حمد هادي المسردي.معجزة الشعر الشعبي..!!

[سعود الخويطري]

قراءة في أوراق شاعر

حمد هادي شاعر المعاناة.. سطر أجمل الروائع الشعرية

إعداد - بكر بن هذال المسردي ::

الشعر الأصيل، يحفظه جيل بعد جيل ويبقى في صدور الرواة وعقول الرجال، ويكون حديث المجالس، والمتحدث الأول عن هموم المجتمع وقضايا الناس، ولا شك أنه يخلد اسم صاحبه..الشاعر الراحل ( حمد هادي المسردي ) من الشعراء الشعبيين المبدعين الذين برعوا في كتابة القصيدة الشعرية بكل اقتدار وتفنن حيث يتمتع هذا الشاعر الفذ بموهبة قوية استطاع من خلالها أن ينسج أجمل الكلمات، ويصوغ أحلى المعاني، فقد طوع أصعب القوافي، وعاند أعسر البحور الشعرية حيث استخدم فيها كلمات كثيرة في البيت الواحد مثل قصيدته في وصف (الطائرة) ذات البحر الطويل، التي نالت على اعجاب الكثير من هواة الشعر الشعبي.
كتب لأمجاد الوطن، كتب للمعاناة، كتب للحكمة، كتب للنصح والإرشاد، كتب لكل أبواب الشعر، وذلك بإبداع وتميز.
وبالرغم من أن الإعلام لم يخدمه كشاعر إلا أنه يعتبر أحد أعلام شعر النظم والمحاورة على مستوى الخليج العربي فاشعاره تمتاز بجزالة الألفاظ ومتانة الأسلوب، وسهولة الحفظ، وكان - رحمه الله - يمجد قريته (جاش) مسقط رأسه وبداية انطلاقته الشعرية ويذكرها في معظم أشعاره الجميلة.
وكان كثير الأسفار حيث طاف أنحاء دول الخليج العربي، وحاور جملة من أبرز شعراء المحاورة منهم على سبيل المثال أحمد الناصر الشايع، خلف بن هذال العتيبي، رشيد الزلامي، فهد المحيشير وغيرهم الكثير، كما جرت بينه وبين أخيه الشاعر فلاح العديد من المحاورات منها:

فلاح:

يالشاعر اللي تحيي الحفلات لا طبيتها=كم ليلة يمسون خلق الله وعينك ما تبات
لا شفت لك حفلة فرح عرس يولع ليتها =طبيتها بنشدك ويش الفايده من ذا السوات

حمد:

ما كل حفلة شفت كهربها يولع جيتها=كم حفلة ما زورها لو كتب لي عشر دعوات
يا كم وكم حفلة فرح لاعدها ما حصيتها=أرفض طلب دعوات أهلها إلا لبعض مناسبات

فلاح:

ما نيب أسالك كم دعوة لبيتها=أنشدك وش الفايدة عجل وهات الرد هات
ويش استفدت من الملاعب طول ما حظيتها=يوم أنت واقف كل ليل بها عيونك ساهرات

حمد:

ربعي ليا جا عندهم حفلة فرح عزيتها=دام الصفوف وقوف برسي كالجبال الراسيات
وان كان جاهم زلة من شاعر استقضيتها=والفايدة بدع القصيد الطيب اللي له طرات


ويعتبر حمد هادي من الشعراء الذين عانوا بالفعل كثيراً في حياتهم من جور الزمن وتقلباته، فهو شاعر معاناة في جميع الأحوال، حيث عانا الكثير منذ نعومة أظفاره، وأول أبيات شعرية نظمها في حياته كانت وليدة معاناة حقيقية، فعندما كان صغيراً لم يتجاوز عمره الخامسة عشر أجبره أهله على رعي الغنم، فأنشد هذه الأبيات التي تدل على موهبته الشعرية النادرة فقال:


سرحوني بالغنم عشر وثماني=ثامن الفرقه طفيل يرضعونه
عرضوا فوق النظا ما واعدوني=عندهم يا ناس حق يظهرونه


وقد تحدث أيضاً من خلال أشعاره النادرة عن هموم الحياة، ووصف الرجال، والدنيا، والسفر والترحال، فهو قد تجر مرارة الدنيا:




يا الله يا عالم خفا كل مكتوم=يا مطلع فيما تكن السراير
يا واحد فرد صمد حي قيوم=يا للي بتدويرك تدور الدواير
يا الخالق اللي بيدك الأجل محتوم=يا خالق ابن آدم شعوب وعشاير
يا الدائم اللي ما حد ٍغيرك يدوم=والخلق يفنى للبعث والنشاير
أنت الذي تعلم بما ليس معلوم=وما لا تريد يصير ما هو بصاير
والرزق من عندك مقدر ومقسوم=ومدك يعوض عن جميع الخساير
يا كاشف الكربات عن كل مضيوم=يا عالم مكنون غيب الضماير
الطف بحال اللي جفى عينه النوم=يسهر كما يسهر كسير الجباير
لي مدة عن لذة النوم محروم=أسهر وكن بحاجر العين عاير
حتى غدا حالي كما حال مهيوم=من كثر ما تمسي عيوني سهاير
من جور دنياً بان منها لي ثلوم=قامت تجرعني بكاس المراير
وأضحك واجامل كن ما نيب مهموم=والصدر وسطه مثل ضو السعاير



وقد اشتهر - رحمه الله - بمحاوراته الجميلة التي تهتز لها الصفوف وقوافيه الساحرة وأبياته الهادفة مما جعل الكثير من الناس يحفظونها وصارت أمثالاً تردد داخل المجتمع


اشهد أن من يفعل الجود في من لا يجود=مثل من حجج على غاربه ذباح أبوه


وقد قرأت له من ضمن أوراقه الشعرية قصيدة تتحدث عن الوجد:



