من الأيام مدري ويش حشنـا=على طاري ياقلبي ويش حشنا
أحاسيسي من اللهفـه تغنـي =وحشنا الشعب والقايد وحشنـا
سلام الله علـى رمـز القيـاده=أميـر ٍ عمـر الـدار ونعشنـا
تعرشنا الدول من كـل ديـره=لكن من يوم جا محدٍ عرشنـا
بسط أفضال جنحانـه علينـا=مخاليبـك عطيبـه ياوحشنـا
لكن ياسيـدي والعلـم الآخـر=أنا عجمي من العجمان وأشنـا
كلام ٍ ينتقـض قـدري فعينـك=خرش خبلان الأرض وماخرشنا
خبش الأجناب ماجبنا خبرهـم=ولا جبنـا خبركـم ياحوشنـا
لو إن بالحبشه عجمي ٍ جلاوي=كسر سوق النجاشي ياحبشنـا
وانا أمثل قبيلـه مـن قبيلـه=يطفشنـا الزمـان و ما طفشنـا
((قبل عبدالعزيـز وحكـم جـدك=يوم إنا بدو نقطن في عششنـا))[1]
مـع الحاكـم لا قدمنـا يدينـا=لو تكوش العرب قهرن ماكشنا
وإلى دقت طبول الحرب جينـا=قبل ما تغبش الورقـا غبشنـا
ياكـم ليلـه تعزوينـا عرايـا=لك الله سترنا خصله كششنـا
بدا راكان ابـن حثليـن فينـا=و ناش من الفخر بيده ونشنـا
وإلى من عنّها والـدم فايـض=ماكثرنا العلـوم ولا ارتبشنـا
ولا قلنـا ياراكـان اذكـر الله=وردنا الجم وأروينـا عطشنـا
ولا نرضى من الحاكـم مذلـه=نبادله العدل وإن طاش طشنـا
لو إن بندقه مابيـن المحاجـر=تثور مـن المعـزه مارمشنـا
وبنادقنا ما تقدح فـي (خباهـا)=ومواترنا تصلّح فـي ورشنـا
لكن الوقت ملعـون الصلايـب=بلشـه الله ويـدور بلشـنـا
يعيّـرنـا وحـنـا مانعـيـر=رجـال ٍ ماحسبنـا لا بطشنـا
على سطح القمر نركز بيـارق=وغصب ٍ من على الحكام عشنا
وترى عقالنا وسط المجالـس=على الشده جسيـره ياخبشنـا
وسلام الله على رمـز القيـاده=أميـر ٍ عمـر الـدار ونعشنـا
صح لسانك يا@متعب@ واشهد انها قصيدة بطرانه.. شاعرها متمكن جداً .. لكن! البيت اللي رقمته انا بـ [1] اشوف ان فكرته خطا .. العشش ..! من وين جاو البدو للعشش ..!!
بس بشكل عاااااام قصصصصصصصصيدة بطرانه و صح لسانك مليون و لسان شاعرها مليون .. الا على طاريه .. منهو شاعرها؟ و تقبل تحياتي و تقديري..