فأصلاً انا مو قاعد اوصل لليميت و لازم ما احاتي اللي ما أستخدمه يترحل لي ثاني يوم. يعني انا استخدمت 540 من 600، ال 60 الباجية تترحل للشهر اللي وراه. و أسأله "يعني لو ما استخدمت الانترنت لمدة شهر، و رحت الشهر اللي وراه لي 1200 جيجا؟" وقالي "طبعاً! احنا ما نضيع حق أحد!" طبعاً هذا الكلام هداني شوي، لكن ما هدا اللي يصيرلي، اشتراكه 8 ام بي و قالوله الليميت ماله 212 جيجا، وهو خلال 3 أيام كان منزل 160 جيجا. عقبها لقيت الانترنت عندي بطيء، دقيت على كواليتي نت أسألهم، و قالولي ان الليميت يومي و لي 20 جيجا باليوم. و ان مافي شي يترحل هذا كلام فاضي.

2. مع انهم شافوا ردة فعل الناس و كل الشكاوي على صفحة الفيسبوك و على الكول سنتر، اللي حتى لما تتصل يطلعلك ان ماراح يردون عليك لأن زحمة و دق بعدين، كواليتي نت حطت ان العملاء اللي كانوا يشتكون من ضعف بالكونكشن ما قاموا يشتكون و هذا معناه ان سياسة الاستعمال العادل سياسة ناجحة، طبعاً هذا الكلام ترجمته ان الشركة خذت حقنا و عطته غيرنا لأن ما تقدر على الضغط. يعني كأنه واحد عنده شركة و و الموظفين كثيرون، يخصم من نصهم عشان يكمل حق غيرهم.

3. كواليتي نت حطت من العملاء الكثير عاجبتهم هذي السياسة و انهم أرضوا عملاءهم، طبعاً هذا معناه ان كل هالضغط هالكول سنتر كانوا يبون يتشكرون منكم

4. الشكاوي الموجودة على صفحة الفيسبوك مالت كواليتي نت، كانوا يدشون ناس و يقولون "ليش شفيها السياسة هذي؟ بالعكس انا ما اوصل الليميت و كل شي تمام...الخ" و لما تجيك على البروفايل ماله، تلقاه موظف في كواليتي
5. كواليتي نت قامت تمسح كل الأسئلة او الشكاوي عن هذي السياسة بدال لا تجاوبها

آسف للإطالة، مع ان في واجد شغلات يمكن راحت عن بالي أو غيره، بس أكيد باقي المدونين أو الناس اللي في الفيسبوك و تويتر ماراح يقصرون



هذا مجرد موضوع للتذكير !! وإن لم تتوقف الشركات عن سياساتها واسعارها المبالغ بها ، فسنقوم بكشف كل الأوراق ومن له حق القضاء سينصفه بدون شك

هذا الهاش تاق خاص بالحملة على تويتر #q8cap

المدونات المشاركة في الحملة :

1- مدونة زهقان
2- Made in q8`s Blog
3- مدونة فيصل
4- صور وفيديو من الكويت
5- مدونة كيفان 5
6- مدونة منوعات
7- مدونة سو
8- بو جسوم
9- مدونة زقرتي
10- مدونة بو وضحى
11- مدونة هبات كويتية
12- مدونة غازي
13- q8y4ever
14- جبلة
15- مدونة بوفوزي
16- مدونة الجلاوي
17- q80mar
18- فرانكوم
19- Q8Ping
20- I’m Geek
21- مدونة أبوفلان
22- Kuwait Anti Bandwidth Cap Alliance<<< من أوائل المبادرين بارك الله فيهم
23- Q8LoL
24- Bluekads Blog
25- chocolate and chocolate
26- HiKuwait
27- TKANA
28- Blog Laish
29- الشبكة الوطنية الكويتية ( منتدى ) شكرا لكم تثبيت الموضوع
30- إلكتروني
31- Kuwait 10 World
32- Saleh’s Blog
33- pinkgirlq8
34- 18seven
35- q8simple
36- مدونة قحفية
37- sh5abe6
38- 3zezy
39- manool2
40- مدونة شخصية فتاكة
41- WHY NOT
42- Alblogy
43- المباركية
44- أنت يا
45- HOW2Q8
46- mabee2
47- Q8 Lens
48- كويت بور
49- سوق ومزاد بيعة ( منتدى )
50- صور بلاك بيري
51- طلبة الكويت ( منتدى )
52- iMohmd
53- كويت i فون ( منتدى )
54- الكويت بيت الزين
55- ناعمة الهمس
56- Q8Ryuk
57- 4rockNrollers
58- إنعكاس الفكر
59- Q8 Rain
60- krazysweetONE
61- مدونة إستح
62- ALMOST BLOG
63- بودكاستي
64- meenakon
65- كاظمة ( صحيفة )
66- شخبوطة كويتية
67- Crowsy
68- الآن ( جريدة إلكترونية كويتية )
69- منتدى قبيلة العوازم الرسمي ( منتدى )
70- سعود سوفت
71- Ambiguity
72- Al7ooory
73- خليجنا
74- Me on diet’s Blog
75- إلى متى
76- Q8Buzz
77- Bader7
78- ation for ever after
79- iHaDy Blog
80- Gate 33
81- macbandi Blog
82- slashed blog
83- كويت فن
84- NooN
85- The Buz Fairy
86- Couch Avenue
87- landeni
88- OMARKER
89- My Kitchen
90- فنيين ومساعدين المهندسين الكويتين ( منتدى ) حسابهم في تويتر @Q8isscom
91- Pirates of the Silicon Oasis
92- الحصيلة ( جريدة إلكترونية )
93- blog37
94- طالب في جامعة الكويت
95- Kuwait Zone
96- UpTillOne
97- Pure Pearla
98- natnot
99- مدونة بطاط
100- IBurnQ8
101- i3lami
102- موقع الشعر ( بنر ) لدعم الحملة مشكورا
103- Lurerz Blog
104- Q8fun
105- Froyo Nation Blog
106- mo3ath
107- سبر ( جريدة إلكترونية )
108- مدونة منقـفـاوي
109- Random Thoughts
110- kumailplus
111- q8iphone
112- منتدى مجالس العجمان الرسمي


