اقرب واحد(محاوره)

[هوصان]

بيض الله وجهك ياوريث المجد

شاعر ومبدع ولي الشرف يوم العب معاك

ويسلم متــــــــــــــابع



سبحانك اللهم وبحمدك اشهد ان لااله الا انت استغفرك اللهم واتوب اليك

[هادي بن فهاد]

لاهنتوا لاهنتوا



وكلكم وافين وصح لسانك يا هوصان وصح لسانك يا وريث المجد

تحياتي لكم

[someone]

صح الله السنتكم

[وريث المجد]

عسانا ما غلطنا وانت لك حقٍ ولك مقدار = ولاادري انك اموالي لنصرالله وسستاني
ولكن علتك عله ولادكتور ولا عطار = علومي جبتها وضح النقا لك وانت قوماني

صح لسانك وبيض الله وجهك يا هوصان

شاعر جزل واتمنى لك التوفيق

[وريث المجد]

وشكرااا لكل من تابع

[هادي بن فهاد]

الله الله




الله لا يهينكم على ذالملعبه الجزله

[ابوعبدالرحمـن]

هوصان

بدينا واسـتعنا بالكريم الواحد الغفار = عسى فـــعلي يترجم مايقوله منطق لساني
وانا شبيت لي ناراً تبي تمشي على الشعار = ياكود الي يجنب ماتولع فيه نيراني

وريث المجد

هلا بالشاعر اللي حط بيته ثم عقبه طـار = فرك يبغي يشوف الرد وعقب الرد يلقاني
وانا مسلم وأجنب كل كافرٍ مـن الكفـار = ولكن لاتهور وإحرص من الذيب سرحاني

هوصان

وراك تطول المدة وراك تملل الحضار = ولاكن من حضر مبطى على ماقيل يفلاني
مدامك مسلم ومومن ومن ناس ورجال اخيار = علامك ماتصلي بالجماعة يالعريباني

وريث المجد

هلا بك يا عميلي والتهايم ما تجيب الثار = حضرت آخذ معك شوطٍ يلهيني من أحزاني
ولو اني محرّم لعبت الطاروق غير إجهار = لكن الله ومرني نطحت الشاعر ورى الثاني

هوصان

وش الي يحزنك ياصاحبي وانته تشب النار = عسى ماهو من الي بالفعايل ينجب الــــعاني
تقوله وانت ماشفناك يالمطنوخ فــ الخبار = ولاكن حضر شهودك وانا بعطيك برهاني

وريث المجد

تقوله وانت ماتعرف قبيلك يا غريب الـدار = تحسب الناس مثلك تطرد الأزوال وتعانـي
بلايه من صروف الوقت و أفعالٍ من الفجار = يسبون الشيوخ ويرتضون الشرك بالعانـي

هوصان

اقوله يوم اشوف الرد يالمحزون راح ايسار = تعلقله طريقاً يعدم العربان من داني
كثير الشك يمكن ياصحيبي يلفت الانضار = وتصبح معرفتنا يارفيع الشان مجاني

وريث المجد

عسانا ما غلطنا وانت لك حقٍ ولك مقدار = ولاادري انك اموالي لنصرالله وسستانـي
ولكن علتك عله ولادكتـور ولا عطـار= علومي جبتها وضح النقا لك وانت قوماني

ـــــــــــ

هوصـــان & وريث المجد

صح الله ألسنتكم

وأمتعتونا فالمحاوره الجزله

وفي إنتظار جديدكم

:

[نسل يام]

صح لساااانك يا هوصان

صح لساااانك وريث المجد

لاهنتوا على المحاورة الجزلة.