تكفون ياحفاظ الشعر أبي أنشدكم

[fms]

في قصيدة على قناة البوادي جره ربابة مطلعةالقصيدة يقول الشاعر

وسم بكور يبشربه هل الناقة
سيلة يشق الطعوس الحمر له عامي


أبي من قايل هذي القصيدة
وأبي القصيدة كامل لو تكرمتم

ومشكورين

[تــــــــــلاب]

ودي اساعدك بس ما عندي علم

[مسعطر]

مرحبا و مسهلااا اخوي fms ,, و عذراً على التأخير ,,

والقصيدة هذي حصل و ان ارسلها لي احد آل عايد الكرام ,, و الشاعر عمّه ,,


حسب ما وصلتني :

لا شفت نوّ ً عريض و شفت برّاقه=و جا للرعد في مقاديمه ترزّامي
وسم ٍ بكور و تباشربه هل الناقة=سيله يشق الطعوس الحُمر لا عامي
لا شلّعو خلّو الشاوي على الساقه=يبغون نبت الوسامي قبل الاغنامي
عيني لـ /شوف الفجوج الخُضر مشتاقه=فيه ام سالم تجر الصوت قدامي
و معنا اشقر ٍ لا طلع هدّيت مسباقه=و اومى عليهن يهز الريش لزّامي
و الجيب مع ساقته يجلده سواقه=و الخرب من قو ضربه طاح ما قامي
غيره طيور ٍ ترد الشرد لحّاقه=لكن طبع الوحش نزر ٍ و حوّامي
راعيه من شين طبعه ضيّق اخلاقه=ليته قعد عندهم ما جابه الشامي
طير ٍ نحبه و طير ٍ نبغي إفراقه=من جنبه عايفه مهوب ينلامي

و سلامتك و صح لسان بن عايد ,,



اتمنى اني افدتك ,,

فمان الله ,,