يا لج قلبي لج سرب من الميراج=ليا أصدر لأوامر قايده واعلن الغاره
مع الفجر الأول عاد ضوح السفر ما أنباج=تحرك وتعداده ثلاثين طياره
ويا والله اللي غلق الصبر ما يحتاج =ولو كان عيني بأول الوقت صباره
هواجيس قلبي بالدقيقه تجيه افواج=وعيني شقاويه والافكار محتاره
تخالف همومي مثل ما تختلف الأمواج=على شاطي ما بين فرضه وعباره
توارد وترد القلب من كل فج وفاج=وتقبل كما أمواج مع ريح صرصاره
ليا أشتد صلف النود والبحر هاج وماج=تسوقه على الشاطي عواصيف جباره
غريب ومشتاق وشفق على المنهاج=وسود الليالي تخلف الظن غداره
وجودي على شوف المحبين يا فراج =وجود الكسير اللي دنو منه بجباره


وكان حمد هادي في آخر حياته يلقي الكثير من قصائد النصح والإرشاد والتوبة واقسم في أحد تسجيلاته الصوتية بأن لا يسجل قصائد الغزل حتى توفي في مدينة الدمام عام 1412هـ عن عمر يناهز الخمسين، وقد رثى نفسه بقصيدة مؤثرة وهو على فراش المرض منها اختار هذه الأبيات :



أشوف الموت حي في شليلي=ولو نفسي بعد يقرع نسمها
أنا مني دنا الموت المزيلي=تمركز فوق الأنفاس وكتمها
وأنا حالي ثوى وأنهد حيلي=وأنا حالي لحا اللاحي لحمها


وبعد هذه الرحلة الطويلة لشاعرنا حمد هادي - رحمه الله - ترك لنا تراثاً شعرياً خالداً في نفوسنا لن تطويه صفحات الزمن، فقد كان أحد رموز الشعر، وسطر أجمل الروائع الشعرية.

منقول من

جريدة الرياض - خزامى الصحارى

اعداد: بكر بن هذال المسردي


قراءة في أوراق شاعر حمد هادي شاعر المعاناة.. سطر أجمل الروائع الشعرية

[سعود الخويطري]

[الشاعر الكبير / حمد بن هادي المسردي ( رحمه الله )


نبذه عن حياته " رحمه الله "


هو الشاعر الراحل ( حمد هادي المسردي القحطاني ) من الشعراء الشعبيين المبدعين
الذين برعوا في كتابة القصيدة الشعرية بكل اقتدار وتفنن
ولد رحمه الله في مدينة جاش سنة 1360 هجرية وتوفي في 13 رمضان 1412 هجرية
تمتع هذا الشاعر الفذ بموهبة قوية
استطاع من خلالها أن ينسج اجمل الكلمات ، ويصوغ احلى المعاني فقد طوع اصعب القوافي ، وعاند اعسر البحور الشعرية
حيث استخدم كلمات كثيرة في البيت الواحد مثل قصيدته المشهوره (الطائرة) ذات البحر الطويل
والتي نالت اعجاب الكثير من هواة الشعر الشعبي.
كتب لأمجاد الوطن، كتب للمعاناة، كتب للحكمة، كتب للنصح والإرشاد، كتب لكل ابواب الشعر، وذلك بإبداع وتميز.
وبالرغم من أن الإعلام لم يخدمه كشاعر إلا أنه يعتبر احد اعلام شعر النظم والمحاورة على مستوى الخليج العربي
فاشعاره تمتاز بجزالة الألفاظ ومتانة الأسلوب، وسهولة الحفظ
عُرف بكثرة الأسفار حيث طاف انحاء دول الخليج العربي وحاور جملة من ابرز شعراء المحاورة ومنهم
على سبيل المثال احمد الناصر الشايع ، خلف بن هذال العتيبي , المعنا البقمي ، رشيد الزلامي ، فهد المحيشير وغيرهم الكثير"

وقد اشتهر - رحمه الله - بمحاوراته الجميلة التي تهتز لها الصفوف وقوافيه الساحرة وأبياته الهادفة
مما جعل الكثير من الناس يحفظونها وصارت أمثالاً تردد الى الآن ومنها:


الله ولا بعض الضيف والمساييـر=الـلـي تـنـزل للفـتـى نــص قـيـمـه
والله ولا بعض الطرق والمشاوير=الـلــي تـعــود عاقبـتـهـا وخـيـمــه

وقال في موقف اخر:

[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
احسب ان ما للجماليل على الدنيا جحود=لين معروفي بذرته بناسٍ وجحدوه
واشهد ان من يفعل الجود في من لا يجود=مثل من حجـج علـى غاربـه ذبـاح ابوه [/poet]
واليكم اطول شطر في الشعر الشعبي
وهذا ما اكده الشاعر راشد بن جعيثن وهو من اطلق على حمد هادي المسردي اسم " الشاعر المعجزه "


حيث قال حمد هادي المسردي في قصيدة " الطيارة ":

ياراكب ٍ من عندنا طيارة ٍ ماطورها لا رن عبت كمبريشن فُلّ
وأفترت مراوحها وطارت بالفضا من طايرات اطراز ميق اربع مراوح واربعة متحركات
..... من نوع سبعميه وسبعه وارد أمريكا وصنع فرانكفورت أسطول
مـن أحـدث أساطيـل الفضـا قـد صممـت بأكبـر مصانـع سابقـات أصواتهـا

للإستماع للقصيدة بصوت الشاعر قم بتشغيل الصوت في الاسفل:

( هــنــا ) (http://www.alnadawi.org/realaudio/hamad1.ra)

روائع الشاعر / حمد هادي المسردي


% المال %

[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله يالـلـي بـيـدك الـعــز والـجــاه=يالـلـي لـخـلات المخالـيـق رافـــي
يـا مـن خلـل عبـدك ليابـان ترفـاه=ياعـالـم ٍ غـايـة خـفـا كــل خـافـي
الطـف بحـال اللـي تبـهـذل بدنـيـاه=وداج بجميع انحـا النحايـا وطافـي
يطرد ورا حظٍ عليك انـت مشكـاه=لا شك شاف من الزمان اختلافـي
من كثر ماله ساروا الناس برضاه=ولو كان ناقص قالوا النـاس وافـي
ومن قل ما بيده ترى الناس تشنـاه=لو كان يسقيهـم عسـل قنـد صافـي
فالمال كـم سـاس ٍ طمـان ٍ وعـلاه=والفقـر كـم حطـم روابـع سنـافـي
لا شك مـا للعبـد عـن حكـم مـولاه=مـن خيـر والا شـر والـرب كـافـي
مــا كـتـب للمخـلـوق لا بــد يلـقـاه=امـــا هـزايــم شـــر ولا عــوافــي
[/poet]

% شفت انا بالعين %


شفـت أنـا بالعيـن رعبـوب بنظـراتـه رمـانـي=آه يامـابـي عـلـى جـيـه ولا لـــي فـيــه حـيـلـه
نابـي الردفيـن ملهـوف الحشـى حلـو اللسانـي=ضامر السرجوف غض العود والقامـه طويلـه
كاشـف مـا يلبـس البرقـع ومـن عقلـي سبانـي=عــود غــي غــاوي بالـفـن وأجـنـاسـه قلـيـلـه
حيـن لاقانـي وغـض الطـرف مجلـي الثمانـي=صابني سهم الخطر من طرف منسوع الجبيله
قلـت ياسيـد العـذارى ليـت حـنـا لــك عـوانـي=ليتـنـي ويــاك يـازيـن الوصـايـف مــن قبيـلـه
صـد عنـي مستحـي يانـاس لـكـن مــا جفـانـي=والتـفـت لــي بإبـتـسـام وزوّد الـحـمـى ملـيـلـه
[/poet]


% الميراج %

[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ويالـجّ قلـبـي لــجّ ســرب ٍ مــن المـيـراج=ليـا اصـدّر لاوامـر قايـده واعلـن الغـاره
مع الفجر الأول عاد ضوح السفر ما انباج=تــحــرّك وتــعـــداده ثـلاثــيــن طــيّـــاره
وياوالّـلـه الـلـي غـلّـق الصـبـر مايحـتـاج=ولـوكـان عيـنـي بــأول الـوقـت صـبّــاره
هواجـيـس قلـبـي بالدقيـقـه تجـيـه افـــواج=وعـيـنـي شـقـاويـه والأفــكــار مـحـتــاره
تخالـف همومـي مثـل ما تختلـف لامــواج=عـلـى شـاطـي ٍ مابـيـن فـرّضـه وعـبّـاره
تـوارد وتـرد القلـب مـن كــل فــجّ وفــاج=وتقبل علـيّ امـواج مـع ريـح صرصـاره
ليا اشتد صلف النّود والبحـر هـاج ومـاج=تسوقـه علـى الشاطـي عواصيـف جبّـاره
غريب ٍ ومشتـاق ٍ وشفـق ٍ علـى المنهـاج=وســود الليـالـي تـخـلـف الـظــن غـــدّاره
وجـودي علـى شــوف المحبّـيـن يـافـرّاج=وجـود الكسيـر الـلـي دنــو مـنـه بجـبـاره
[/poet]

% مل قلبٍ %

[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مـــل قـلــب هـــزه الـهــم والـهـاجـوس هـــز=وارتجـف عرشـه وزلـزل وجـا فيـه اهـتـزاز
عـقـب ثلثـيـن مــن الـلـيـل فـــز الـقـلـب فـــز=مـثــل فـــزة واحـــد واطـــي كـســرة قـــزاز
كـن باقـصـى ضـامـري ياجمـاعـه نــار قــز=والـضـلـوع يلـوعـهـا مـثــل ضـــو البـوتـقـاز
وكـن فــوادي مــن عـراويـه بامـواس يـحـز=من همومي والهواجيـس فـي صـدري حـزاز
عقـب ذا يـاراكـب الـلـي عـلـى الغـايـه بــرز=جـمـس شكمانـيـن تــوه جـديـد آخــر طــراز
يعجـب السـواق لـي مـا عطـا حــزم الـجـرز=وأن تـحـرك يـقـرب البـعـد ويـشــق الـغــراز
مــن ديــار البـعـد قـلـب العـنـا صـابــه قـلــز=ومـن ديــار البـعـد عــز الله ان القـلـب جــاز
الــغــدا لــــي ســهــل الله بــدايـــات الـمــلــز=ثــم يشـيـك مــن محـطـات مـوقـفـة الـحـجـاز
وغـادر الديـره مـع العصـر يــوم انــه جـهـز=وأنتلـه مرفـوع بالوصـف كنـه أريــل جـهـاز
والعـشـا حــول السلـيـل مــع المـغـرب نـجـز=حـايـفـه غـمــر شـقــردي وعـادتــه الـنـجـاز
ثــم تـحــرك والـدريــول يـلــز الـرجــل لـــز=طـــول لـيـلـه راح كـلــه مـسـاقـط واجـتـيـاز
والـونـيـت يـشـجـع الـلــي يـحـبــون الــلــزز=لـو يقحـص ويــل طـلـع مــن الـقـاع ارتــواز
كـنـه السـكـران لــي غـــزه الشـيـطـان غـــز=عقـب ما افـلا غرشتـيـن وطــاب لــه الخـنـاز
ينطنـخ ويـشـوش ومــن المخـاطـر مــا يـكـز=شـايـف بـعـض الـعـرب كنـّهـم عـنـده عـفـاز
لا اشرقت شمس الضحى لي الونيت بكل عز=واقــف فــي وســط ديــرة بـنـي عــم عــزاز
[/poet]

