قصيدة الشاعر سليمان بن بلال بمزاين ابل قبائل يــــام

[بعيد المسرى]

هذه قصيده للشاعر الكبير / سليمان بن بلال بمناسبة مزاين ابل قبائل يام الذي أقيم في منطقة نجران بعروق المندفن وحبيت نقلها لكم:

يامرحبا بسم يام كلهم من غير تفريق=يام الكرام الحلام ويام حامين الجهامي
من طيبة الاسم حتى شرقي الخرخير وبقيق=حتى حدود الكويت لحد ساحلها التهامي
وعيل مذكر هشام جشم حثيثين الملاحيق=هم عزوتي درعي الضافي وهم صبيان يامي
أنا اشهد من ذكرهم فزعته في حزة الضيق=انها تجلى همومه ويتعلا في الزوامي
أصغرهم اللي لياجات المواقف كنه طويق=وكبارهم لو تلوب المستحيل يصير سامي
يامرحبا بسمهم ترحيب كنه البن لاسيق=عداد وبل حدته بروق ورعود الغمامي
حفل المزاين عليه قلوب عشاقه مشافيق=وبرجاء البلاد الحبيبه مهرجاناته تقامي
بفضل توجيه قادتناالتراث يسير ماعييق=والحث والدعم والتوجيه وصله المرامي
من أولويات أبو متعب ملكنا دون تعليق=وصى بحفظ التراث بكل حرص وهتمامي
صقر العروبه مليك حبته كل المخاليق=ذخرا للقصى والادنى والوطن دونه يحامي
وسلطان ساعده الايمن درعنا لا نشف الريق=ملوكنا اهل الاصاله والعداله والنظامي
حكامنا اللي لهم في المجد والعليا طواريق=عيال عبد العزيز ابن اليمام ابن اليمامي
حكام دار السلام مطبقين الشرع تطبيق=دستورها من كتاب أنزله رب الأنامي
بربع جهات البسيطه هم رفيعين المعاليق=والله مامثلهم في حرب ولا في سلامي
ان عودت للشجاعه يجعلون الجمع تمزيق=اخوان نوره هل العوجا مقابيس الظلامي
ون كانها : للسياسه ماتكودهم المغاليق=يستدركون الحلول وتضرب الحامي بحامي
ون كانهــا : بالكرم فهم الكريمين المطاليق=اللي كرمهم لوجه الله كرام من كرامي
ون كانها : بالعوايد والمروه والمواثيق=فالوجه والجاه والفزعه تحصلها شمامي
منا وفينا حكومتنا كلام بدون تلفيق=الدين واحد ونفس الطبع واحد والتسامي
ألا انهم قادة نفخر بهم في كل توثيق=ولاينكر الفضل ونتم تكرمون الا الخمامي
مهما تشوش عقول ٍ فكرها خلطة مساحيق=خابو وعابو وراحو من عدام في عدامي
ولاشك في مذهبه وبلاده إلا كل زنديق=ولا ينكر الحق ويخون العهود الا انفصامي
يغسل دماغه ويرجع في النهايه طير بطريق=الا وراء الطير الافضل في عزومه والصيامي
شله رذيله ومنبوذه ومقطوعة توافيق=ماحرم الله تحله والحلال اصبح حرامي
الارهاب مدحوروطرافه من أعلى الروس للسيق=والاسلام يحماه خلاق ٍ عيونه ماتنامي
وحنا هنا يام نعلن بالولا وبكل تصديق=انا على عهدنا الموثوق عام بعد عامي
لملوكنا السمع والطاعه وعهد مابعد بيق=وليا بدا النوب يام مع هل الخط الامامي
واعود للبل عطايا الله والابل اخير ماسيق=منايح الرسل والمشروب منها والطعامي
سفن الصحاري وناقلة البضايع من الاساويق=ضمر عليها تحج الناس للبيت الحرامي
وهي الكسايب ليا قبضوا هل الرمي المواشيق=واليا اشتبك عج خيل وذوب عجلين الولامي
سفن الصحاري تراث اجدادنا منهج وتدقيق =ماترتبط بالاشاره والكباري والزحامي
واليوم في مهرجانات المزاين صار تبريق=جوايز واجتماع وحوز حمر ٍ عن جهامي
يالعامري فالك البيضاء على روس الشواهيق=مواقف العز يبن حويل لك فيها مقامي
ومن يبني الفكره اللي للرجال تعد وتليق=يستاهل النعم والفنجال الاول والسنامي
ويامرحبا بسم يام كلهم من غير تفريق=وتقبلوا خالص التقدير في بيت الختامي

[الفرس]

لاهنت بعيد المسرى على القصيده الرائعه

ون كانها : بالكرم فهـم الكريميـن المطاليـق...................اللي كرمهـم لوجـه الله كـرام مـن كرامـي


صح لسان الشاعر وماقصرت على النقل

[بعيد المسرى]

الفرس
لاهنت على المرور

[سعيّد ابوجعشه]

بعيد المسرى

لاهنت وبيض الله وجهك على نقل القصيده

وص لسان ابن بلال

تحياتي لك

[بعيد المسرى]

سعيد ابو جعشه
مشكور على المرور

[سعود الخويطري]

بعيد المسرى



صح الله لسانك ولسان الشاعر الكبير : سليمان بن بلال




وبيض الله وجهك يالغالي



تقبل سلامي واشواقي

[مهرة النسيان]

لاهنت يابعيد المسرى

وصح لسان الشاعر سليمان بن بلال على هذه الرائعه ..

[بعيد المسرى]

الاخ الغالي سعود الخويطري
مرحبا بك وشكرا على المرور.

[بعيد المسرى]

مهرة النسيان
مرحبا ومرور مشكور

[بطاح]

بعيد المسرى

لاهنت وبيض الله وجهك على نقل القصيده

وص لسان ابن بلال

تحياتي لك