من أوائل المواقع التي تكلمت عن القضية ولهم الشكر فعلا وكان لهم تحرك ميداني والتقوا وكيل الوزارة هو موقع

http://q8cap.wordpress.com

فلهم منا كل الشكر والت

واوئل المدونين الناشطين للحمله

http://www.waw.cc/6703.html

هذي صفحة الفيسبوك: http://www.facebook.com/StopTheLimits
و هذا الهاش اللي نستخدمه بتويتر #q8cap



وان شاء الله تتابع موقع مجالس العجمان مع القضيه ووضع بنرات وتكون سباقه في مجال المحاربه
وشكرا للمتابعه

التعديل الأخير تم بواسطة : ابومحمد الشامري بتاريخ 12-07-2011 الساعة 06:26 PM.
رد مع اقتباس
  #2  
قديم 12-07-2011, 06:00 PM
‏ســري للغايــه ‏ســري للغايــه غير متصل
 
تاريخ التسجيل: Mar 2010
المشاركات: 67
معدل تقييم المستوى: 8
‏ســري للغايــه is on a distinguished road
رد: حملة شبابية ضد جميع شركات الانترنت في الكويت

الله يعطيكم العافيه وكثر الله من امثالكم

رد مع اقتباس
  #3  
قديم 13-07-2011, 02:27 PM
ConCoRDe ConCoRDe غير متصل
 
تاريخ التسجيل: Jul 2011
المشاركات: 2
معدل تقييم المستوى: 0
ConCoRDe is on a distinguished road
رد: حملة شبابية ضد جميع شركات الانترنت في الكويت

اقتباس:
المشاركة الأصلية كتبت بواسطة ‏ســري للغايــه مشاهدة المشاركة
الله يعطيكم العافيه وكثر الله من امثالكم
الله يعافيك اخوي الغالي وان شاء الله نكسب القضيه الي زعلت كل كويتي

والحمدلله وصلنا الى 250 مدونه وموقع

وان شاء الله ينزل سعر النت في الكويت ويلغي نظام الاستخدام العادل
رد مع اقتباس
  #4  
قديم 13-07-2011, 08:20 PM
عبيد العرجاني عبيد العرجاني غير متصل
 
تاريخ التسجيل: May 2010
الدولة: منطقة مبارك الكبير
المشاركات: 4,457
معدل تقييم المستوى: 12
عبيد العرجاني is on a distinguished road
رد: حملة شبابية ضد جميع شركات الانترنت في الكويت

لاهنت على الخبر

وبتوفيق لهم

تحياتي

 

التوقيع

 


عليگ بذكـرالله تـرى آلعمر محدود وآردع هـوى آلنفس آلدنيّه و قدهآ وآحفظ صلآتك تكسب آلرزق وآلفود تكسب مكآسيب آلحيآة و سَعـده

 
 
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
تأسيس ثلاث شركات الغروب سـوق الـمـجـالـس 5 07-04-2011 11:46 PM
صور خلفيات إسلامية .. شبابية...!!! سمو الرووح المجلس الإســــلامي 17 14-12-2010 09:04 AM
نظارات شبابية لعيون بونايف ولا يهون الجميع السنافي1 مجلس الأســــرة والمجتمع 10 18-10-2008 12:24 PM
جداول اصوات المقترعين في جميع دوائر الكويت ( عام2006 ) اهداء للمجلس الانتخابي ~¤§ الـد ســـــتـوري §¤~ المجلس الانتخابي والسياسة المحلية 5 30-05-2007 08:47 AM
شركات الاكتتاب القامه السنافي المجلس العــــــام 4 12-05-2005 11:31 PM

 


الوقت في المنتدى حسب توقيت جرينتش +3 الساعة الآن 06:19 PM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع