مصافحة أولى ( فقدانها )

[علي الشهي]

بسم الله الرحمن الرحيم

السلام عليكم ورحمة الله وبركاته .

يسرني ويشرفني ان اتواجد بينكم في هذا المنتدى المتميز

كما اشكر الاخ سعود الخويطري على الدعوه .

واعتذر منه كثيرا .


صلوا على النبي :

= الصدر ضيق والعرب ممسين والدعوى : لهيب
= وقلبي لو أنه من حديد ايذوبه [ فقدانها ]
=جريت صوتي من بلاي ولا لقيت أحد " يجيب
= ماغير أردد : يا إلاهي افرج علي أحزانها
=البارحه / يامثقل البارح وأنا جرحي عطيب
=أحاول أنكر ماحصل وأنكر لها نكرانها
=حدتني § للفرقا § وأنا من طاري الفرقا أهيب
=ولا صحيت الا وأنا متوسد " هجرانها
=ياوجدي لعين " من الخلان ذابحها النحيب
=والله يصبر كل < عين " > فارقت خلانها
=يالله طلبتك يا آلاه الكون يالفرد الرقيب
=تفرج على نفس " من الضيقه يعن أحصانها
=مافيه : أقسى منك ياظلم البنو العم القريب
=الا : فراق أم العيون اللي ذبحت هيمانها
=ولا أمر من الغدر : { الا أنك تفارق حبيب }
=وتشوف روحك ميته من غبنها وخسرانها
=من بعدها : كن الفضا اللي كان بعيوني رحيب
=< غرفه > يضيق صدر راعيها وحش جدرانها
=ياصاحبي / يانصفي المفقود / ياوحي الأديب
=يا أحلى { قصيده } مايليق بها سوى [ ديوانها ]
=يامن بقبلتها تشرق الشمس وبالفم المغيب
=يامن لها / ولعينها / يزهو بها < فستانها >
=تعبت أمنيها كذا { يا أنها تصيب أو هي تخيب }
=والهم يأكل من ضلوعي لين بيح شانها
=مبطي أعدك : راس مال / ومال / وآمال / ونصيب
=و < دمعه > ولكن من غلاها مانزلت بأجفانها
=يابري حالي / ياعذابي منك / أو يا شق جيب
=وياكي كبدي / وياشقا نفسي / ويا حرمانها
=هديت حيلي وشاب راسي قبل ماسني يشيب
=وشبيت ضوك في ضلوعي وأحرقت نيرانها
=وأرويتني من علقم الفرقا وجرح " مايطيب
=وخليت نفسي : من خسايرها تعض أسنانها
=كنت أحسب : أن الحب لا غابوا هله معهم يغيب
=وأثره مثل سود الجبال امثبته بأركانها
=قولوا لها : لو أن ربي خالق " بي { ألف عيب }
=ماشفتها - لكن هيه < تقدر > و بأمكانها
=تشوف عيبي / واتعصمني عنه / وتلقاني امصيب
=ولا تخليها كذا : [ متعقده حجانها ]
=لو أني أدري أني ردي باقولي لي : ياقطع صيب
=يالشجره اللي من ردها { ماتظل أغصانها }
=بس أدري أني : من ضنا قوم " يضدون الحريب
=وأفعالهم يبقى على وجه الزمن عنوانها
=الكلب لو يقنب أبد لا يمكن أنه يصير ذيب
=وما تنبني أمجاد قوم الا على شجعانها
=وقولوا لها : حتى وقلبي من سبايبها صويب
=مازلت أغليها / وأقدر ربعها / وأخوانها
=وقولوا لها : ان كان الخطا يودي الظن ويجيب
={ يالعنبو شيطاني / ويالعنبو شيطانها }
=وقولوا لها : أني من بعدها عايش " مثل [ الغريب ]
=ماله وطن / ويموت لا شاف العرب بأوطانها
=وقولوا لها : أن < جوالي > اللي كان لي { أغلى صحيب }
=ابغضته وماعاد شلته من بعد فقدانها
=وقولوا لها : أن نفسيتي شانت وأن وضعي < كئيب >
=وأشوف { بقعاء } كل ليله وهي تخيط أكفانها
=وقولوا لها : عن جرح ماتلحقه أيدين الطبيب
=وعن حال نفس " ماتفيق : الا على نقصانها
=وقولوا لها : لو ضاع دمي بين [ طلاب / وطليب ]
=الله يعفو عن خطاها / ويغفر عصيانها
=وقولوا لها / والا بلاش / اهي تعرفني ولو أغيب :
={ يبقى غلاها هو غلاها / وشانها هو شانها }

وسلامتكم

[عبدالله ابوعجيم]

صــح لسانك

[علي الشهي]

صح بدنك ياعبدالله . والله لايهينك على المرور والمشاركه . تحياتي : اخوك / علي الشهي

[بندر العجمي]

مبدع ياعلي ولايستغرب منك الابداع


صح الله لسانك والله لايشينك


قصيده اكثر من رائعه


اخيكـ

[وافي بن وافي]

اللهم صل على محمد وعلى ال محمد اررررحب ياعلي الشهي لاهنت وصح لسانك .. لك مني أجمل تحية .

[فزاع]

صح لسانك يا علي

وكلمات مؤثرة بيض الله وجهك يالقرم.

[نوفاتي]

صح لسانك بلا عدد

بيض الله وجهك

[ناصر آل ذروه]

حياك الله بين ربعك واخوانك

وانا عجبني النفس الطويل في سرد القصيده وهذا شد انتباهي واعجبني بصراحه

وايضا شد انتباهي كثر الواو اللتي تسبب رك في البيت وااااضح

وايضا كثرة (ان ) في كثير من الابيات لو شلناها لكان البيت سليم من ناحية الوزن فمال وجودها داعي سوى مضايقت الكثير من الاشطر

ارجوا انا يتسع صدر الشاعر للملاحظات

واخيرا صح الساانك وملاحظاتي لم تاتي سوى بعد هذا الكم الشعري الرائع

وهنا اقتبس من بعض جمال هذا النص


من بعدها : كـن الفضـا اللـي كـان بعيونـي رحيـب
< غرفـه > يضيـق صـدر راعيهـا وحـش جدرانهـا
ياصاحبـي / يانصفـي المفقـود / يـاوحـي الأديــب
يا أحلـى { قصيـده } مايليـق بهـا سـوى [ ديوانهـا ]


تقبل تحياتي

[علي الشهي]

المشاركة الأصلية كتبت بواسطة بندر أبن خضير العجمي

مبدع ياعلي ولايستغرب منك الابداع


صح الله لسانك والله لايشينك


قصيده اكثر من رائعه


اخيكـ

الاخ الغالي بندر

اشكر لك تواجدك ومرورك الكريم .

صح بدنك والله لايهينك ياكحيلان .

اخوك / علي الشهي