مصافحه اووووووووووولى

[فلاح اليامي]

	بسم الله الرحمن الرحيم السلام عليكم ورحمة الله وبركاته هذه القصيده المتواظعه اظعها بين ايديكم متمنياً ان تحوز على رظاكم

لو تسمحين الا ترى ماهو مهم تسمحين=ماهو مهم اذا زعلتي وان رظيتي مايهم
متى تذكرت الوداع ايسيح دمع العين لين=جات المحيطات تهدر وامواج حزني تلتطم
ماهوب عيب اني احبك بس ماتستاهلين=هز الغصون وماقطفتي كود شي منعدم
ياللي حسبتك للمحبه صابره مثلي سنين=وان ظاقت الدنيا علي اتجيني مثل الكرم
انا اذكر اني قلت لش ان كان عادش تذكرين=اخاف بعدين الغدر واخاف قلبي ينصدم
قلتي بصوت خافت خلا فوأدي لش يلين=يا ان به فصح العرب ولا دلع حكي العجم
اوفيه من دقت اطبول السامبا رقاصتين=غض نواعم ناعسات الطرف من نفس الحجم
مدو ليادي واشبكوني بينهم متشابكين=سجيت معهم عنك لحظه بس عودت التهم
يوم ارسلت سود العيون الهايمه بي غمزتين=كني على قطر الفظى والجاذبيه تنعدم
جيت استعين ابما قدرت اني معاك ابه استعين =وافز من لحظة خمول العقل واجي واستهم
واقول لك اخشى العواذل تعذلش او تسمعين=واصبح على ماقد فعلت اعظُ ابهامي ندم
قدتي السوالف واستقدتيني وحن متقابلين=هاثم حلفتي باليمين ان الذمم اهي الذمم
طفله تلاعب شعرها لكن على من تلعبين=وانا على عُكف الشوارب لاعبٍ منُذ القدم
واذوب ياعين المها الي ذيروها القانصين=واذوب يالمع البروق بشعف ليلٍ مدلهم
متى انزوى والا تمايل طلع رمانٍ وتين=يازوي قلبي من معاليق الحشى لين انجزم
وياويل عمري يوم عانق خصرها للراحتين=كنه الزوابع والبطن غظٍ غظيظٍ منهظم
يوم انطويتي في كفوفي والعيون مغمظين=مثل انطوى سيلٍ تظايق في وعيرات اللجم
اما فروحي لليسار او حولي صوب اليمين=ولا فلمي مابقى من جيش خوفٍ منهزم
ياطاعنه صدر الهدو ابقولتش لي كلمتين=لاني بقايلها ولكن كل كلمه عن اسم
وكنتي شوي تظحكين واحيان واجد تسكتين=واذا نطقتي كل حكيك يابعد من لي حكم
ابشر حبيبي مابغيت ايصير وانتي تكذبين=والمشكله اني بلحظتها تسافهت الشيم
لين اصبحت كُثب السُحب وانبا السحايب فليدين=واستنزفت كل العواطف واجهدت كل الهمم
لاني بهارون الرشيد ولا بامير المومنين=ولا ملكت من القصور ولا خدم ولا حشم
لو تلبسين امن الجواهر والحلي ماتلبسين=فما ملكتي من كنوز الافكه عاد وايرم
وياكامله حسن وزين وناقصه عقل ودين=ماهو مهم ان زعلتي وان رظيتي ما يمهم