ما يخاف من النهار الا الـذي مالـه ظـلالا

[عاليه الاخلاق]

كل يوم .. يـزل ّ عمـره عقبـه ايـام ٍ تتـالا
وكل عمر .. يحلّ يومه عقبـه أيـام ٍ نصايـب

لو نعمر !! مـا لحقنـا عمـر الايـام الطـوالا
لكن أيـام العمـر توخـذ مـن ايدينـا نهايـب

السحاب يقول : عطني ، والبحور تقـول : لا لا
كن ما خلقت لنا شمـس ٍ ولاهبـت هبايـب !!

لو يميل الجدي صوب اسهيل ما مـال الشمـالا
من تخـلا عـن محلـه مانعـده غيـر غايـب

مابقى شـي ٍ بأقولـه غيـر شـي ٍ مـا يقـالا
((والله ان الصمت حكمه ,, مير راع ِ الحق صايب ))

ان كتمته !؟ قامت اضلوعي من الغيـره تصـالا
وان حكيته !؟ مل ّ قلب ٍ مايبي فرقـى الحبايـب

قلت : بالله يا ( زماني ) اركد اشـوي ٍ تمـالا
قال : توووك وان عطاك الله عمر شفت الغرايب

بعد ما قفّى تلفّت قـال : يـا ( خالـد ) تعـالا
قلت : بس اقبل ( زماني ) وانتهى وقت الطلايب

قال : أخذ مني نصايح يوم شفت العهـد طـالا
لاتحسب ان كل عجّه مقتفي ثرهـا سحايـب !!

ومن يبي عينه تحلوى النوم واجروحه تشـالا ؟
عن تخاتيـخ المحبـه يعقـل ايديـن الركايـب

آآه .. أنا اللي لو تضيع جرتـي حمـر الرمـالا
باستخير من الطرد واعـود مـن البيـد تايـب

يـا وليفـي .. لا تدورنـي ويتعبـك السـؤالا
كيف تلقاني ؟ وانا اللي في حلاة الملـح ذايـب

(( ما يخاف من النهار الا الـذي مالـه ظـلالا
ولا يخاف من الظلام الا الذي مالـه قرايـب ))




لشاعر / خالد بن مدعث الدوسري

[هادي بن فهاد]

صح السانك ولسان شاعرها

[ليــه يازمـــن]

قصيـــده رائـــعه

صـــح الله لســـانه

والله يعــطيكِ العـــافيه

[ناثرة الورد]

{{ عزوتي دوسريهـ }}
,
,
آآبداع غير مستغرب
دمتـي بهذا الرقي
تقديري ..,

[عاليه الاخلاق]

المشاركة الأصلية كتبت بواسطة HADI_KW

صح السانك ولسان شاعرها

لاهنت يا أخوي
وبيض الله وجهك على المرور

[someone]

صح السانش ولسان شاعرها

[عاليه الاخلاق]

المشاركة الأصلية كتبت بواسطة ليــه يازمـــن

قصيـــده رائـــعه

صـــح الله لســـانه

والله يعــطيكِ العـــافيه

لاهنت يا أخوي على المرور وبيض الله وجهك