قصيده موجه لمقام سيدي خادم الحرمين الشرفين الملك عبدالله في مساجين نجران

[فيصل بن محمد الوعيلي]

من هذا المنبر الشريف بشرف كتابه وتجاوب مع موضوع اخونا ابراهام اوجه هذه القصيده الي مقام سيدي خادم الحرمين الشرفين الملك عبدالله بن عبد العزيز حفضه الله بلفته ابويه كما عهدناها من الاب الغالي على قلوبنا ملكنا الذي نفديه بكل غالي هذه القصيده راجيا من الله ان يخارج مساجينا

الا ياطير ياطايـر تسلملـي علـي نجـران=وسلملي على ديرة هلي والـي سكـن فيهـا
رجالن تحتمي الديره وستر الخايف الجوعان=رجالن ذكرها يرفـع بـراس الـي يخاويهـا
وسلملي على سور السجن ولي ورا البيبـان=رجالن عاشت هموم السجـن ربـي ينجيهـا
ابي بعد الفجر تدخل عليهم من ورا القضبان=وشوف احوالهم ياطير واحـذر لا تصحيهـا
انا بنخي ابو متعب يفـرج كربـه السهـران=ملك كل القلوب نعيش فـي ظلـه وحاميهـا
ملك كل القلوب اطفال شبـان مـع الشيبـان=ترى حن بالعمر نفداك ملكنا وانـت راعيهـا
تري حن جندكم يال السعود ان ثار بالدخـان=جنودن للوطن نلعـن ثـواء منهـو يعاديهـا
ملكت قلوبنا ياعز الفيقر ومزبـن الشيخـان=جمايلكم على كـل البشـر مانـي بحاصيهـا
بنيت العز قتلت الجوع رميت الذل بالاحسـان=تناجيكم بيوت الشعـر فـي قلبـي وناجيهـا
يناديكم طفل يبكي على المسجون ابيه وحـان=ميعاد الزياره شـاف أبيـه مكلبـش ايدهـا
وشاف ابيه من خلف الحدايد جنبه السجـان=وشاف جنود واجد خاف صاح امـه يناديهـا
وذا جاء الليل في بيته يدور غترتـه حيـران=لبس غتره ابيه بشوق لبسها ثم رقـد فيهـا
وتناديكم عجوز وشايب(ن) يبكي ورا الجدران=تعب يرجي يشوف ابنه يساعدهـم ويعطيهـا
صواديف الدهر والهم والغربه مع الاحـزان=وظلم الوقت والقسوه على دربـه يماشيهـا
الا يالله جنبهم صواديـف الدهـر باحسـان=وتخلـي كـل نفسـن لعيـن دوم ترجيـهـا
وجنبنا هموم الوقت ياربـي عظيـم الشـان=وتبعد علة فـي الجـوف ياربـي وتبريهـا
هموم المنطقه لازم الحنهـا علـى القيفـان=ترى فكرة شعـر ماهـي رسالـه لا تذكيهـا
اذكي جزل قيفانـي وبذكـر ربنـا الرحمـن=اذكيها علي الاسلام علـي غيـره ماذكيهـا
وبلغهم ياطير اني لشوفتهـم بجـي شفقـان=هموم قلوبهـم بالشعـر اسطرهـا وغنيهـا
الا ياطيـر بلغهـم تحيـة فيصـل الفـروان=تحياته مع اشواقـه لهـم بالشـوق يهديهـا

وسلامتكم
فيصل بن محمد ال فروان الوعلي

[مهرة النسيان]

صح لسانك مليون:3rbe46:

والله يفرج كرب جميع المسلمين
ويخرج جميع من هم في السجون ,,,

وان شاء الله نداءك يوصل,,,

[راكان اليامي]

تسلم ولاتندم يابن فروان والله يفك عوق ربعنا

[ابومحمد الشامري]

الاخ العزيز والشاعر المبدع فيصل الوعيلي صح لسانك يا ابو محمد على هذه الرائعة الشعرية المؤثرة في بني عمنا المسجونين الله يفك قيدهم.

[سعود بن تركي ( العديم )]

صح الله لسانك ولا هنت



الله يفرج كربة كل مسلم وباذن الله يوصل صدى قصيدتك


مع الود

اخــوك : العديم

[مسفر مبارك]

صح لسانك يافيصل والله يعجل بساعة الفرج

[@زايد بن ألغز@]

صح لسانك يافيصل وبيض الله وجهك والله يسمع منك ويخارج المساجين وهي ماهي بغريبه على أبو متعب الله يحفظه00

تحياتي

[راشد العتل]

الشاعر المبدع \ فيصل الوعيلي

صح لسااااااااااااانك مليون يالوافي
والله يسمع منك

[سعود الخويطري]

وتناديكم عجوز وشايب(ن) يبكي ورا الجدرانتعب يرجي يشوف ابنه يساعدهم ويعطيهـا
صواديف الدهر والهم والغربه مـع الاحـزانوظلم الوقت والقسوه على دربـه يماشيهـا
الا يالله جنبهم صواديـف الدهـر باحسـانوتخلـي كـل نفسـن لعيـن دوم ترجيهـا
وجنبنا هموم الوقت ياربـي عظيـم الشـانوتبعد علة فـي الجـوف ياربـي وتبريهـا
هموم المنطقه لازم الحنهـا علـى القيفـانترى فكرة شعـر ماهـي رسالـه لا تذكيهـا




الله الله



صح الله لسانك يافيصل بن فروان الوعيلي




وبيض الله وجهك شاعر جزل وحضورك يطربنا




وتقبل سلامي واشواقي

[عبدالله آل عامر]

وسلملي على سور السجن ولي ورا البيبـان***رجالن عاشت هموم السجـن ربـي ينجيهـا
ابي بعد الفجر تدخل عليهم من ورا القضبان***وشوف احوالهم ياطير واحـذر لا تصحيهـا
انا بنخي ابو متعب يفـرج كربـه السهـران***ملك كل القلوب نعيش فـي ظلـه وحاميهـــا
ملك كل القلوب اطفال شبـان مـع الشيبـان***ترى حن بالعمر نفداك ملكنا وانـت راعيهـا

صح لسانك وبيض الله وجهك يا فيصل آل فروان على هذه الرائعة

ونرجي من الله العلي القدير إنه يفك قيد ربعنا