( خل الزعل والهجر خله )

[نايف الجال]

خل الزعل والهجر خله = ياصاحبي لاتجافيني
كني عقب صدك بمله = ولوصلك الشوق طاويني
صاحبك صدك عذاب له = عذ بالله إمن الشياطيني
أذكر جميل الغلا كله = ترى الهوى له موازيني
حبل الهوى بالك إتله = لاصار ماجاك بهويني
تابع مساره على حله = وإليا ارتخى شده بزيني
كل ماإنقطع سينه إفتل له = لايرث مابينك وبيني
واللي أنعقد منه بنحله = وأبي يدك ليدي تعيني
الخل يدمح خطا خله = وإن كابر يهون بحيني
بأرضيك لو جيتك بزله = بس لاتصد وتقصويني
كثر الجفى بالهوى يخله = لا يشمت اللي معاديني
لا نصير لأرياقهم بله = من عقب مايبست سنيني
كانك تبي دربي إدله = لاتقول ماعاد يمديني
أنا رفيقك على المله = فيماتبي لك على الديني
ماهو تصنع ترى جبله = تشين الأيام ماشيني
سيف على ماتبي سله = بالنصب والا اللقا الشيني
بس إحذر الحد وإفطن له = لاأقول ماعاد يمديني
ترى اللي ماظنك أوصله = بتشوفه العين بالعيني
قلته وأنا القول قد له = ولأقفيت لاعاد ترجيني

نايف الجال

[بندر العجمي]

صح الله لسانك والله لايشينك يانايف الجال

[عليل المحبه]

الله الله

نايف

صح الله السانك على الجزله

ولاهنت

[هادي بن فهاد]

الله الله

صح السانك اخوي نايف على القصيده الجزله

تقبل تحياتي

[النـوف\نايفه عن كل البنات]

كثر الجفى بالهوى يخلـه لا يشمت اللي معاديني
لا نصير لأرياقهم بلـه من عقب مايبست سنيني
كانك تبي دربـي إدلـه لاتقول ماعـاد يمدينـي
أنا رفيقك علـى الملـه فيماتبي لك على الدينـي


...صــح لسـآآنـــك... آبيات ذووق عن جد... لآهنـــت

[ابو منيف]

صح لسانك يا نايف الجال قصيدة روووعه

[مترك العمره]

جزله بيوت الشعر جزله=يطرب لها قلبي وعيني
ياهاجسي سق له ادله=فنجال بنن على الديني
يطرب لها الكيف بشله=عندي تزين التلاحيني
تسلم وصح الفكر كله=ياللي ضبطت الموازيني

صح الله السانك وسجل اعجابي بهذا النص الراقي وللامانه اعجبني بحر القصيدة وحبية اجاريه

تحياتي لك وتقديري