عجاف السنين

[عاليه الاخلاق]

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

للشاعر ...نايـف معـلا العتيبي...

الصاحب اللي ما ذخرته غير لعجاف السنيـن=كيف يتجاهل قـدري وقـدره وحنَّـا فالسعـه
ولا جاه منِّي ما يحتم وقفـة العـذر السميـن=إلا الوقار اللي بصـدري كـان ودَّه ينزعـه
معزَّته عندي كبـر هقواتـي بطلـق الجبيـن=لكن مانـي حايـل ٍ مابيـن عينـه وأصبعـه
له منِّي أدمـح زلَّتـه لا زل والقاسـي يليـن=وإله علي أنصـت لمـا ودَّه يقولـه واسمعـه
حتَّى لو إن اللي يقولـه يبحـث السـد الدفيـن=والله ليبطـي ماسمـع منِّـي كـلامٍ يِجزعـه
إلاَّ ليا من قيل : مادون الحلـوق إلا َّ اليديـن=في وقتها ماهوب مِحرف وجهته ليـن أقنعـه
الله يكافينا الشرور ويا عسـى الدعـوا تزيـن=والله ينجّينا مـن كـروب الزمـان الموجعـه
وأنّا نصير بنعمته مثل الأخوان الطيبين=متكاتفين بصف واحد ماتجيه الزعزعه
مثل الجبال الشامخات بوجه الأعـدا صامديـن=من جاع منهـم وإبتغانـا بالهزيمـه نِشبعـه
ننهل من القرآن ، والسنَّه ، وهدي الصالحيـن=ونمشي ، وقدوتنا محمـد والكـرام الأربعـه
اي والله الصحبه عسى ربِّي على الدنيا يعيـن=ماهيب صحبة نافخين الكير وأهـل المضيعـه
والصحبه اللي غير مبنيه على تقـوى وديـن=ولا على سلـم الكـرام تهزَّهـا أيَّـة زوبعـه
ويا صاحبي مد اليمين إنْ قلت لك مـد اليميـن=لا تآخذك سود الظنون وتصبح أنـت الإمَّعـه
تراك : غالي والغلا ما أنصى به إلا الغانميـن=وإلا الردي : والله لأبيعه لـو ماقالـوا : بعـه
إلي عليك : إنك تدوس الشـك بأقـدام اليقيـن=وإنك تعرف : إنِّي ما أدوَّر من وصالك مطمعه
وإن كان في صدرك عليَّه شي سمَّه واستعيـن=باللي جعلك تذود عـن رد الجميـل وتصنعـه
وعهدٍ علي إنَّك لترضى والرضا كنـزِ ثميـن=أطرد به الضيقه عن الأصحاب واللاش أردعه
وإن كان منته مقتنع مانيب قايل : رحت وين ؟=فجوج ربِّي واسعه وأنـا المقفِّـي مـا أتبعـه
طال العتب وإلا قصر هي كلبوهـا : كلمتيـن=اللي يصد بلا سبـب ماقـول غيـر الله معـه

وسلامتكـــــــــــم

[king الوادي king]

الله الله
لاهنتي على نثل القصيده

[ناثرة الورد]

.. وعليكم السلام ورحمة الله وبركاته ..

{ شُـكـرتي لـروعـهـ الـطـرح
ولا حُرمنا روعهـ جديدكـِ الراقي ..

دمـتي بهـذا التميـز ~

[ِِِAL 3ajmiah]

صح الله لسان شاعرها ...نايـف معـلا العتيبي .. ولساانك يالغلا لاهنتي ~

تسلمين ع النقل والذائقة العذبة ~

[عاليه الاخلاق]

المشاركة الأصلية كتبت بواسطة king الوادي king

الله الله
لاهنتي على نثل القصيده

ومن قال وبيض الله وجهك على المرور

[عاليه الاخلاق]

المشاركة الأصلية كتبت بواسطة ناثرة الورد

.. وعليكم السلام ورحمة الله وبركاته ..

{ شُـكـرتي لـروعـهـ الـطـرح
ولا حُرمنا روعهـ جديدكـِ الراقي ..

دمـتي بهـذا التميـز ~

بيض الله وجهك على التعليق الطيب وجزاك الله خير على المرور

[عاليه الاخلاق]

المشاركة الأصلية كتبت بواسطة ِِِAL 3ajmiah

صح الله لسان شاعرها ...نايـف معـلا العتيبي .. ولساانك يالغلا لاهنتي ~

تسلمين ع النقل والذائقة العذبة ~

ومن قال وبيض الله وجهتس على المرور

[هادي بن فهاد]

لاهنتٍ على نقل القصيدة وصح الله السانك ولسان شاعرها

[عاليه الاخلاق]

المشاركة الأصلية كتبت بواسطة HADI_KW

لاهنتٍ على نقل القصيدة وصح الله السانك ولسان شاعرها

جزاك الله خير ولاهنت