موضووووع المليون رد....التحدي

[شموووخ عجميه]

موضوع المليون رد........!!!!][ التحدي ][
السلام عليكم ورحمة الله وبركاته

مارأيكــــم ان نبدأ من اليوم موضوع المليـــــــــــون رد..

أن شاءالله مايكون مكرر

( ابي مليوون رد بالصفحة واٍن شاء الله بنوصل )


اكتب

اي تعلـــيق..


حكـــــمه


مقــــوله


خبــــريه


فكاهـــه


شعــــر


خاطـــره


نصيحـــه


اي شي (اي شي يخطر في بالك).





فالنجعلها هدفنا اللذي نسعى اليه..

وانشالله يتحقق..

بتعاوننا قد نصل اليه..

قد يعلمنا هذا أشياء جميله جدا..


الصبر..

و

التعاون..

وشيء آخر..

انجاز لمنتدى قبيلة العجمان


شرايكم بالفكره ؟؟؟

حيييل أعجبتني وحبيت أنقلها...وأنشاء الله أحصل تفاعـل..

.

.

.
__________________
شمــ عـــــجــــمــــــــــيــــــــــه ــــــــــوخ

[شموووخ عجميه]

أبداناواتمنى نقل الموضوع للمجلس العام
لي قلب
مايحقدولايحسدولايغتاب
لأن الناس من تخطي لهارب يجازيها
ولااندم على البايع ولااحزن على اللعاب
وناس ماتقدرني اطنشهاواجافيها...

شمـــ عــــــجــــــــــمــــــــــــيــــــه ـــــوخ

[فلاح بن فهيد]

يا مـا حلا الفنجـال مـع سيحة البـال---فــي مـجلسن ما فيــه نفس(ن) ثقيـله

هـذا ولــد عـم وهـــذا ولـد خال---وهذا رفيق مـا لـقـيـنـا مـثـيلـه

يـا لـيـت رجـال يـبـدل بـرجــال---ويا ليت فـي بــدلا الـرياجيل حيله

يـا بـو هـــلا طير الهوى خبث البال---الطـيـر نـزر والـحـبــارى قـليله

يـا الله يـا الـلي طـالبه مـا بـعد فال---يا اللي مــن الضـيـفـات نجى دخيله

أفــرج لـمـن قـلبه غـدا فيه ولوال---والنوم ما جـــــا عـيـنه الا قليله

لا مـن ذكـرت ارموس عصر لنا…زال---شـوف الـفياض وفقد عـــز القبيله

يـا زيـن شدتهـم آليـا روح الـمـال---يتلـون بـراق حــقــوق مـخيلـه

يســقـى خصيـفا والثمان أرضها سال---مـرتـع معطره السيــــوف الصقيله

عـجـمـان لا ركـبـوا على كل شملال---يفرح بهم راعـــى الـنـياق الهزيله

مـن جــو سـاقـان إلى السيف همال---وينوش حسنــــا والـرديـفة هميله

ولا قــادنـا مـن يـمـه الـقفر خيال---يـصـبح شديد البدو عــــجل رحيله

قــاد السـلـف واستجنبوا كل مشوال---والعصر يا محـلا تخيبـط نـزيــلـه

وإن شرف البادي عـلى روس الأقـذال---والـمـا كـثـر الـــزول زود جفيله

تـلافـحـت مـا بينــا شهـب الاذيال---ومن ضيع الـــمفتاح يـا عـزتى لـه

ركـبـوا على طوعاتهم كــل عيــال---وكل لبلج يحـرى بـكــــسب النفيله

تـغانـموا المـفزاع ذربيـن الافعــال---مـن قبـل تسبق غارة تنثنـــى لـه

يبغون طوعـه روسـهن قبل الادمــال---وتـغانمـوا خلف كــثـير هـجيلــه

وحال الكمى مــن دون عطرات الاجهال---ومروا ولحقوا مقحــمين الدبيلــــه

واللــى تريض عقبهم يلبـس الشــال---من صنــع داود دروع ثقيــلــــه

يلزم عليهم علة عـقب الانـهــــال---ومن غارته لـزم يـضيع دليـــلــه

والدم مـن قحص الرمـك يثعل اثعــال---يزعج عــلى وروك السبايـا وشيــله

هـذى براعيها مـن المعرقه مـــاله---وهـذى شكـلها مطرق مــا تشيــله

من وقـع كـل مجرب قدله افـعـــال---وفـروخ صـاد الحبارى فـصيــــله

ولـيـا ركبنا فوق عـجــلات الازوال---وبايمنـا حـدب السيوف الصقيلــــه

ومـا حـن نحسب لا شتـبك عج واكتال---وتـرك صـبى يفتنع بالفــشيــلــه

وصلاة ربي عـد مـا زايـــــل زال---على نبى الحـق راعـى الفــضيــله


وسلامتكم



هذي من احلى قصائد

الشيخ و الشاعر والفارس . . . ألخ : راكان بن حثلين : أمير قبيلة العجمان

وكل الشكر لش على الموضوع الرائع

[EmpeRoR]

السلام عليكم ورحمة الله وبركاته :
كل الشكر للأخت شموخ على الفكره الرائعة..
وهذي قصيدة لابن فطيس(المحيط الهادئ) أحب اسمعها دائما واكيد انكم تعرفونها..

