لا من زهمته لو على الموت لبّاك

[عاليه الاخلاق]

السلام عليكم ورحمة الله وبركاته

من زمرة الطاغوت حذراك حذراك=لا تبتلي بجروح يصعب دواها
وإلى مشيت اعرف دروبك وممشاك=احرص على نفسك وخالف هواها
أمّارةٍ بالسوء ما هي بتنهاك=اقبض عليها لين يجلى صداها
اقطع نواياها بدينك وتقواك=هلّل وعند الله سريعٍ شفاها
والعين لا تنظر بها من تعدّاك=المحصنه لو تلتفت لك وراها
اصبر على همّك وغمّك وبلواك=عف وتعفف لا يغرّك حلاها
واترك حرام القوت ما هو بيملاك=كل البطون الجايعه ما ملاها
رشفة حلال اتسد جوعك ومضماك=تسوى مشاريب الحرام وغثاها
النار في جوفك وتصلى حناياك=نار الجحيم تزيد للي وطاها
واحفظ لسانك لا يجرك ويبلاك=اخذ الثمينه لو غلى مشتراها
الهرج ميزانك ويكشف خفاياك =كلمة تعيبك لا تبيّن نباها
صون الكلام وصون نفسك ومبداك=للنفس حشمة لا تفصّم عراها
اصمت مدامك عارفٍ سير مجراك=لا تنقل النّمة وتبحث خفاها
يزول قدرك عند أقرب دناياك=لو هو ولد عمّك حياتك جفاها
واحلم تراه الحلم يرفع مزاياك=هو سيّد الأخلاق هو مبتداها
وصّى به المبعوث ما هو بيخفاك=شفعينا يوم الملاقاة طه
خل الجهل لا تجعل الغيظ ياطاك=ترى الجهل سم القلوب وعماها
وإلى ابتليت ارفع إلى الله شكواك=لا بدّها الأيام تكشف غطاها
اصبر يزين الحظ ويزين مرماك=الله يفرجها ويدفع بلاها
لا تمنع المحروم لا من تنصّاك=الناس لأجل الناس وأحسن عطاها
ابذل لوجه الله والله يجزاك=مثل الغروس اتطيب للي سقاها
لا ضاع معروفك ولا ضاع حسناك=إن كانها لله تلقى جزاها
جارك ولو هو جار تسقيه من ماك=عليه لا ترفع يدينك عصاها
أحسن جوار الجار لو كان يشناك=ترى العرب تحشم كلاب اقصراها
بكره يشد ويكتب الله فرقاك=عساه يذكر جيرتك ما نساها
الظلم شين ويجعل النار مثواك=راع الظليمه عيشته ما هناها
فوقك إله العرش عالم نواياك=ينظر قلوب الناس وش محتواها
يسمع بما تجهر وعارف خفاياك=بأمره شروق الشمس ترسل ضياها
هو عالمٍ غيبك وركّب خلاياك=هو خالقٍ فيك العروق ورواها
والضيف له حقٍ إلى حل بحماك=قلّط ضيوف الله وأكرم لحاها
لا تحقر الضيفان واتشح بغذاك=من ما عطاك الله قلّط عشاها
وعليك باللي حزة الضيق يفداك=لا شانت الدنيا ودارت رحاها
لا من زهمته لو على الموت لبّاك=عيني لجل عينك وروحي فداها
ترى الخوي نبراس روحك وملْجاك=لا كلّحت بقعا وزادت غثاها
حذراك من بعض المخاليق حذراك=بعض العرب ما تفرقه من نساها
تايه وضايع بين ذولا .. وذولاك=فيه الجهالة واصلٍ منتهاها

قصيدة للشاعر راشد بن زميع القحطاني

[شامخه بعز ابوهاااا]

وإلى مشيت اعرف دروبك وممشاك

احـرص علـى نفسـك وخالـف هـواهـا

أمّــــارةٍ بـالـســوء مــــا هـــــي بـتـنـهــاك

اقـبـض عليـهـا لـيــن يـجـلـى صـداهــا

شـآعر مبدع وصوته مشاءالله تبارك الرحمن روعه ..


عزوتي دوسريه يسلم ذوووقك على هالذآيقه الرائـعه ..

[عليل المحبه]

صح السان بن زميع
على القصيده والجزاله

ومابه من نصح وتوجيه


دوسريه

تسلمين على النقل
الجزل

[عاليه الاخلاق]

المشاركة الأصلية كتبت بواسطة شامخه بعز ابوهاااا

وإلى مشيت اعرف دروبك وممشاك

احـرص علـى نفسـك وخالـف هـواهـا

أمّــــارةٍ بـالـســوء مــــا هـــــي بـتـنـهــاك

اقـبـض عليـهـا لـيــن يـجـلـى صـداهــا

شـآعر مبدع وصوته مشاءالله تبارك الرحمن روعه ..


عزوتي دوسريه يسلم ذوووقك على هالذآيقه الرائـعه ..

الله يسلمتس يالغاليه وتشرفت بحضورتس

لاخلا ولاعدم

[عاليه الاخلاق]

المشاركة الأصلية كتبت بواسطة عليل المحبه

صح السان بن زميع
على القصيده والجزاله

ومابه من نصح وتوجيه


دوسريه

تسلمين على النقل
الجزل

الله يسلمك يا أخوي وتشرفت بحضورك المميز

[راعية اطيب قلب]

عزوتي دوسريه

ذائقه ولا اروع منها

احتارت احرفي وكلماتي عن وصفك
فقررت الصمت

لا هنتي

اسعدك المولى

[عاليه الاخلاق]

المشاركة الأصلية كتبت بواسطة راعية اطيب قلب

عزوتي دوسريه

ذائقه ولا اروع منها

احتارت احرفي وكلماتي عن وصفك
فقررت الصمت

لا هنتي

اسعدك المولى

يا هلا وغلا تشرفت بحضوووورتس المميز

لاخلا ولاعدم

[king الوادي king]

لا هنتي على النقل وتسلمين

[عاليه الاخلاق]

المشاركة الأصلية كتبت بواسطة king الوادي king

لا هنتي على النقل وتسلمين

ومن قال مايهون تشرفت بحضورك المميز يا أخوي

سلمت

[الغروب]

عزوتي دوسريه

اشكرك على النقل لطيب

وصح لسان الشاعر راشد بن زميع القحطاني