تفَآصِيْـل [ ـي ] ..!

[نيَـة فراق ..!]

قال : اعتذر لك ، قلت : ما يلحقك لوم = صد القدر ، والا مشاعرك ؟ وفّت !
لا تعتذر لي ، ما انت بـ / العذر ملزوم = [ نظرتك ، عن صدق المعاذير كفّت ]
قفّا ، وهو من حسرة النفس مصدوم = قفّا ، ويومه راح ؟ كان [ يتلفّت ] :(
في نظرته [ زحمة احاسيس ، وهموم ] = كنّه يقول : ان السعاده توفّت !
لو المفارق يوم ، ومواصله دوم ؟ = ما كانت الضيقه بـ / صدري تحفّت
ولو كنت ماني مؤمن بـ / [ شي مقسوم ] ؟ = كان ذبحتني حاجةٍ ما تخفّت
حاجه بـ / كوم ، وحبر الاوراق في كوم = من حرّها ؟ كل المشاعر تدفّت !
اللي ذبحني وانسرق منّه النوم ؟ = [ آثار دمعه فـ / الورق ، يوم جفّت ] !

[نيَـة فراق ..!]

استغ ـفر الله من عقب

طول فرقاك ؟


ما كن غيرك خالق الله

رجاجيل !

[نيَـة فراق ..!]

} ،

على اجمل الذكرى ، وماضيه [ شفقان ] = معك انت ؟ يا حلو الزمن ، وابتهاجه
متعافي و بـ / يدينك تعالج انسان = وانا [ الصّويب ] اللي يدوّر علاجه !
شفني معاك اضحك ، وفي ضحكي احزان = مثلي تبيّن [ ضيقته ، وانفراجه ]
صار الزعل من بيني ، وبينك [ ادمان ] ! = والحب ما يشبه قراحه ، هماجه !
غلطان ، وش فيها ليا قلت : غلطان ؟ = عدم شعورك بـ / الخطايا ؟ سماجه
لا تزعل ان صرت انعزالي ، وندمان ؟ = ما يذبح المحتاج ؟ غير [ احتياجه ] !
طف الشموع اللي لها عدّة ألوان = بس [ الشعور ] اللي لا يطفي سراجه !
مغليك ؟ لا راضي ، ولاهو بـ / زعلان ! = منك يتعدّل ، ويتعكّر مزاجه !
احن لك ، واشتاق في كل الاحيان = واغلب كلامي معك [ متى نتواجه ] ؟
انا عطيتك كل حاجه علشان = تعطيني اليا احتجت لك [ كل حاجه ] !

[M!Ss LeGeNd]

وتــــــدري اذا طـــالــــت الـغــيــبــه وش مــفــكّـــر ؟
اروح لـ/ الموت [ ليه اعيش ما اشوفك ] ؟!


روعه البيت

شيله رائعه

تسلمين ياذوق"

واصلي بانتظار تفاصيل أجمل "

[نيَـة فراق ..!]

المشاركة الأصلية كتبت بواسطة M!Ss LeGeNd

وتــــــدري اذا طـــالــــت الـغــيــبــه وش مــفــكّـــر ؟
اروح لـ/ الموت [ ليه اعيش ما اشوفك ] ؟!


روعه البيت

شيله رائعه

تسلمين ياذوق"

واصلي بانتظار تفاصيل أجمل "

مس

يا مرحبا

الاروع طلّتك ،

منوره

[نيَـة فراق ..!]

ألا يا رسولي بلّغه ، ما قدرت أجيه = سلّم لي عليه ، وخذ سلامه وعطني اياه
لا قالوا : تحبّه ؟ قلت : ما عادني بـ / ابيه ! = وانا اشفا له اشفا من سقيم المرض لـ / دواه !
اقوّي عزومي كن ماعاد عندي فيه ! = وانا والله انّي [ مونسٍ لـ / البلا ، وأكناه ] !
عروق الحشا ما تنبت الا على [ طاريه ] = تنامى على قربه ، وتهجر على فرقاه !

|

[نيَـة فراق ..!]

ما رفع قدر العزيز الا [ وصل غالينه ] = وما ينقّص من غلاه الا بـ / زود اهماله !
والهوى لا مر ما بين الحبيب وبينه ؟ = ما ذكر غير [ البريد الوارد بـ / جوّاله ] !
ودّه انّه يرسل لـ / مغليه [ دمعة عينه ] = كم شعور بـ / يرسله ، ما يستطيع ارساله ! :(
وكل ما فلّت شريط الذكريات سنينه ؟ = يذكر [ أدق التفاصيل ] بـ / غياب وصاله !

|

[نيَـة فراق ..!]

|

لا زلت أشوف الحب بـ / اسمى معانيه = فدوة حبيبي [ وقفتي ، وانكساري ] !
الكبرياء ان غيّر الحب ؟ [ ما ابيه ] = لا صرت مخطي ؟ ليه اخاف اعتذاري ؟!
قلّي وش اللي في يديني ، واسوّيه ؟ = عشان ما اشوف لـ / رحيلك [ طواري ] !
ان كان قلبك فـ / الهوى له مباديه ؟ = قلبي ليا حبّك ما هو بـ / اختياري !
لا تترك احساسي على رحلة التيه = من عاد له [ غيرك ] ، شراع وذواري ؟!
لـ / الحب ثوب ، من العتب والمشاريه = لكن ليا هب الجفا صار عاري !
لو ما انت [ زارع شوق قلبي وساقيه ] ؟ = ما كنت اكحّل غيبتك لـ / انتظاري !
العمر لا صدّيت ؟ ما الله بـ / حاليه ! = لا اصحابي اصحابي ، ولا الدار داري !
والوصل مهما صار لك ؟ لا تخلّيه = ما دام باقي له رسوم ، ومواري
باكر بـ / ياخذنا الجفا بين اياديه = كنّي عن [ احداث المقابيل داري ] ! :(

كنّي عن [ احداث المقابيل داري ] !
كنّي عن [ احداث المقابيل داري ] !
كنّي عن [ احداث المقابيل داري ] !


...........................................

[نيَـة فراق ..!]

Exit


ليه اخاف من

الحزن ،

ومن الجروح ؟


دام ما لـ / الحب

في عيني

عتب !

[شامخه بعز ابوهاااا]

غـاليتي نيـه فرآق!

الاشوااق كلها لكِ
والحوااس تتهامس بإنتظار اناملك
كي تمسك القلم وتخط ما يجعلنا نبحر معها
الى عالم الروائع
ما آروع آختياراتك وإحاسيسكِ
آجل التحايا
لكِ ولقلمك الذي امتطى صهوة الكلمات

سآكون بالقرب من هنآ دوماً