سؤال إلى أهــــــــــــــــل الشعر؟؟؟

[فارس الجزيرة]

الســــــــــــــــــــــــــــــــلام علــــــــــــــــــــــــــــيكم
صراحة هناك قصايد احب اسمعها واكثر ما اسمعها في الأعراس دايما
وللأسف ان هذه القصايد مو حافظها كلها
والسؤال طبعا موجه الى اهل الإختصاص
والسؤال هو ؟؟؟؟
ابي القصيد اللي هذه من بعض وتقول
(((((هاتوا الدلة وفنجالي ...... دلة بالهيل مليانه )))))
وقصيدة ثانية بدايتها
((((( سرى الليل يا ساري سرى الليل )))))
ارجو من الأخوة الأعضاء مساعدتي في ايجاد هذه القصيدتان
ولكم جزيل الشكر والعرفان

[سلـ العتيبي ـطان]

هذا اللي قدرنا عليه يا الغالي
وسامحني على القصور

سرى الليل يا ساري وجرحي عرفت دواه
على طلعة الجوزا نبي نسهر الليلة

أنا بامسح الجره إلى جيت حول حماه
عسى الناس ما تدري وتعرف مداهيله

ترانا على الشكوى ومر الشقا ذقناه
أقوله وانا الشاكي ولا في يدي حيلة

عسى الليل لا حدر وكلٍ عرف مسراه
تناحت نجوم الليل والقلب يسري له

أجي له على الداعي وودي على لاماه
أحبه محبه وارخص العمر واضحي له

يحير النظر لا غاب قلت آه وين القاه
تكسر بي العبرات إلى ابطت مراسيله

تمشكلت في حبه وشي مضى ما انساه
غرابيل قلبي والشقا من غرابيله

عسى الجو يصفا لي وحبي على مبداه
تطيب الجروح ولذة العمر تكميلة

[فارس الجزيرة]

لاهنت با (((((سلـطان العتيبي)))))

[ابو عبدالله العجمي]

الله لا يهينك سلطان العتيبي على ذي الفززعه يا السناايدي

[سعود الخويطري]

مرحبا بك يـ فارس الجزيره



والقصايد سمعتها لكني لاأحفظها



والذي سيفيدك الاعلامي والشاعر / حمد العزب وأعتقد انه شاعرها



وتقبل سلامي واشواقي

[البشر..]

أعتقد مثل ما قال الخويطري راح يفيدك حمد العزب

[بطاح]

الله لا يهينك يا سلطان العتيبي

[&الهتلاني&]

ارحب يا فارس الجزيره وتفضل القصيده المطلوبه

يالله المطلوب يالوالـي \\ياكريم الجـود سبحانـه
لابدينا بزيـن الامثالـي \\زان قول الشعر والحانه
هاتـو الدلـه وفنجالـي \\دلتـن باللهيـل مليانـه
للحضور تصب وتشالي \\مرحبا والنفس طربانـه
لابتي يامزبـن الجالـي \\مزبنه من دون عدوانـه
في نهار الكون عيالـي \\لاختلط عجـه ودخانـه
بنت ياللي لبسها غالـي \\كنها وسط البحر دانـه
ضامرً والعـود ميالـي \\والعيون عيون شيهانـه
ماتلقت صوب الانذالـي \\والردي ماشانهـا شانـه
عينها لمعـرب الخالـي \\تقصر الخطوه على شانه