قصيده فاالعجمان وردها

[كفيل غلام]

السلام عليكم ورحمة الله وبركاته ؛;;

مبداي بالله وستعاذي من ابليـــس = الواحد المعبود رب العبـــــــــــادي
لهبت الغربي وجالها نسانيـــــــس = قمت اتضيق من جروح الـــــفوادي
لـ بوقريان اكتب الخط بالقيـــــــــــس = وعطه الخط بكل معنا ووكــــــــادي
اعطه خطاً ماخطربه تلامـــــــــــــس= خط حربيٍ يعود الشـــــــــــــــــــدادي
انتم سباعٍ هايماتٍ مفاريــــــــــــس= تعرفكم الحضر والبـــــــــــــــــــوادي
في وقت ابن حثلين حاش النواميس = وشبعت بوقته حايمات الحــــــنادي
واليوم اشوف الذيب يمشي مع التيس= وقتٍ غدا لمحنيات الايـــــــــــــادي

الشاعر : دهـام نجب الحربي .

الرد :::

حبرٍ لافاني من فوق بيض القراطيس =يسوقه الغربي لذيذ الـــــــــــــبرادي
ساعة لفا كثر علي الهواجــــــــــيس = وعين الشقا عافة لذيذ الــــبرادي
في شف قرمٍ سيس القاف تســـــيس = وصب القواعد والعمد بجتـــــــهادي
حييت ياحربي بكل المقايــــــــــــــــس = وقدرالامن زته بطيـــــــــــــب زادي
سلطان قل لدهام سبر العراميـــــــس = نبذله المجهود بغياب هـــــــــــــادي
عليت ياوجه الندا والنوامـــــــــــيس = ياللي على هادي بصوتك تنـــــــادي
انكان الطلب يدهام دين خذ الكــــــيس =وانكان فزعه تجيك الايــــــــــــــــادي
بشر بفزعة متعبين المحامــــــــيس = اللي بهم جرد السبايا تقــــــــــــادي
ياميةٍ ماتنجذب بل بهانــــــــــــــــيس = عونك قدا ولاعلى غير قـــــــــــــادي
ليا اختلط علج الرمك والمقابــــيس = تاطا الجمر كنها تدوس الرمــــــادي
فيهم طنى من جنس طنيا السناعيس = وفيهم عزيمة تركي وبن هـــــــادي
وفيهم شجاعة محسن مذري العيس = والقرم اخو حسنه وشيمة مـهـادي
ياميةٍ ياعون صفوف المحاميس = يافزعة المضيوم يوم الــــــطرادي
ان رتهم فريس ولاعواســـــــــيس = ماتطلبه يدهام ياتي قــــــصادي
انشدك ياشوق زاهي النقاريـــــــس = عن حرب وينك يبن لجواد غــــادي
غناة كفاً كان لحقك تفالــــــــــــــيس = عونك لصعوبات الامور انــــــشادي
لاتتقي عنهم بحد الدواعــــــــــــيس = وتقول وقتي داس بسرة فـــــــوادي
وللي تريس بول الوقت ماديــــــس = انشد وتلقاله مع النــــــــــــاس وادي
وذيب ذيب وحصني الخيس بالخيس = وسلم سلمت من العنا وانكـــــــــــادي

الشاعر : حمد قريان الخويطري العجمي .

[فطيح]

رديه قووويه لاهنت ياغلام

[سرحان الفكر]

صـح لسانك ولسان مردودها ولااااااااااااااااهنت

وليت القصايد كلها كذا رديات جميله ومسنوده

دمتم سالمين


سرحان الفكر

[الوافـي]

مشكووووووور على نقل هذه القصائد الرااائعه ويعطيك العافيه يا كفيل غلام

[راعي الزرقا]

مشكوووووووووور ويعطيك العافيه على النقل

[سعود الخويطري]

سلمت وسلمت يمناك يـ كفيل غلام



وصح الله لسان الحربي وحمد بن قريان



وأسمحلي على التنسيق لهكذا ابداع وتميز



- وأرجو منك تعديل الموضوع لما يحتويه من اخطاء املائية



ودائما بـ أنتظار مالديك من ابداعاتك



وتقبل سلامي واشواقي

[بندر العجمي]

مشكووووووور على نقل هذه القصائد الرااائعه ويعطيك العافيه يا كفيل غلام