% معلقة ( نصائح وارشاد ) %


[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يـقــول الـلــي بـرســم القـافـيـات=يصوغ القاف صـوغ مجوهـرات
إلــى مـنـه بـغــا نـظــم القـصـيـد=فـــلا يـخـتـار غــيــر الـطـيـبـات
تـنـقـا مـــن نـظـيـفـات الـلـحــون=علـى كيـفـه مــن الـقـاف كلـمـات
محـاريـف القـوافـي لــو تعـصـت=أصخرهـا ولــو هــي عاصـيـات
تـخـيـرت الـكــلام الــلــي يـفـيــد=وجـنــبــت الـعــلــوم الـتـافـهــات
وأنــا قـاسـيـت شـــدات الـزمــان=وذقـــت أمــرارهــا والـحـالـيـات
ومـن قاسـى علـى الدنـيـا شـدايـد=يـفـيـد ويستـفـيـد مـــن الـحـيــات
وأنــا مـانـي بـقـول انــي خـبـيـر=ولانـــي بـــا ادعـــي بـمـقــولات
درسـت مـن المعرفـه مــا تيـسـر=وصرت اعرف علوم ٍ موجـزات
وعشـت مــن الحـيـاة الله واعـلـم=عن اللـي مـن سنيـن العمـر فـات
عـرفـت اطــوار نـيـات الـرجـال=وشـفـت اسـرارهــا المتخـالـفـات
ومـيـزت الرفـيـع مــن الـوضـيـع=وقـلــت الـحــق والـعـلـم الـثـبـات
ترى في الناس من يجلى الهمـوم=عــن المضـيـوم عـنــد النـايـبـات
يسـد الـنـوب مــن كــل النـواحـي=ويــركــي لـلـحـمـول الـكـايــدات
عـزيـز النـفـس لــو مـالـه قـلـيـل=ايـديـنــه بـالـوفــا مـسـتـاصــلات
عـزيـز النـفـس لــو مـالـه قـلـيـل=احــبــالـــه لــلــمــكــارم واردات
عـزيـز النـفـس لــو مـالـه قـلـيـل=اشـبــوره لـلـمـراجـل طــايــلات
ولا ظنـيـت بـــه ظـــن ٍ بـطـيـب=تشـوف رســوم ظـنـك راسـيـات
وليـمـنـك نـخـيـتـه فــــي لــــزوم=بـذل لـك فـي قـضـاه المعـجـزات
وليمـنـك نصيـتـه وأنــت ضـيـف=يـقــوم لـــك بجـمـيـع الـواجـبـات
وفـيـهـم مـــن يـزيــد الـهــم غـــم=ولا يـنـطـح وجـيــه الـمـكـرمـات
واضعيـف النفـس لـو مالـه كثيـر=ســواً بــه فــي حيـاتـه والمـمـات
واضعيـف النفـس لـو مالـه كثيـر=عـن الطـولـه شـبـوره قـاصـرات
واضعيـف النفـس نـذل ٍ مـا يفـيـد=وجــــوده والــعــدم مـتـسـاويـات
بـخـيـل ٍ فــــوق دنــيــاه وذلــيــل=وعـن الامجـاد طبـوعـه شــاذات
يقـولـه واحــد ٍ جـــرب وشـــاف=وصـار يـقـول عـقـب التجـربـات
عـلـى قــول الــذي بالـقـول فــاز=سبقنـي فـي العصـور الماضيـات
جـــزا الله الـشـدايـد كـــل خـيــر=عـرفـت بـهـا الـقـدا والمخطـيـات
وعرفت بهـا العـدو مـن الصديـق=جــزاهــا الله عــنــي بـحـسـنـات
فـيـا سـامـع كـلامـي لـــك عـلــي=نـصـايـح كـالـجـواهـر غـالـيــات
ولا اريــد الـجـزا إلا مــن الـهـي=ثــــواب الله خــيــر الـجــايــزات
علـيـك بـطـاعـة الله ذو الـجــلال=الــــه الــكـــون رب الـكـايـنــات
جليـل الملـك ذو العـرش العظـيـم=ومــن الافــلاك بـامـره دايـــرات
مغيـث المستغيـث إلـيـا استـغـاث=وقــهــار الـجـبـابــرة الـطــغــات
ولــي الأمــر عـالــم كـــل شـــي=ولا تـخـفــى عـلـيــه الـخـافـيـات
مـحــب الـعـفـو غـفــار الـذنــوب=ولـه حسنـات الاسمـا والصـفـات
وسـيـع الحـلـم رحـمــن ٍ رحـيــم=وعــفــوه واســـــع ٍ لـلـمـغـفـرات
وهـو معبـودنـا المحـيـي الممـيـت=وعـلــم الـفـقـر بـيــده والـغـنــات
علـيـك بطاعـتـه فــي كــل حـيـن=وقــم لــه بالـفـروض الـلازمــات
شـهـادتـك وصـلاتــك والـصـيــام=وحـــج الـبـيـت واداي الــزكــات
وبــر الوالـديـن احــرص عـلـيـه=وفـعــل الـبـاقـيـات الـصـالـحـات
وقل معـروف وأنـه عـن المناكـر=واتــق ذنــب رجــم المحصـنـات
ولا تـنــقــل كـــــلام ٍ بالـنـمـيـمـه=وتظـلـم لـــك نـفــوس ٍ غـافــلات
تـرى المولـى عـن العـالـم غـنـي=ومــن طـاعــه يـنــال الأمـنـيـات
كـريـم ٍ لا عـطــا مـاهــو بـخـيـل=ومــداتـــه جـــــزال ٍ وافـــيـــات
ليـا مـنـه عـطـى جــزل العطـايـا=وهـو حــلال صـعـب المشـكـلات
تــراه الـلـي لـيـا ضـاقـت علـيـك=يـفـرجـهـا مـجــيــب الــدعـــوات
مــزيــل الــهـــم رزاق ٍ مـعــيــن=عـلـى خـلـقـه عـيـونـه مـرقـبـات
عظـيـم الـشـان حــي ٍ لا يـمـوت=مــديـــم ٍ والـخــلايــق فـانــيــات
وكـن مستامـن ٍ بـه وامـش وامـن=والاقــــدار بـفـلـكـهـا مـاشــيــات
ولا تـحــزن وعـانــد كـــل هــــم=ولا بـــــد الـشــدايــد زايــــــلات
ولا شــفــت المـحـقـريـه بــديــره=فـلـرض الله فـجــوج ٍ واسـعــات
بــدل دار ٍ جـفـاك الـلـي سكـنـهـا=اتـحـصـل لـــك ديـــار ٍ ثـانـيـات
فحـثّ الرجـل وارحــل لا تبـالـي=ولا تـبـقـى عــزومــك فــاتــرات
ودسّ بالرجـل غـبـات المخـاطـر=ولا تحسـب احسـاب مخـاطـرات
فـلا يجـري لـك الا مـا كتـب لـك=ولا يــاقــاك عــنــه مــحــاذرات
وهاجـر عـن ديـار الــذل تـربـح=وســافــر لـلــديــار الـنــازحــات
تـرى الاسـفـار سـجـات وغنـايـم=وكــــم لـلـبــال فـيـهــا تـسـلـيـات
تــرى الاسـفــار للـعـاقـل مـفـيـده=تفـيـدك مـــن جـمـيـع النـاحـيـات
تـعــرفــك الــرجـــال الـطـيـبـيـن=ذوي ســـاس الـعـلـوم الغـانـمـات
وتجـعـل هـمـة اعـزومــك قـويــه=وتعـطـيـك الـــدروس الـكـافـيـات
وفيـهـا للمـعـاش احـسـن وسـيـلـه=وفـيـهــا للـنـصـيـب مـصـادفــات
