الفتى لاطاب ماهو من خواله الفتى لاطاب طيبه من ذراعه

[مانع الوعيلي]

آلسلام عليكم وحمه الله وبركاته


قصيده لشاعر المبـدع

منصور بن فهد ال جعشه الضاعني العجمي


الزمان يـدور مـن حالـه لحالـه
والدهـر لاضـاق لابـد اتساعـه

والرجال تشوم عـن درب الرذالـه
والسنين العـوج ماتبغـي مناعـه

والبحر لامن صفق واصتـك جالـه
يبطـي البحـار مايرفـع شراعـه

والصبـر لاطـال فـال الله وفالـه
وطعنه السكيـن مافيهـا شفاعـه

دامها من بـاب مقصـود النذالـه
يكرم الرجال مـن كـف البشاعـه

سجلوهـا فالسطـور وفالمقـالـه
حكمتن من عاقلـن مابـه لكاعـه

والفتى لاطاب ماهـو مـن خوالـه
الفتى لاطاب طيبـه مـن ذراعـه

وان قصر من دون هقوات الشكالـه
خيبته في هقوته من قصـر باعـه

والوجيه السـود مافيهـا جمالـه
لو تجمل كـل يـوم وكـل ساعـه

سلعتن محذوفتـن وسـط البقالـه
لعنبوها ويـن اصرفهـا بضاعـه

لاتعشا الذيـب مـن لقمـه عيالـه
تشكي عيال الضباع من المجاعـه

يا الاهـي يامعيـن لمـن سعالـه
احمـدك واثنـي ثنيتهـا ربـاعـه

فالعلـوم الواطيـه زدنـي جهالـه
وفالعلـوم الطيبـه زدنـي قناعـه

واستعيذك عن صداقـات الحثالـه
جاحدن وابليس اخوة من الرضاعه

حذر المسلم عـن دروب الضلالـه
وماتشوفه فالصلاة مـع الجماعـه

صاحبي وانت الرصيد اللـي انالـه
لابغيته قال لـي سمعـن وطاعـه

واحـدن لاقـام للحمـل ارتكـالـه
يوم ولد اللاش مافيـه استطاعـه

سجهـا فـي ليلـه خيـل خيالـه
ولا يردك عن مـداك الا الشجاعـه

والشجاعـه كنـز مافيهـا دلالـه
والعوض في الشي خير من القطاعه

لو جنوب الـدار مايعـرف شمالـه
ماتشوف من الجبل كبـر ارتفاعـه

ولو خويي ماوفـا حـق الزمالـه
ماشفقـت لشوفتـه والا وداعــه

ان بغاني عندة اقرب مـن ظلالـه
وان جفاني يتبع النـور وشعاعـه

ماكبر قـدرة علـى جاهـه ومالـه
لعنبوهـا خـوة فيهـا طمـاعـه

طنخه الرجـال فـي ميلـه عقالـه
ولو يميل الوقت مايلـوي ذراعـه



وسلامتكم

[النـوف]

طنخه الرجـال فـي ميلـه عقالـه
ولو يميل الوقت مايلـوي ذراعـه


:



صح السان شاعرها , وصحيت كلك على
الاختيار ..


دمت بسموّ ..

[مانع الوعيلي]

لاهنتي يالنوف على المرور ويعطيش الف عاااااافية