قصيدة شاعر المليون الشاعر علي الريض المطيري في يام

[راكان اليامي]

الشاعر علي الريض

ما ردّنا بعُـد الديّـر والمسافـات=عن واحـد ٍ يستاهـل إنّـا نهنيـه
لو إنها زحمة خطـوط وحجـوزات=ما أرتحت لين أكدت أنا حجزي أوكيه
يستاهـل العنـوة زبـون الونيـات=ويستاهل إنه كل ما يدعـي آجيـه
أخوي تاج الطيب رمـز المـروات=هذا ولد صالـح عريبـه مجانيـه
له في فعول الطيب والمجد وقفـات=أصفى من البلّـور للـي يصافيـه
هو يدري إني كـن أغليـه بالـذات=صديقي اللـي دايـم ٍ أفتخـر فيـه
من لابةٍ يـوم الدخـن والمثـارات=صبيان يام ومدحهـم كيـف أوفيـه
الطيبيـن أهـل الفعـول القديمـات=والوقت هذا فعلهـم مثـل ماضيـه
جينا نبارك ياهـل الحفـل زافـات=أبرك سنين العمـر وأبـرك لياليـه
الليلـة اللـي ماتجـي بالروايـات=في فرحة اللي كلنا صـدق نغليـه
وختامهـا منـي سـلام وتحيـات=إعداد ماهل المطـر مـن مناشيـه