وسـجـات الـنـفّـس فـيـهـا وفـيـهـا=لعمـر المـرء فـي الدنـيـا طــرات
تحـرك فـي فـجـوج الله الوسيـعـه=يجيـك الـرزق مـن كـل الجـهـات
ولا تـرضـى الكسـافـه والمهـونـه=تشـوف مــن المعـاديـن الشـمـات
وتـرى عمـر الفتـى ماهـو بـدايـم=وتـرى آجـال النـفـوس مـحـددات
ونـيـل المـجـد فــي قـــوة الإراده=وطـــلاب المـعـالـي مـــا يــبــات
يــدوّر للـعـلا لـــو كـــان يـتـعـب=وعيـونـه فــي طلبـهـا سـاهــرات
فــــلا تـغـتــر بـالـنــوم الـعـمـيـق=تــراه يضيـعـك عـمــق الـسـبـات
تغـانـم دام لــك قــدر إستـطـاعـه=ومـا دام الـفـرّص لــك سانـحـات
وليمـنـك بـذلــت الـجـهـد فـاعـلـم=تــرى ارزاق الـعـبـاد امـقــدرات
فـكــن صـابــر واقـنــع بالـمـقـدَرْ=ولا تـنـدم عـلـى مــا كــان فــات
تــرى الارزاق مــا تـاتـي بـقــوه=ودنـيـانـا تـراهــا خــــذّ وهــــات
ورزق الحي مضمـون ٍ وجـاري=إلـيــا حــتــى تـلاقـيــه الــوفــات
ولـكــن التـسـبـب شـــي واجـــب=ومـن يــزرع سيجـنـي الثـمـرات
وتـرى مـن جـد لابـد انــه يـاجـد=كــلام اهــل الـعـقـول الـزاكـيـات
وليمـنـه بــذل جـهـده ولا احــرز=مـرامــه مـــا عـلـيــه مـعـاتـبـات
ونـفـسـه مـــا يلحّـقـهـا حـسـوفــه=بـقـولـه مـــا عـمـلـت مـحــاولات
الـيــا مــــن الـلـيـالـي عـاكـسـنّـه=وحـظـه مــا سـعـى بمـسـاعـدات
فـيـدري بـــان هـــذي دبـــرة الله=ويـبـقــى قــانــع ٍ بـالـحـاصــلات
وخير الناس مـن يعطـى القناعـه=ولا اشقـى مـن نفـوس ٍ طامعـات
وعنـدي غيـر مــا قلـتـه وصـايـا=على المعنى الصحيـح امسيسـات
اليا منك بغيـت تصـون عرضـك=وتـحـضـى بالـمـزايـا الـكـامـلات
فــلا تمـشـي مـعـا الأنــذال دايــم=وسـايـر لــك رجـاجـيـل ٍ ثـقــات
ومــن لا شـــاورك لا تستـشـيـره=ولــو عـنـد الـظـروف القاسـيـات
وكُن صامت فإن الصمـت حكمـه=وهـيـبــه داخـــــل المـجـتـمـعـات
وكُـــب الـثـرثـره بـالــك تلـجـلـج=فـلا يبقـى عـلـى هـرجـك شـفـات
وكثـر الضحـك نقـص ٍ بالمهـابـه=فــلا تضـحـك بـــدون منـاسـبـات
ولا تنـطـق بغـيـر الـصـدق دايــم=ولا تـبــدي اهـــروج ٍ كــاذبــات
وكُــن مـتـواضـع ٍ بـالــك تـكـبَـر=وخــل اخـلاقــك دايـــم عـالـيـات
ولا تشكـي علـى حـي ٍ سـوى الله=اليـا شفـت الـظـروف معاكـسـات
ولا تـبـدي عـلـى الأنــذال ســدك=ولا بـــــد الـشــدايــد زايــــــلات
ولا تنـسـى علـيـك بحـفـظ حـقـك=تـرى لـيـس الـكـرم بمناضـحـات
وعن التبذير صُن مالك يصونـك=اليـا جــات الـظـروف القاسـيـات
تـرى ماكـل مـن يضحـك يفـيـدك=الـيـا صــارت يـديـنـك خـالـيـات
وعـز الجـار فــان الـجـار قــدره=علـى المسـلـم مــن المستلـزمـات
وظيفـك بــش فــي وجـهـه وقــدم=لــه المـاجـود حـسـب المـقـدرات
وحــذراك الخيـانـه فــي خـويــك=ولا تـرضــى عـلـيـه مـحـايـفـات
وحــذراك الـغـرور اول شـبـابـك=تـرى طـرق الـغـرور مضيـعـات
وليـا ثــار النـشـب بـيـن المـقـرّد=فـجـنـب والـعـواقـب مـرضـيــات
ولا تخـطـي ولا يخـطـى عـلـيـك=وبـالــك تـعـتـرض لـمـعـرضـات
وليا جـاك الخطـا مـن يـم جاهـل=فــــداره بـالـهــروج الـمـقـنـعـات
لـعـلـك تقـنـعـه بـأحـسـن وسـيـلـه=وبـيــبــان الـحـمـاقــه مـقــفــلات
وان لــم يقـنـع الجـاهـل بـعــذرك=وامــــوره شـفـتـهــا مـتــوتــرات
فـكـن عـاقـل وحــذراك الجهـالـه=وحــسّـــب لـلـقـوافــي قـافــيــات
ليـا جهـل الجهـول العـقـل ضــدّه=فــلا تحـسـب لامــور ٍ مـهـمـلات
مضى وقت الجهـل واقفـى وولـى=مـعـا غـبـر السـنـيـن الـمـدبـرات
وليـا مــد الجـهـول ايـديـه عـامـد=وصــارت مــا تـفـيـد مفـاهـمـات
فحـاول تقنـعـه فــان كــان عـانـد=فـــلا للـنـكـر غـيــر الـمـنـكـرات
وردّع الجهـل مـا يحسـب خطيـه=ويحسـب مـن الامــور المقـديـات
خصوصاً لانتهى مقـدار صبـرك=وشفـت مــن الخصـيـم معـانـدات
فـلا يـرضـى عـلـى نفـسـه مـذلـه=يـكـون الـلـي عـزومـه ناقـصـات
ردي الخـال نــذل ٍ وابــن هـامـه=ولاش ٍ والــروابـــع خــــــاذلات
وليـا منـه قضـى صبـرك وغـلـق=وشـفـت ان مالحـلـول بمجـديـات
فـدافـع دون عـرضـك والكـرامـه=وخاتمتـك لـيـا مــا جــات جــات
والأجـل مـقـدر ٍ والـمـوت واحــد=والانـفــس كـلـهـا لــــه ذايــقــات
ولا يـاقــى الـحــذر مـمــا يـقــدر=لا بـــد احـكــام ربـــك نــافــذات
وهذا مـا استطعـت مـن النصايـح=نـصــايــح ثـابــتــه ومــوكـــدات
يـقـولــه واحــــد ٍ والـكــامــل الله=يوصـي ومـا عـمـل بالتوصـيـات
اوصـيـكــم وأنــــا والله مـقـصــر=قـصـور ٍ مــا تـغـطـه لاروقـــات
خصوصاً من جهة ما يرضي الله=وهــذا الـلـي بــه اكـبـر فـايــدات
عـسـى ربــي يسامحـنـي ويغـفـر=ذنــوبــي الآتــيـــه والـسـالـفــات
ولكـن ياهـل الـعـرف اعـذرونـي=اليـا قـصـرت فابـغـى المـعـذرات
وصلـى الله عـلـى المخـتـار طــه=عــــدد مـانـسـنـسـن الــذاريـــات
شفيـع الخـلـق فــي يــوم المـلاقـا=وكــل الخـلـق حـافـيـن ٍ عـــرات
رســـول الـحــق سـيـدنـا مـحـمـد=عليـه مـن الإلـه ازكــى صــلات
[/poet]

