مبداي باللي للصعيبات حلال = اللي بعبده فالمواقف رحومي

[فرج بن غليس]

مبداي باللي للصعيبات حلال = اللي بعبده فالمواقف رحومي
خليل يالممدوح ياذرب الافعال = جيتك على شانك قوي العزومي
كمن عديم جاك لاحده الجال = أصبح من الدنيا خلي الهمومي
بنصاك ياللي للثقيلات شيال = انصاك يالممدوح جعلك تـدومــي
جيتك وانا كني على لاهب اللال = كني على جمرن تلـوفه سمـومـي
يفداك منهو ميل البشت وعقال = اللي تمادى في طريق الرخومي
ويمشي مع درب المهابيل بهبال = وهو يحسبنه شيـخ والبوم بـومــي
ولاكل منهو ينقل السيف خيال = ولاكل شيخن في الصـعيبه يقـومـي
رجلن مباديه كما شمس وهلال = ورجلن مباديــه مقابيس نــومـــي
ولانيب راعي كلمتن اطلب المال = ولانيب لاحـزبي ولانــيب قــومــي
اشكي عليك الحال من قل الاعمال = قدلي ثلاث سنين والــرجــل تومــي
انا اشهد انك في الملازيم رجال = تقظـــي لــزوم مدوريــن اللزومــــي
وانا لزومي فيك ياطيب الفال = لاهــــوب لاكــايــــد ولابمــعــدومــي
ابغي بجاهك كلمتن تطرب البال = وانخـاك يالممدوح زعـــيم القرومــــي
طلب وظيفه قالها بالتمثال = الشاعــــر اللي فـي زمــانه ثلومــــي
وانت لبني عمك كما في وظلال = وانته ذراهـــم من لهــوب السمومــــي
هذا وصلى الله عدد سايلن سال = وعــداد مــاخــط الــقــلم بالــرقــومـــي

هذه القصيده قلتها في المقدم (( خليل مبارك سمير العصيمي ))

ما قصر...بيض الله وجهه

[تــــــــــلاب]

الله الله و يستاهل العصيمي و صح لساااااانك يا ابن غليس على القصيدة الجزلة

تقبل تحياتي

[فرج بن غليس]

صح بدنك ولا عليك زود \وشكران على المرور

[سعود الخويطري]

بنصاك ياللـي للثقيـلات شيـال = انصاك يالممدوح جعلك تدومـي
جيتك وانا كني على لاهب اللال = كني على جمرن تلوفه سمومـي
يفداك منهو ميل البشـت وعقـال = اللي تمادى في طريق الرخومـي
ويمشي مع درب المهابيل بهبـال = وهو يحسبنه شيخ والبوم بومـي


الله الله الله




صح الله لسانك يـ فرج بن غليس الرزقي




والعصيمي يستاهل كل علم طيب وسلمت يمناك





لكن القصيده محلها ترا بـ الشعر النبطي ( قصيد الاعضاء ) وليس بـ عيون الشعر ( القصيد المنقول )



وتقبل سلامي واشواقي

[فرج بن غليس]

صح اللة بدنك يالاخ سعود الخويطري وشكرك على المرور وشكران على هاذهي الملاحظه والقصيده
نقلتها ب لشعر النبطي \ قصيد الاعضا \