.
.
.
مساء / صباح الخير
قصيده أضعها بين أيديكم عسى أن ترتقي لذائقتكم
للتواصل ..
.
.
سهرت بليلتي أبكي .. وأداري قلبي المكسور=وأجمّع من فتات الهم .. وأوزعها على أيامي
أحط الهم .. تلو الهم .. عشان تصيرلي بالدور=عساها تخفّ عن صدري وأعيش بعالم أحلامي
ضمرت بخافقي دمعٍ .. يترجم ما خزنت شعور=على أوراقي يسيل الدمع .. ويسبق سطوة أقلامي
ضمرت بخافقي طفلٍ .. يصيح بصمته المقبور=صدى صمته يهز القلب .. ويكبر حزنه النامي
حبيبي والأماني سور تعانق قلبي المأسور=على حبك .. على وصلك .. على ترنيمة أنغامي
حبيبي وإنْ عجز قلبي تعال ! وساعد المقهور=أبي صوتك يدفّيني.. ويرجع أجمل أعوامي
حبيبي والزمن قاسي وأنا ما بين ظلم .. وجور=بعد غيبتْك يا روحي أتوه بزحمة أوهامي
خذاك الموت منّي وانتهى حبٍ بقى لدهور=خذاك الموت في غفلة زمانٍ .. حارقٍ حامي
فقدتك يا أحب الناس فقدتك يا شبيه الحور=فقدت الحب والنسناس إلا من لامس أعلامي
فقدتك يا شبيه الريم فقدت إلشعرك المنثور=ضميت إلبسمة اشفاهك.. وأنا من هامتي ضامي
فقدت النوم والراحه .. وفقدت النور.. وقت النور=غديت بليلةٍ غدره .. أعابل قسوة آلامي
ظلام الليل والفرقا تِقطّع من غثاها نحور=رماني الوقت في حسٍ .. يحرك ساكن أصنامي
حبيبي والوداع ( يصيب) وأبيك تعدّني معذور=رمى رامي وأنا مقفي .. ولا تشره على الرامي
قدر مكتوب .. والعبرة تبيّن .. والسنين تدور=كذا حال الحبايب .. من فراقٍ ينهش عظامي
وأنا ذالحين منهاجي .. أجفف دمعي المهدور=عساه يجف من حاله .. وأعيش بعالم أحلامي
.
.
وسلامتكم
.
.
.