% يا عذاب الحال ( جنون القصيد ) %

[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
يـا عـذاب الحـال حـل بــه انـحـلال
كنهـا تلـحـى اللـحـم عنـهـا الـسـلال
انحنـى حـتـى غــدى مـثـل الـخـلال
حـال عنـه الحيـل واصـبـح ناحـلـي

حـــل بـالـحـال انـحــلال ٍ وانـتـحـل
مثـل عـود ٍ يبّـس مـن طـول المحـل
عقـب مـا ماتـت عروقـه واضمحـل
ذاوي ٍ بـامـحــل مــحــل ٍ مـمـحـلـي

طـول صبـري كـل ليـل وكــل يــوم
اتــحـــرى لـلـرســايــل والــعــلــوم
فــي ديــار ٍ جـوهـا حـــر وسـمــوم
وعـجـهـا وغـبـارهـا مـــا يـنـجـلـي

شاب راسي من فـراق الخـل شـاب
مـــا تـهـنـا لا طـعــام ولا شــــراب
وان كتبـت الخـط مـا جانـي جـواب
والخبـر مـن صاحـبـي مــا ردّ لــي

طال يابـن سويـد صبـري وانقضـى
صابـر ٍ كنـي علـى جـمـر الغـضـى
مـن همـوم البـال ضـاق بـي الفضـا
ميـر مـا يشكـى علـى غـيـر الـولـي

لابغـيـت اســج واسـلـى واسـتـريـح
فـــز قـلـبـي ثـــم تـذكــرت المـلـيـح
صاحـب قلبـي علـى شـانـه جـريـح
مخـطـر انــي مــن هــواه استهبـلـي

