أمــــــاني شـــــــــاعرك

[خالد بن جفـــن]

أضع هذه المتواضعه عسى أن تروق لكم

خذ أماني شاعرك لا ضاق بك صدر الليالي = لا خبت لك من عناقيد الحزن مـا يشعلنّـه
لا تسامر لك على واهج غلاهـم بالأمالـي = موقدٍ لك من شموع الشّوق لو هن يحرقنّه
لا غدا أمسك ويومك مثل ماهو مـا تبالـي = لا تساوت لك همومـك لا ولاهـن فارقنّـه
عندها تسمع صدى قلبٍ همس لك يا حلالي = جاذبن صوته يداعب لك هواجيسـن كونّـه
ساكبٍ لك من عيونٍ تحتري لك بالوصالـي = ناثره دمعٍ سكـب لـك هاجـسٍ لا ردّدنّـه
به تسابق لك هجوس الشّاعر اللي لك يلالي = يجذب الونّات يحلم في وصالـك أرحمنّـه
به تهاتيه الغـلا متجـرّده مـرن وحالـي = لك عديم الحظّ همّه لا غـدى منّـه طونّـه
عاشها في مرّها في حلوها وانت الغوالـي = يا قمر ليلٍ سقى له ضاميـن مـا يروينّـه
يا عسى تشفق لحاله لو قليـلٍ بالكمالـي = منك يرضى بالقلايل لـو همومـه زامينّـه
تنتشي أحروفكم له بالمشاعر يـا مجالـي = لازهاة أحساس قلبه مـن محـبٍّ راجينّـه
طامعٍ منك الوفى لا تخذله يـا راس مالـي = طيعني وافق حبيبي لا ولا تخلـف مظنّـه

السبت 04/12/1020
جريدة الرأي

[هادي بن فهاد]

الله الله

لاهنت ياخالد وصح لسانك على القصيدة الرائعه

والله يعطيك العافية

[فالك طيب]

صح لسااانك

وفالك طيب

[محمد بن ناصر الغفيلي]

الأخ العزيز \ خالد الجفن

صح لسانك وسلم حالك دوم

استمتعنا بما قدمت وبإنتظار إبداعك القادم

[خالد بن جفـــن]

المشاركة الأصلية كتبت بواسطة HADI_KW

الله الله

لاهنت ياخالد وصح لسانك على القصيدة الرائعه

والله يعطيك العافية

صح أبدانك

ولا هنت على الحضور الكريم

[خالد بن جفـــن]

المشاركة الأصلية كتبت بواسطة فالك طيب

صح لسااانك

وفالك طيب

صح أبدانك

وفالك أطيب

لا هنت

[خالد بن جفـــن]

المشاركة الأصلية كتبت بواسطة محمد بن ناصر الغفيلي

الأخ العزيز \ خالد الجفن

صح لسانك وسلم حالك دوم

استمتعنا بما قدمت وبإنتظار إبداعك القادم

صح أبدانك

وشاكر مرورك الكريم

لاهنت

[ناصر الحطيم]

صح لســـانك واعتلا شــانك مميزة

تقبـــل مروري .

[عليل المحبه]

خالد بن جفن

صح الله السانك على الجزله
اللي ماهي غريبه على ماتملك من شاعريه
تطربنا دايم

ولاهنت

[النـوف\نايفه عن كل البنات]

تسلم ولاهنت على ماقدمت


تقبل مروري