غيبتك لو هي دقيقـه تعتبـر صـدّها !!! لوقت دونك سجن وغيابك اسياجـه

لا تعتذر لي ترى ماعـاد فـي شـدّه !!! اعيد حكي ٍ يكود الصـدر مخراجـه

دامه يوصف بجـود ابيـك وبجـدّه !!! وشلون تبخل على المجـروح بعلاجـه؟

ووشلون قاوااك قلبـك رده وصـدّه !!! مع انه بيّن عليـه الضعـف والحاجـه

ياقـو قلبـك بـرد ايميـنـك وردّه !!! بخلت بمصافحـه وارهيـت بحراجـه

لو ماسقى غيم عينه جرهـدي خـدّه !!! تـراه يبكـي وقلبـه يلحـق اخلاجـه

ولو شفته يمازحك تـراه مـن جـدّه !!! الضحك عن درب ضيق الصدر ماعاجه

غير الغلا والولـه عليـك وش حـدّه؟ !!! يـادرب ليلـه ويامسـراه وسراجـه

كنّه يعرفك قبل يلقـاك مـن مـدّه !!! مع ان مابينـك ومـا بينـه امواجـه

هواك بـدو ٍ نـووا للقلـب بالشـدّه !!! ورياض قلبي لشوف البـدو محتاجـه

والوصل..بحر ٍ متى انت بتسمح ابمدّه !!! السيف صبري وبحرك شـح بامواجـه

قصيدي اللي قريتـه واللـي اعـدّه !!! قديـم لا يزعلـك معنـاه واخراجـه

وفراغ قلبي غلاك ارهى علـى سـدّه !!! ليتك تشوف الغـلا وابراجـه وعاجـه

اقوى رياح العذل مـا تقـدر تهـدّه !!! والا الجفا لـو تنفـس هـدم ابراجـه

تغانـم الوصـل لـن البعـد لابــدّه !!! ياتيك في يوم ثم ياخـذك بادراجـه

اللي لي انك تليـن وتتـرك الشـدّه !!! واللي لك اني ما سولف بك لهراجـه

ولاني بزعلان واللـي نرتجـي مـدّه !!! يا بـاب قلبـي ويـا قفلـه ومزلاجـه

زعلة تغلي ومـن تزعلـه مـن قـدّه !!! ما دام كل ٍ يبـي دربـك ومنهاجـه

غالي وتبخـل علـي وتطّـول الصـدّها !!! لله يسامـح غـلاك ويلعـن الحـاجـه

وسلامتكم...

تقبلوا تحياتي....

[!!قطـ المري ـر!!]

صدق من يقول ان المراجل صروح جبال ..
وعشاقها تطلع قممها بلاا سالم ..!

[فـهـيـد الــHــتــلانــي]

ياشين ناس(ن) ماتعرف المواجيب ..
وجبتها صدت ولا وجبتني ..
الطيب يجزا ياهل الطيب بالطيب ..
لكن سودان الوجيه اجحدتني ..
ماجيت ادور من وراهم مطاليب ..
والله ماغير العلوم أغبنتني ..
ولاجيت ابين طيبتي للأجانيب ..
ولاني مجاوبها لو أنشدتني ..
معروف ساسي مادنس ثوبي العيب ..
يومي وغد مافي ناس(ن) أحقرتني ..
هذا كلام الشاعر عبدالكريم الجباري الشمري
وكل الشكر اختي الكريمه على الموضووع وتقبلي مروري ...

[ليــه يازمـــن]

مشكوره على الفكره الجميله وإنشالله نكسر حاجز المليون ولك أجمل تحيه

[تــــــــــلاب]

و اذا كسرنا حاجز المليون وش يصير؟

[تــــــــــلاب]

سلام رديّه علـى منهـو حضـر = على جميـع كبارهـا واصغارهـا
ياللي سرى ليلك على نور القمـر = قصايدك ما قلت ويـش اخبارهـا
يا مقلّط الدلّه علـى جـال الجمـر = عزّ الله انك مـا ظبطـت ابهارهـا
ياللي بغيت العلـم منّـا والخبـر = جتك العلـوم طوالهـا واقصارهـا
حنا ترانـا اللابـه اللـي تفتخـر = عند الخوي والضيف والا جارهـا
اهل القنازع باللقا واهـل الظفـر = لا ثـار بالميـدان عـجّ امهارهـا
مثل السحاب اللي على الوادي حدر = سيله اذا جا القاع شال احجارهـا
يوم الفشق كنّه مثل وبـل المطـر= من مزنةٍ ترعـد وتقـدح نارهـا
كم شيخ قومٍ قد نواهـم وانكسـر = خِلّي نهار الكون وسـط اغبارهـا
لعيون من غطّت نحرهـا بالشعـر = من زينهـا مـا هدّهـا حجّارهـا
وان طوّحت بالصوت ياطون الخطر = لا حنّت الخلفـه وحـنّ احوارهـا
تاريخها يشهد لهـا طـول الدهـر = كلٍ سمع فـي طيبهـا واذكارهـا
هذا قليـلٍ مـن كثيـر ونختصـر= ياللي بغيت علومهـا واشعارها

سلااااااام رديّه على يام العريقة و آل مرة خصوصاً

[شموووخ عجميه]

المشاركة الأصلية كتبت بواسطة ليــه يازمـــن

مشكوره على الفكره الجميله وإنشالله نكسر حاجز المليون ولك أجمل تحيه

الجميل تواجدك وان شالله نوصل مليونين<<<<في الحلم ههههههههه

شــ عـــــــجـــــــــــمــــــــــيــــــه ـــــــوخ