مــن نديـبـي فــوق مـامـون الحـديـد
سايـقـه مـطـنـوخ والـمـوتـر جـديــد
يـوصــل المـكـتـوب قـــدام الـبـريــد
حـيـث خـطــي جـاهــز مستعـجـلـي

يـــا نـديـبـي قـــم تـجـهـز لـلـمــراح
فوق هاف ٍ لا عطا ا لارض البراح
قــام يكـفـخ مـثــل خـفــاق الـجـنـاح
لا نهـض مـن راس رجــم ٍ معتـلـي

هاف لـوري فـوق ماطـوره صليـب
منـوة اللـي عـن هـوى بالـه غريـب
لا عطـى الحـزم الجلـد يقنـب قنيـب
نـــوع مـاطــوره ثـمــان سـرنـدلـي

مـن ديـار البعـد يمشـي فـي السحـر
بـالـغـلـس قــــدام يـنـبــاج الـســفــر
والضـحـى مـتـعـدي ٍ دولـــة قـطــر
داخـــل ٍ سـلــوى ورقـمــه يجـهـلـي

لوحـتـه مجهـولـة ٍ مــن غـيـر زور
سقـطـوا رقـمـه بابوظـبـي الـمـرور
حيـن سافـر واسمحـوا لــه بالعـبـور
ضامنـيـنـه مـــن جـمـيـع المشـكـلـي

ضامنينـه مـن جميـع اي اعـتـراض
لين يدخـل نجـد واطـراف الريـاض
وامـرهـم نـافــذ ولا فـيــه انـتـقـاض
مـا عـدا الجمـرك لــزوم ٍ يحصـلـي

ثــم يسـافـر عـقـب تركـيـب الـنـمـر
مـثــل زاروق مـعــا غــبــة بــحــر
يجـعـل الــوادي عـلـى دربــه مـمـر
نـاصـي ٍ تثلـيـث والـمـخـرج مـلــي

صار له يوم استوى الخـط اهتـواش
واعجـب السـواق بالسرعـة وشـاش
مانـوى الوقفـة يكـون بحـزم جــاش
صـامــل ٍ فــــي نـيـتــه ومـصـمـلـي

ديـــرة فـيـهـا بـنــي عـمــي ومــــن
لا طروا للقلب في الخـوف ارجهـن
درعي الضافـي علـى طـول الزمـن
لا سـقـى الله مـوطـن ٍ منـهـم خـلــي

الـمـســاردة الــــذي حـــــرابــهـــم
فـــي الـلـقــا لازم لــــزوم يـهـابـهـم
مـــا تـحـديـت الـصـعـاب الا بــهــم
وفــي حمـيـا غيـرهـم لا شــف لــي

صيتهـم فيـمـا مـضـى بــان وظـهـر
وانـتـشـر بـيــن القـبـائـل واشـتـهــر
ربـعـي الـلـي مــا يهـابـون الخـطـر
يـــوم نـيــران الـحـرايـب تـشـعـلـي

ربـعـي الـلـي لـلـعـدا ســـم ٍ ذحـــاح
فزعـة المضيـوم لا صـاح الصيـاح
بالـسـيـوف المـرهـفـات وبـالـرمـاح
ضربـهـم مـثـل الـقـضـاء المـنـزلـي

بالجهـل يـوم العـصـور الماضـيـات
والـسـهــوم الـــــواردة مـتـخـالـفـات
لاقبـلـوا فــوق الخـيـول الصـافـنـات
ارجفـت سـبـع الاراضــي تزلـزلـي

كــم عـقـيـد ٍ مـــن جـــواده نـزلــوه
بـالـوطـا جـفــه وراســــه طــيــروه
مـايـعـرف الـخــوف لـكــن ذلــلــوه
ربـعــي الـلــي يلـطـمـون الـعـايـلـي

يـشـهــد الله والـخـلايــق شـاهـديــن
ويشهـد التاريـخ مـن طـول السنـيـن
اعـقــل الـعـقـال واجـهــل جاهـلـيـن
ضـــد مـنـهـو ضــدهــم سيـجـهـلـي[/poet]


مما قاله حمد هادي وهو على فراش الموت


[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اشوف الموت حيٍ في شليلي=ولو نفسي بعـد يقـرع نسمهـا
انا مني دنـا المـوت المزيلـي=تمركز فوق الأنفاس وكتمهـا
وأنا حالي ثوى وانهـد حيلـي=وانا حالي لحا اللاحي لحمها
[/poet]
في الختام وبعد هذه الرحلة الطويلة للشاعر حمد هادي - رحمه الله واحسن مثواه -
فقد ترك لنا تراثاً شعرياً خالداً في نفوسنا لن تطويه صفحات الزمن ، وكان احد رموز الشعر ، وسطر اجمل الروائع الشعرية
رحم الله الشاعر حمد هادي المسردي واسكنه فسيح جناته

منقول من منتدى السهول وجاش

[سعود الخويطري]

أطول شطر بالشعر الشعبي (و ) قصيدة الطيارة كتابة وبالصوت..!!

