الجبل ياساريه الجبل ياساريه....

[محمد المجول]

السلام عليكم ورحمة الله وبركاته

إخواني إدارة وأعضاء منتدى مجالس العجمان

أضع بين يديكم هذه المتواضعه متمنياً أن تحوز على رضاكم

ساريه ضاقت عليه الوسيعه وإنبهر=والهزيمه قربت والعرب متداريه.
والسما ترسل صدى صوت سيدنا عمر=الجبل ياساريه الجبل ياساريه.
وإحتمى بظهر الجبل وإحتمل لين إنتصر=والفرح عم البشر والبشايرساريه.
يامهدي شفت العجب والعجب فيماندر=العجب إنك تشوف الحقيقه عاريه.
في زمان أول ماكانت عجب إلاظفر=وفي زماني شقلبت فهمي وأفكاريه.
لاسألتك.. وش جرى؟ قول ماعندي خبر=ومن نشدني قلت مقصر حدود أنظاريه.
خلها تمشي كذا من سهر يتبع قهر=خلني بين القصيد ولحون أوتاريه.
هكذا طبع الحياة المليئه بالعبر=مرتن نسمع صدى ومرتن متواريه.
من بلاني في فخر إبتليته في فخر=من نصا بركانيه إحترق من ناريه.
من يجيني فوق خده دموع إمن الكدر=شاف دمعي فوق خدي سيولن جاريه.
البشر تبغي كذا جامل وخلك بشر=نافق وكذب وبهر وبيع الشاريه.
إحذر وخلك أسد لاتعثر في حجر=من تعثر تاكله الوحوش الضاريه.
ضيقتن بي وإستبدت وعاندها الصبر=أعذرهم لاخطوا لين عفت أعذاريه.
جيتهم صافي وجوني بنادق تحتضر=منهم اللي طلقته وقفت مشواريه.
أتشره... كيف؟ ماني على الشرهه جسر=خوفي لاأحس الخواطر وأضيع كاريه.
ماهو ضعف إلامحبه يجاريها القدر=عزهم عزي ومقدارهم مقداريه.
جيت أبيهم راس مال ودعوني للفقر=ورحت منهم منذبح والبقا في ثاريه.
مشكله لاصرت بين النميمه والسهر=مشكله لاصار حبري يبث أسراريه.
مشكله لاعاند الموج هقوات البحر=مشكله لاحب حظي جحود أقداريه.
مالقيت اللي يعيف الخطا ثم(ن)جهر=بالحقيقه والنفوس البغيضه داريه.
وينه اللي لاخطيت إنتهض مثل الصقر=صاح صحيت ناصحن الجبل ياساريه.

[الخليفه]

صح لسانك يأبوعبيد
من بلاني في فخر إبتليتـه فـي فخـر
من نصا بركانيه إحترق مـن ناريـه.

على قولت الدكتور غسان في شاعر المليون بأن الفخر ماهي بلوى
ومع ذلك أجيز النص
هههههههه أبداع والله يأبوعبيد بيوت جزله من شاعر جزل
وبارك الله فيك

[مطلق اليامي]

صح لسانك


قصيده جزله من راس جزل


ولا هي غريبه


وفالك البيرق والمليون



تقبل تحياتي

أرحب يابوعبيد

تسعدني هالطله

البشر تبغي كذا جامـل وخلـك بشـر
نافق وكـذب وبهـر وبيـع الشاريـه.
إحذر وخلك أسـد لاتعثـر فـي حجـر
من تعثر تاكلـه الوحـوش الضاريـه.


الله الله يابوعبيد .

صح الله لسانك ولاهنت نفداك

[محمد الغيثاني]

ارحب يابو عبيد صح الله السانك يالسنافي لا هنت

[ابومحمد الشامري]

الشاعر المبدع محمد المجول صح لسانك على هذه الرائعة الشعرية بانتظار جديدك يا السنافي

[محمد المجول]

عبد الله آل زريق

صح الله بدنك طال عمرك

والله لايهينك على مرورك الكريم

اللي زادني شرف

تقبل تحياتي

[مسعطر]

يا مهدي شفت العجب والعجب فيما نـدر=العجب إنك تشـوف الحقيقـة عاريـة
في زمان أول ما كانت عجـب إلا ظفـر=و في زماني شقلبـت فهمـي و أفكاريـه
لا سألتك.. وش جرى؟ قول ما عندي خبر=و من نشدني قلت مقصر حدود أنظاريه
خلّها تمشي كذا من سهـر يتبـع قهـر=خلـّـني بين القصيـد و لحـون أوتاريـه
هكـذا طبـع الحيـاة المليئـه بالعبـر=مرّة ٍ نسمع صدى و مرّة ٍ متواريـه
من بلاني في فخر إبتليتـه فـي فخـر=من نصا بركانيه إحترق مـن ناريـه

صح لساااانك جزززلة من جززل.. و البيت الأخير هنا اقولك عليه كفووووووووووو

و عندي إستفسار بسيط .. يا ابو عبيد ..

البيت هذا
7
7

جيت أبيهم راس مال و دعونـي للفقـر=و رحت منهم منذبح و البقا فـي ثاريـه

اولاً اقول الله الله بييييييت قوي ..
بس الإستفسار هل هي كلمة (دعوني) او كلمة ( أودعوني )

أودعوني = تركوني او خلوني او جعلوني..

علماً انها تختلف في المعنى بس كلها معناها مضبوط مع البيت ..

و أنا ترا والله ما استنقص القصيدة و لاالبيت اللي انا حددته بالعكس هو من اكثر الأبيات اللي اعجبتني
و أنت شاااعر جزل و معجبتني قصايدك بدون مجامله و اتمنى لك مستقبل قوووي


اخيك الصغير : مسعطر ..

[محمد المجول]

مطلق اليامي

صح الله بدنك طال عمرك

والله لايهينك على مرورك الكريم

اللي زادني شرف

تقبل تحياتي

[عـسـاه خـيـر]

صح السانك قصيده جزله من راس جزل ابدعت فيها