شاعر يامي يرد على حربي ينقص في قدر رجال يااااااااام

[فطيح]

قالها الشاعرابن عوض في خمس دقايق واللسبب أن واحد حربي قال لي وش قد سويتوا يا يام وقال أين موقعكم من الأعراب فرحت عنه خمس دقايق قلتله:
وهذا مايشمل قبيلة حرب يشمل اللي تكلم في ربعنا

ياحرب حنا يـام ياحـرب ياحـرب=حنا عمى البارود وقت العسامـي
أصغر وراعينا لا من نوى الحـرب=وقف جيوش أهل العراق العضامي
يومن غزى الحجاج والورع بالدرب=قال أخلو سبيله ياعرب فأنه يامـي
ذباحة الجابان ربعي هـل الجـرب=ورعن يوقف له جيوشـن ضوامـي
يابري حالي شاش راسي وانا طرب=للهية اللـي مثـل وبـل الغمامـي
أما توقى الحرب ولا شرب شـرب=والموت والسرداب ورصاص رامي
قدام عينه حنت ركابهـا الجـرب=والقصر مما جاه غـادي عدامـي
ياجاهل ربعي هل الساس والعـرب=وينك من علوم الرجاجيـل عامـي
كم شيخ قومن جعلنا ديرته خـرب=وكم ريسـن وقـع لنـا بالبهامـي
ربعي هل الطولات من عهد يثـرب=ومن عهد سيدنـا عليـه السلامـي
واللي يبيني واقفن له على سـرب=قـدام عينينـه ولا بـه خصـامـي
قلته وانا ربعي عل الشرق والغرب=تحمي حدود رجال يـام الكرامـي
ربعي رجال وعيل ربعي هل الحرب=لا ثارت العجـة وردنـا الحيامـي

وسلامتكم

[ابو عبدالله العجمي]

صح لسااانك ولا هنت على النقل

[البدوي]

صح السانك ومشكور على النقل

[فطيح]

ولاانتو

[مسفر أل منصور (الطلحة)]

كفو كفيت ووفيت وهذا الحربي يعبر عن نفسه وليس عن قبيلة حرب

[محمد ال الضريره]

فطيح

لاهنت

واكرر ماذكره الاخ مسفر ال منصور ان الحربي يمثل نفسه ولا يمثل قبيلة حرب التي تعتز بها وبرجالها وتاريخها .

اما الشاعر ابن عوض صح السانه وكنت اتمنى انه لم يذكر حرب في قصيدته وكتفى ماثر قبيلته

خالص تقديري

[سهيل..؟؟]

مشكووووووووور والله لايهينك
..............................

[سعيّد ابوجعشه]

صح لسااانك ولا هنت على النقل

[ابو سمران]

صح لسانك يا فطيح وحتى لو ذكر قبيلة حرب في قصيدته فما فيها غلط لان الحربي ما خص يامي لحاله قال يام كلها والرجال يمثل قبيلتة والا ويش القبايل يتحاربون عليشان ثنين تخاصمووو كان قالو واحد لواحد ...... وسلامتكم

[ابن افنيس]

يا فطيح جعلك ما تطيح في مسلك الدرب ,, جزل القصايد لا تقولها لذاك الغلامي

عريب الجد ولك من الاحرار لابه وسرب ,, لا تجعل مقامك من مقامه واقرب مقامي

قالها الشافعي أيام مجد العرب ما ينسمع غرب ,, سفيه سفاهته ترفع مقام كل يامي

وسلامتكم جميعا ً , وانا اخوك اذا كنا بنرد على كل سفيه ترا ماراح نخلص , وقالها الشافعي رحمه الله : يخاطبني السفيه بكل قبح فأكره أن أكون له مجيبا ,, يزيد سفاهة فأزيد حلما ً كعود ٍ زاده الإحراق طيبا , و شكرا ً .