قصيده من سجناء آل عامر لمبارك بن ذيب المهان

[راكان اليامي]

بديـنـا بـذكـر مـنـزل ايـــات قـــاف وكـــاف=تــرجــاك عــبــدا تـايــبــا تـغــفــر ذنــوبـــه
بـدعـنـا ونـبــدع ونتـفـاخـر بـبــدع الـقــاف=هـذي كلمـة مـاهـي عـلـى الـكـل محسـوبـه
ظـروف الـزمـان تحـدنـا والسنـيـن عـجـاف=نـحــاول بـقــدر الـعــزم نـوبــه ورا نــوبــه
مطايـا المـواجـع عـنـد بـابـك يـابـو نــواف=رقــاب الـركـاب الـبـاركـه تلـتـفـت صـوبــه
صوب مبارك اللي له على معتلا المشراف=تـربــع عــلــى قــمــة طــويــق ومـشـذوبــه
يجيله علـى فعـل المراجـل صطـر وشعـاف=مــن ابـسـط مواجـيـب النشـامـا ومـاجـوبـه
تكـفـا يامـبـارك يــاذرا مــن علـيـه اخــلاف=يافزعـة سجـيـن دونــه الشـمـس محجـوبـه
وتكـفـا يامـبـارك يــاذرا الخـايـف الـمــلاف=وتكفا يازبن من في السجن ظاق به ثوبـه
وتـكـفـا وتـكـفـا نقـولـهـا لـــك مـيــه والاف=وتكـفـا بـدمـع العـيـن وصـلـتـك مصـحـوبـه
تكـفـا يازعـيـم لــه مـبـادي نـظـر واهــداف=الحـق مـن قضيتـهـم مــع الـوقـت منكـوبـه
وتكـفـا ياعـديـد لـلـوفـاء والـكــرم مـيــلاف=مساجين ربعك مـن دعـاء الوقـت مجروبـه
ياربعـي تنحـو وانتحـو صـوب ابــو نــواف=ورفــع الشـلايـل يـاهــل المـوجـبـه صـوبــه
صوب مبارك اللي له على معتلا المشراف=تـربــع عــلــى قــمــة طــويــق ومـشـذوبــه
ولـد ذيـب شيـخ فــي نـهـار اللـقـا ينـشـاف=عقـيـد عـقــدا لـــه وقـفــة الـعــد منـسـوبـه
قبل عهد روس شيوخ من عهد بن طنـاف=علـى النايـف العالـي لـه البيـض منصوبـه

[عبدالله آل عامر]

الله يفرج لهم ويفك عوقهم إنه ولي ذلك والقادر عليه
:
لاهنت يا راكان على نقل القصيدة
:

[منصور بالله]

الله يفك عوقهم وبيضان وجيه أول وتالي ونعم بإبن ذيب يفعل ويستاهل وربعه لهم به هقوه وينخونه ومهوب ذاخر منهم.

مشكور يا راكان على نقل القصيده

[king الوادي king]

لاهنت ياراكان على النقل الطيب والله يفك عوقهم ان شاء اله

وجعلك تسلم على كل حال

[عبيد العرجاني]

يعطيك العافيه أخي العزيز راكان على ما قدمته .

والله يفك عوقهم

[هادي بن فهاد]

الله يفرج لهم ويفك عوقهم وصح لسـانك وبيض الله وجهه على القصيده الجزله تقبل تحياتي

[راكان اليامي]

هلا وغلا فيكم وارحبو وتسلمون على الردود