تصميم شركة سبيس زوون للأستضافة و التصميم و حلول الويب و دعم المواقع

مليحة العجمان · #1 24-03-2010, 10:51 PM

طالبتك إن جـت لحظـه وافترقنـا
لا تخلـي وحـدة(ن) تاخـذ مكانـي

ولا تخلي بيـت حــــبــــي اللـي بقلبـك
به تعيش أنثى ولو بضعـة ثوانـي

ومعك أمانه يا بعد حيـي وميتـي
لا جلست بجنبهـا غمـض عشانـي

وأذكر إني قلت لك يا روح روحـي
أنت ملكي بس ما انـت لحـد ثانـي

أنت قلـب(ن) ما انخلـق إلا لقلبـي
وأنت روح(ن) نبعها سال وسقانـي

وأنت لي وحدي ولا كثـري يحبـك
غير قلب(ن) في دروبك لك سبانـي

وكـان وصلـك ياأميـري ماتهيـا
أوعدك ما أنساك لوعمـري نسانـي

وكانهـا الأيـام جـادت واجمعتنـا

والله اني لا أشعـل سنينـك أمانـي

واحتفل بك كل لحظه وأنت جنبـي
وأعزف حروفـي لخفاقـك أغانـي

وأنثر ورود الولـه وأسقيـك لهفـة
خافق(ن) لا غبت لحظه جاك عانـي

وأجمـع سنينـي وأبعثرهـا بكفـك
وأسرقك كلك هنـا بيـن المحانـي

وأفتدي روحك بروحـي ياااابعدهـااا
وأنزع همومـك وأطوقـك بحنانـي

ما أبـي بـرد الهمـوم بيـوم يلفـح
خاطرك وإلا تجـي لحظـه تعانـي

هاااات همك في وسط جوفي وصبه
وكان به غيره تعال وصـب ثانـي

وأعطني قربك وأنا بعطيك عمـري
وأهدني لحظه وخـذ كلـه زمانـي

يا أمنيـة عمـري إذا قالـوا تمنـي
ويا أصدق انسان(ن) بقلبه احتوانـي

ويا ملاذي لا بكيت وضاق صـدري
ويا وطن عمري إذا عمري جفانـي

يا حنـون القلـب يا تاجـي وعـزي
بك نسيت الناس والغيـت الموانـي

يا هلي وناسـي وكلـي يا حيااااااتـي
ويا حواسـي كلهـا دون انقصانـي

بك تشوف العين وأيضا فيك أسمـع
وبك أحس الكـون أفـراح وتهانـي

صرت أحس أمك هي أمي بس يفرق
إن ولدها ماهو من جملـة إخوانـي

آآآآه منك يا ولدهـا كيـف روحـي
سلمت لـك نبضهـا حـب وتفانـي

وكيف قلبي عاف كل الخلق لجلـك
وصار لجلك مجرم وأيضـا أنانـي

أيه مجـرم ما يبـي غيـره يحبـك
ولا يبـي عينـك يشوفـه مودمانـي

وأيه أناني ما يبـي فيـك يتشـارك
مع بشر بالكون لا قاصـي ودانـي

وايه أحبك وما أعيش بدون وصلـك
وايه أموت أموت في بعدك وأعانـي

وايه كلي فدوتك مـن قلـب أقولـه

بس تكفى !!!!!
لا يجي غيـري مكانـي