,, مـملكـــة ... قلــــبي ,,

[صالح ال كحله]

بعد الغياب والانقطاع بسبب الظروف والارتباطات ....


اعود لكمــ


بهذه المتواضعه


اهديها لكمـــ ............., عسى ان ترضيكم

البارحه بين همــ .. وبين غربــالي = اشيل واحط .. بين الجمر والمله
احاسب النفس .. باللي صار وامالي = وفيما يلي جاء قراري قلت بسم الله
اللي نوى العز يبقى منزله عالي = واللي يبي .. منزل الحقران كفو له
الا على طاري .. ان ذا لك... وهذا لي = ما كل زله تجيني..... تنحسب زله
وان كان ظرفي وتقصيري .. والاعمالي = تحسب علي زودت طين الغلا بله
بعض العرب والله انه .. ما شحن بالي = وبعض العرب لاحكى والله ما امله
لا يضيق بالك وانا لك حي يا الغالي = الهم همي وانا اللي عنك ابا شله
ولاتسمع العاذل اللي ... جاب الاقوالي = قل له ..انا ادرى بقدري يالغلا .. قل له
لبيك .. لبى ..عيونك .. يا بري حالي = قلبي معك في كفوفك .. خذه وافطن له
وان عودت للغلا .. حالي مع مالي = تفداك .. يا معطر الخفاق يا فله
اسقيتني كاس حبك .. كله لحالي = وفنجال حبي ...... باصبه لك وبازله
في مملكة قلبي انت (الحاكم) (الوالي ) = امــر ,, تدلل ... وسو اللي تبي كله

وسلامتكمــ