(إمتحاني) صعْب .. ركّـز وانتبـه

[مليحة العجمان]

(إمتحاني) صعْب .. ركّـز وانتبـه
وبعدهـا يالله عسـانـا نستـريـح

كل (سـؤال) يزيـد قـدرك مرتبـه
بس يـا (شاطـر) تركّـد لاتطيـح

و(الجـواب) بكـف قلبـك تكتـبـه
(وحبّذا) لو كـان بالحبـر الصريـح

السؤال يقول : (مـا وجـه الشبـه)
بيـن خفّاقـي وهالكـون الفسـيـح؟

(بس / أموت / و/ فيك) ما هي مرتّبه
(رتّب الجمله على الشكل الصحيـح)!

ودام (عقلـك مرجعـك) و(المكتبـه)
لومني (واستشهـد بشعـرٍ فصيـح)

وهاك (مختـار الصحـاح ) وقلّبـه
لين صفحاته مـن عيونـك تصيـح

وديّ اللـي تكتبـه مــا تشطـبـه
خلّـه ب(مسـودّة) القلـب الذبـيـح

و(علّل) إنكارك غـرامٍ ضعـت بـه
و(أذكر أسباب) انجراحك يا جريـح

وبـ(الحساب) إجمع غرامك وإضربه
و(عطني) الناتج ولـوّ أنـك شحيـح

وب(العلوم) إشرف علـى هالتجربـه
و(بخّر) أحزاني قبل دمعـي (يسيـح)

(الأمل) غير (الألـم) فـي منصبـه
غلطة (إملاء) تقلب الشّيْـن لمليـح!

وللهوى (تاريـخ) مـحـدٍ كـذّبـه
قبل الاسـلام وقبـل عهـد المسيـح

من يكـون اللـي قصيـدي يطربـه
وإن بَرَد يدفيه عـن بـردٍ وريـح؟

ومن يكون اللـي بَنَـت لـه مُعجبـه
للوصل قصـرٍ وللفرقـا ضريـح؟

إنتهـى وقـت امتحـانٍ تهـت بـه
والإناء بمـا حـوى جوفـه نضيـح

فوق صدمـة خافقـي .. مستغربـه
ولاْ هقيت إنّك بعلْم الحـب .. مِيـح

[فالك طيب]

روووووووووووووعه الكلمات

تميز في الكلمات وإبداع في الأختيار

وفالك طيب

[مليحة العجمان]

لاهنت على المرور

[الجلمود]

يا سلام على الابدااع ..

وجمال المعاني والمفردات ..

ابدعتي في الاختيار ..

تقبلي مروري

[مليحة العجمان]

مشكور على المرور

[al7l2]

عجييييييييييييييييييييييييييييييييييبهـ

اهنيش على الاختيار الرووعه

وتقبلي مرووري يا ذووق

[مليحة العجمان]

مشكوره

[النـوف\نايفه عن كل البنات]

إنتهـى وقـت امتحـانٍ تهـت بـه
والإناء بمـا حـوى جوفـه نضيـح

فوق صدمـة خافقـي .. مستغربـه
ولاْ هقيت إنّك بعلْم الحـب .. مِيـح


لاهنتي يا الملح

رووووعه

[مليحة العجمان]

لاهنتي على المرور