يا راكب من عندنا طيارة ماطـــورها
لارن عبت كنبريشن فل وافتـــــرت
مراوحها وطارت بالفضـــا من
طائرات اطراز ميج اربع
مراوح واربعة
متحركات

*
*
من نوع سبعمية وسـبعة وارد امريكا وصنع
فرانكفـورات اسطول من احدث اساطيل
الفضاء قد صممت باكبر
مصانع سابقات
اصواتها
*
*
طيارها متخرج من معهد اعلى فن طيران جو اللي
بعاصمة الولايات المريكية وذات الاتحاد
المعترف به عالمـيا وهى واشنطن
اى مجمع جميع
الجامعات
*
رسـم العلم ذو الراية الخضرا مع السيفين والنخلة على
جنحانها تقلع من مدرج مطار ابو ظبي كن حسها
زلزال هز الارض يوم ترن
باصوات تقول رعود
شكماناتها
*
*
من عاصـمة دولة الامارات اقلعت متوجهة ومسافره يم
الكويت طرانزيت بلازمي وانا الذي قومتها
من شان مندوبي ومن شان
الوصاة
*
وبرفقها من قاذفات النار عشر مقاتلات يحمنها ساعة
رفعها الكابتن الممتاز ثم اسـتعدلت فى العـرش
دارت دورتين وروحت
يم الكويت مولعة
شاراتها
*
*
تحركت متوجهه واسترفعت واستعدلت ثم روحت وصلت
فضاء جو الكويت بسرعة ثم وقعت وسط
المطار وحول المندوب منها بالرسايل
ناصي ٍ وافى
الصفاة
*
الشاعر المعروف وهو ابو عشيمان امهدي ثم سلمه
منى رسايل مـير مدري ليش يا هل
العرف مارجع مع المندوب
مردوداتها
*
*
مدري محقريه مع قلة ثقة ولا اعتبرني يا عرب
ملقوف يوم ارسل بلا سابق معرفه
ثم وضع ما ارسلت لـه
في وسط سلة
مهملات
*
وانا اشتري بالمال معرفة الذي شرواه
حيث أنه خبيروعارف كل المعاني
والعلوم وسر
مضموناتها
*
*
ايضا ولاني بجنبي جدي وجده واحد يشهد
على قولي تواريخ ٍ قديمه والرجال
أهل الفطانه والعقول
الزاكيات
*
علماً بأن رد المثايل يعتبر بين الرجال
العارفين اطماع وهو من العوارف
يذكرونه عارف قانون
ترتيباتها
*
*
لا شك ياللى تاصلونه خبروه إنى تري لاني
بمتحدي ولا أحب التحدي والخطا ما بغاه
ما ابغي الا القوادي والعلوم
اللى لها ذوق
وطرات
*
لا قصد لى غير التعرف به ولو مارد ما
والله يجي فى خاطري مثقال ذرة
حيث ما هو لا زم بين الرفاقه
يا عرب تطويل خذها
هاتها
*
*
ابغيه ذخر فى مقاديم الليالي مثل ما قد قال
راكان بن حثلين لابن هادي بماضي ما
مضي يوم الفعايل مستمره بين
ماضـين الفعايل فى العصور
الماضيات
*
مابغي على ما قالوا اهل العرف نرجع كالنعامة شافت
المكروه مما ليس تكره من قوايمها الذي يحفي
مواطيها المسير ولا بغت تمشيبها
حفيت بحين وخيبت
هقواتها

حمد بن هادي المسردي

قصيدة الطيارة بالصوت لـ معجزة الشعر الشعبي واطول شطر (http://www.eqla3.com/sh3r/voice/hamad.htm)

وتقبلوا سلامي واشواقي

الخويطري

[أبو محمد]

لاهنت يا سعود كفيت ووفيت يالسنافي

[راكان اليامي]

لاهنت ياذيب ونعم في هادي المسردي وفيك ياذيبان

[ابومحمد الشامري]

لا هنت يا ابو محمد على السرد الرائع للموروث الادبي لشاعر الكبير حمد هادي المسردي ما قصرت يا السنافي

[monamora]

شكرا يا سعود الخويطري على ما نقلت موضوع اكثر من رائع :)

[سعود الخويطري]

حياك الله يـ ابومحمد ولاهنت



ومرحبا بك وبردك وتعقيبك الطيب


سلامي واشواقي

الخويطري

[سعود الخويطري]

حياك الله يـ راكان اليامي ولاهنت


ويامرحبا بك وبردك وتعقيبك ومرورك الكريم


سلامي

الخويطري

[سعود الخويطري]

حياك الله يـ ابوحمد ولاهنت



ويامرحبا بك وبردك وتواجدك الطيب


سلامي

الخويطري

[سعود الخويطري]

حياك يامشرفتنا ولاهنتي


ويامرحبا بك وبردك وتواجدك الطيب


سلامي

الخويطري

[االقحطاني]

فالمال كم ساس ٍ طمان ٍ وعـلاه
والفقر كم حطم روابـع سنافـي

والله اللي ماقصرت ياسعود

وصدق من لقبه بالشاعر المعجزه

[فهد بن محسن]

الاخ \ سعود الخويطري

لاهنت وبيض الله وجهك على كل ماكتبت عن الشاعر المسردي

تحياتي لك

[سعود الخويطري]

مرحبا ومسهلا يالقحطاني



بالفعل حمد المسردي شاعر لن ينساة تاريخ الشعر الشعبي




ومرحبا بك الف يامحلفي



تقبل سلامي واشواقي

الخويطري

[سعود الخويطري]

مرحبا ومسهلا يابوفيصل



ولاهنت على حضورك ووجهك ودمت لنا جميعا



تقبل سلامي واشواقي

الخويطري

[علي العرام]

هذا شاعر المعجزه فعلا ونعم بحمد هادي المسردي

ولاهنت يا سعود الخويطري على الموضوع الرائع

تحياتي لك

[سعود الخويطري]

مرحبا ومسهلا يـ علي العرام



لاهنت على حضورك وردك الطيبّ



تقبل سلامي واشواقي

الخويطري

[حمود]

واشهد ان من يفعل الجود في من لا يجود
مثل من حجج على غاربه ذبـاح ابـوه



رحم الله الشاعر الكبير حمد المسردي القحطاني رحمه واسعه

شاعر تعجز عن وصفه الاقلاااااااااااااااااااام



لاهنت يالخويطري


حمود

[سعود الخويطري]

مرحبا ومسهلا ياحمود




لاهنت على حضورك



تقبل سلامي واشواقي

الخويطري